הוֹן עָשִׁיר קִרְיַת עֻזּוֹ וּכְחוֹמָה נִשְׂגָּבָה בְּמַשְׂכִּיתֽוֹ ׃

טוֹב ־ מְעַט בְּיִרְאַת יְהוָה מֵאוֹצָר רָב וּמְהוּמָה בֽוֹ ׃

בִּרְבוֹת הַטּוֹבָה רַבּוּ אוֹכְלֶיהָ וּמַה ־ כִּשְׁרוֹן לִבְעָלֶיהָ כִּי אִם ־ ראית עֵינָֽיו ׃

שָׁוְא ׀ וּֽדְבַר ־ כָּזָב הַרְחֵק מִמֶּנִּי רֵאשׁ וָעֹשֶׁר אַל ־ תִּֽתֶּן ־ לִי הַטְרִיפֵנִי לֶחֶם חֻקִּֽי ׃

לֹא ־ יוֹעִיל הוֹן בְּיוֹם עֶבְרָה וּצְדָקָה תַּצִּיל מִמָּֽוֶת ׃

נִבְחָר שֵׁם מֵעֹשֶׁר רָב מִכֶּסֶף וּמִזָּהָב חֵן טֽוֹב ׃

קְֽנֹה ־ חָכְמָה מַה ־ טּוֹב מֵחָרוּץ וּקְנוֹת בִּינָה נִבְחָר מִכָּֽסֶף ׃

התעוף עֵינֶיךָ בּוֹ וְֽאֵינֶנּוּ כִּי עָשֹׂה יַעֲשֶׂה ־ לּוֹ כְנָפַיִם כְּנֶשֶׁר ועיף הַשָּׁמָֽיִם ׃ פ

כָּל ־ הַיּוֹם הִתְאַוָּה תַאֲוָה וְצַדִּיק יִתֵּן וְלֹא יַחְשֹֽׂךְ ׃

וְגַם ־ זֹה רָעָה חוֹלָה כָּל ־ עֻמַּת שֶׁבָּא כֵּן יֵלֵךְ וּמַה ־ יִּתְרוֹן לוֹ שֶֽׁיַּעֲמֹל לָרֽוּחַ ׃