וּמַכֵּה אָבִיו וְאִמּוֹ מוֹת יוּמָֽת ׃

שֵׁבֶט וְתוֹכַחַת יִתֵּן חָכְמָה וְנַעַר מְשֻׁלָּח מֵבִישׁ אִמּֽוֹ ׃

בֵּן חָכָם מוּסַר אָב וְלֵץ לֹא ־ שָׁמַע גְּעָרָֽה ׃

שְׁמַע בְּנִי מוּסַר אָבִיךָ וְאַל ־ תִּטֹּשׁ תּוֹרַת אִמֶּֽךָ ׃

כִּי ׀ לִוְיַת חֵן הֵם לְרֹאשֶׁךָ וַעֲנָקִים לְגַרְגְּרֹתֶֽיךָ ׃

עַיִן ׀ תִּֽלְעַג לְאָב וְתָבוּז לִֽיקֲּהַת ־ אֵם יִקְּרוּהָ עֹרְבֵי ־ נַחַל וְֽיֹאכְלוּהָ בְנֵי ־ נָֽשֶׁר ׃ פ

¹⁸ כִּֽי ־ יִהְיֶה לְאִישׁ בֵּן סוֹרֵר וּמוֹרֶה אֵינֶנּוּ שֹׁמֵעַ בְּקוֹל אָבִיו וּבְקוֹל אִמּוֹ וְיִסְּרוּ אֹתוֹ וְלֹא יִשְׁמַע אֲלֵיהֶֽם ׃

¹⁹ וְתָפְשׂוּ בוֹ אָבִיו וְאִמּוֹ וְהוֹצִיאוּ אֹתוֹ אֶל ־ זִקְנֵי עִירוֹ וְאֶל ־ שַׁעַר מְקֹמֽוֹ ׃

²⁰ וְאָמְרוּ אֶל ־ זִקְנֵי עִירוֹ בְּנֵנוּ זֶה סוֹרֵר וּמֹרֶה אֵינֶנּוּ שֹׁמֵעַ בְּקֹלֵנוּ זוֹלֵל וְסֹבֵֽא ׃

²¹ וּרְגָמֻהוּ כָּל ־ אַנְשֵׁי עִירוֹ בָֽאֲבָנִים וָמֵת וּבִֽעַרְתָּ הָרָע מִקִּרְבֶּךָ וְכָל ־ יִשְׂרָאֵל יִשְׁמְעוּ וְיִרָֽאוּ ׃ ס

²⁰ נְצֹר בְּנִי מִצְוַת אָבִיךָ וְאַל ־ תִּטֹּשׁ תּוֹרַת אִמֶּֽךָ ׃

²¹ קָשְׁרֵם עַל ־ לִבְּךָ תָמִיד עָנְדֵם עַל ־ גַּרְגְּרֹתֶֽךָ ׃

²² בְּהִתְהַלֶּכְךָ ׀ תַּנְחֶה אֹתָךְ בְּֽשָׁכְבְּךָ תִּשְׁמֹר עָלֶיךָ וַהֲקִיצוֹתָ הִיא תְשִׂיחֶֽךָ ׃

²³ כִּי נֵר מִצְוָה וְתוֹרָה אוֹר וְדֶרֶךְ חַיִּים תּוֹכְחוֹת מוּסָֽר ׃

¹ שִׁמְעוּ בָנִים מוּסַר אָב וְהַקְשִׁיבוּ לָדַעַת בִּינָֽה ׃

² כִּי לֶקַח טוֹב נָתַתִּי לָכֶם תּֽוֹרָתִי אַֽל ־ תַּעֲזֹֽבוּ ׃

³ כִּי ־ בֵן הָיִיתִי לְאָבִי רַךְ וְיָחִיד לִפְנֵי אִמִּֽי ׃

⁴ וַיֹּרֵנִי וַיֹּאמֶר לִי יִֽתְמָךְ ־ דְּבָרַי לִבֶּךָ שְׁמֹר מִצְוֺתַי וֶֽחְיֵֽה ׃

⁵ קְנֵה חָכְמָה קְנֵה בִינָה אַל ־ תִּשְׁכַּח וְאַל ־ תֵּט מֵֽאִמְרֵי ־ פִֽי ׃

⁶ אַל ־ תַּעַזְבֶהָ וְתִשְׁמְרֶךָּ אֱהָבֶהָ וְתִצְּרֶֽךָּ ׃

כַּבֵּד אֶת ־ אָבִיךָ וְאֶת ־ אִמֶּךָ כַּאֲשֶׁר צִוְּךָ יְהוָה אֱלֹהֶיךָ לְמַעַן ׀ יַאֲרִיכֻן יָמֶיךָ וּלְמַעַן יִיטַב לָךְ עַל הָֽאֲדָמָה אֲשֶׁר ־ יְהוָה אֱלֹהֶיךָ נֹתֵן לָֽךְ ׃ ס

כַּבֵּד אֶת ־ אָבִיךָ וְאֶת ־ אִמֶּךָ לְמַעַן יַאֲרִכוּן יָמֶיךָ עַל הָאֲדָמָה אֲשֶׁר ־ יְהוָה אֱלֹהֶיךָ נֹתֵן לָֽךְ ׃ ס

חֲנֹךְ לַנַּעַר עַל ־ פִּי דַרְכּוֹ גַּם כִּֽי ־ יַזְקִין לֹֽא ־ יָסוּר מִמֶּֽנָּה ׃