לְדָוִד ׀ יְהוָה ׀ אוֹרִי וְיִשְׁעִי מִמִּי אִירָא יְהוָה מָֽעוֹז ־ חַיַּי מִמִּי אֶפְחָֽד ׃

כִּֽי ־ לְעוֹלָם לֹא ־ יִמּוֹט לְזֵכֶר עוֹלָם יִהְיֶה צַדִּֽיק ׃

מִשְּׁמוּעָה רָעָה לֹא יִירָא נָכוֹן לִבּוֹ בָּטֻחַ בַּיהוָֽה ׃

וַיֹּאמֶר מֹשֶׁה אֶל ־ הָעָם אַל ־ תִּירָאוּ כִּי לְבַֽעֲבוּר נַסּוֹת אֶתְכֶם בָּא הָאֱלֹהִים וּבַעֲבוּר תִּהְיֶה יִרְאָתוֹ עַל ־ פְּנֵיכֶם לְבִלְתִּי תֶחֱטָֽאוּ ׃

לְדָוִד ׀ יְהוָה ׀ אוֹרִי וְיִשְׁעִי מִמִּי אִירָא יְהוָה מָֽעוֹז ־ חַיַּי מִמִּי אֶפְחָֽד ׃

כִּי יִצְפְּנֵנִי ׀ בְּסֻכֹּה בְּיוֹם רָעָה יַסְתִּרֵנִי בְּסֵתֶר אָהֳלוֹ בְּצוּר יְרוֹמְמֵֽנִי ׃

שָׁאֲפוּ שׁוֹרְרַי כָּל ־ הַיּוֹם כִּֽי ־ רַבִּים לֹחֲמִים לִי מָרֽוֹם ׃

אַל ־ תִּירָא כִּי עִמְּךָ ־ אָנִי אַל ־ תִּשְׁתָּע כִּֽי ־ אֲנִי אֱלֹהֶיךָ אִמַּצְתִּיךָ אַף ־ עֲזַרְתִּיךָ אַף ־ תְּמַכְתִּיךָ בִּימִין צִדְקִֽי ׃

וְשֹׁמֵעַֽ לִי יִשְׁכָּן ־ בֶּטַח וְשַׁאֲנַן מִפַּחַד רָעָֽה ׃ פ

חֶרְדַּת אָדָם יִתֵּן מוֹקֵשׁ וּבוֹטֵחַ בַּיהוָה יְשֻׂגָּֽב ׃

גַּדְּלוּ לַיהוָה אִתִּי וּנְרוֹמְמָה שְׁמוֹ יַחְדָּֽו ׃

אַחַר ׀ הַדְּבָרִים הָאֵלֶּה הָיָה דְבַר ־ יְהוָה אֶל ־ אַבְרָם בַּֽמַּחֲזֶה לֵאמֹר אַל ־ תִּירָא אַבְרָם אָנֹכִי מָגֵן לָךְ שְׂכָרְךָ הַרְבֵּה מְאֹֽד ׃

שָׁאֲפוּ שׁוֹרְרַי כָּל ־ הַיּוֹם כִּֽי ־ רַבִּים לֹחֲמִים לִי מָרֽוֹם ׃

יוֹם אִירָא אֲנִי אֵלֶיךָ אֶבְטָֽח ׃

אַל ־ תִּירָא מִפְּנֵיהֶם כִּֽי ־ אִתְּךָ אֲנִי לְהַצִּלֶךָ נְאֻם ־ יְהוָֽה ׃

מִקּוֹל אוֹיֵב מִפְּנֵי עָקַת רָשָׁע כִּי ־ יָמִיטוּ עָלַי אָוֶן וּבְאַף יִשְׂטְמֽוּנִי ׃

לִבִּי יָחִיל בְּקִרְבִּי וְאֵימוֹת מָוֶת נָפְלוּ עָלָֽי ׃

¹⁵ וַיַּשְׁכֵּם מְשָׁרֵת אִישׁ הָֽאֱלֹהִים לָקוּם וַיֵּצֵא וְהִנֵּה ־ חַיִל סוֹבֵב אֶת ־ הָעִיר וְסוּס וָרָכֶב וַיֹּאמֶר נַעֲרוֹ אֵלָיו אֲהָהּ אֲדֹנִי אֵיכָה נַֽעֲשֶֽׂה ׃

¹⁶ וַיֹּאמֶר אַל ־ תִּירָא כִּי רַבִּים אֲשֶׁר אִתָּנוּ מֵאֲשֶׁר אוֹתָֽם ׃

¹⁷ וַיִּתְפַּלֵּל אֱלִישָׁע וַיֹּאמַר יְהוָה פְּקַח ־ נָא אֶת ־ עֵינָיו וְיִרְאֶה וַיִּפְקַח יְהוָה אֶת ־ עֵינֵי הַנַּעַר וַיַּרְא וְהִנֵּה הָהָר מָלֵא סוּסִים וְרֶכֶב אֵשׁ סְבִיבֹת אֱלִישָֽׁע ׃

קָרַבְתָּ בְּיוֹם אֶקְרָאֶךָּ אָמַרְתָּ אַל ־ תִּירָֽא ׃ ס

כְּרַחֵם אָב עַל ־ בָּנִים רִחַם יְהוָה עַל ־ יְרֵאָֽיו ׃

יְהוָה לִי לֹא אִירָא מַה ־ יַּעֲשֶׂה לִי אָדָֽם ׃

לֹא ־ תִירָא מִפַּחַד לָיְלָה מֵחֵץ יָעוּף יוֹמָֽם ׃

מִדֶּבֶר בָּאֹפֶל יַהֲלֹךְ מִקֶּטֶב יָשׁוּד צָהֳרָֽיִם ׃

אִם ־ תִּשְׁכַּב לֹֽא ־ תִפְחָד וְשָׁכַבְתָּ וְֽעָרְבָה שְׁנָתֶֽךָ ׃

יוֹם אִירָא אֲנִי אֵלֶיךָ אֶבְטָֽח ׃

הֲלוֹא צִוִּיתִיךָ חֲזַק וֶאֱמָץ אַֽל ־ תַּעֲרֹץ וְאַל ־ תֵּחָת כִּי עִמְּךָ יְהוָה אֱלֹהֶיךָ בְּכֹל אֲשֶׁר תֵּלֵֽךְ ׃ פ

וַֽיהוָה הוּא ׀ הַהֹלֵךְ לְפָנֶיךָ הוּא יִהְיֶה עִמָּךְ לֹא יַרְפְּךָ וְלֹא יַֽעַזְבֶךָּ לֹא תִירָא וְלֹא תֵחָֽת ׃

חָלְקוּ ׀ מַחְמָאֹת פִּיו וּֽקֲרָב ־ לִבּוֹ רַכּוּ דְבָרָיו מִשֶּׁמֶן וְהֵמָּה פְתִחֽוֹת ׃

כִּי אֲנִי יְהוָה אֱלֹהֶיךָ מַחֲזִיק יְמִינֶךָ הָאֹמֵר לְךָ אַל ־ תִּירָא אֲנִי עֲזַרְתִּֽיךָ ׃ ס

גַּם כִּֽי ־ אֵלֵךְ בְּגֵיא צַלְמָוֶת לֹא ־ אִירָא רָע כִּי ־ אַתָּה עִמָּדִי שִׁבְטְךָ וּמִשְׁעַנְתֶּךָ הֵמָּה יְנַֽחֲמֻֽנִי ׃

וְאַתָּה בֶן ־ אָדָם אַל ־ תִּירָא מֵהֶם וּמִדִּבְרֵיהֶם אַל ־ תִּירָא כִּי סָרָבִים וְסַלּוֹנִים אוֹתָךְ וְאֶל ־ עַקְרַבִּים אַתָּה יוֹשֵׁב מִדִּבְרֵיהֶם אַל ־ תִּירָא וּמִפְּנֵיהֶם אַל ־ תֵּחָת כִּי בֵּית מְרִי הֵֽמָּה ׃

חִזְקוּ וְאִמְצוּ אַל ־ תִּֽירְאוּ וְאַל ־ תַּעַרְצוּ מִפְּנֵיהֶם כִּי ׀ יְהוָה אֱלֹהֶיךָ הוּא הַהֹלֵךְ עִמָּךְ לֹא יַרְפְּךָ וְלֹא יַעַזְבֶֽךָּ ׃ פ

אַל ־ תִּֽירְאִי אֲדָמָה גִּילִי וּשְׂמָחִי כִּֽי ־ הִגְדִּיל יְהוָה לַעֲשֽׂוֹת ׃

אִמְרוּ לְנִמְהֲרֵי ־ לֵב חִזְקוּ אַל ־ תִּירָאוּ הִנֵּה אֱלֹֽהֵיכֶם נָקָם יָבוֹא גְּמוּל אֱלֹהִים הוּא יָבוֹא וְיֹשַׁעֲכֶֽם ׃

¹ לַמְנַצֵּחַ לִבְנֵי ־ קֹרַח עַֽל ־ עֲלָמוֹת שִֽׁיר ׃

² אֱלֹהִים לָנוּ מַחֲסֶה וָעֹז עֶזְרָה בְצָרוֹת נִמְצָא מְאֹֽד ׃

³ עַל ־ כֵּן לֹא ־ נִירָא בְּהָמִיר אָרֶץ וּבְמוֹט הָרִים בְּלֵב יַמִּֽים ׃