O Papel da Mulher

10 אֵֽשֶׁת ־ חַיִל מִי יִמְצָא וְרָחֹק מִפְּנִינִים מִכְרָֽהּ ׃

11 בָּטַח בָּהּ לֵב בַּעְלָהּ וְשָׁלָל לֹא יֶחְסָֽר ׃

12 גְּמָלַתְהוּ טוֹב וְלֹא ־ רָע כֹּל יְמֵי חַיֶּֽיה ׃

Provérbios 31:10-12

24 סָדִין עָשְׂתָה וַתִּמְכֹּר וַחֲגוֹר נָתְנָה לַֽכְּנַעֲנִֽי ׃

25 עֹז ־ וְהָדָר לְבוּשָׁהּ וַתִּשְׂחַק לְיוֹם אַחֲרֽוֹן ׃

26 פִּיהָ פָּתְחָה בְחָכְמָה וְתֽוֹרַת ־ חֶסֶד עַל ־ לְשׁוֹנָֽהּ ׃

27 צוֹפִיָּה הֲלִיכוֹת בֵּיתָהּ וְלֶחֶם עַצְלוּת לֹא תֹאכֵֽל ׃

Provérbios 31:24-27

13 דָּרְשָׁה צֶמֶר וּפִשְׁתִּים וַתַּעַשׂ בְּחֵפֶץ כַּפֶּֽיהָ ׃

14 הָיְתָה כָּאֳנִיּוֹת סוֹחֵר מִמֶּרְחָק תָּבִיא לַחְמָֽהּ ׃

15 וַתָּקָם ׀ בְּעוֹד לַיְלָה וַתִּתֵּן טֶרֶף לְבֵיתָהּ וְחֹק לְנַעֲרֹתֶֽיהָ ׃

16 זָמְמָה שָׂדֶה וַתִּקָּחֵהוּ מִפְּרִי כַפֶּיהָ נטע כָּֽרֶם ׃

17 חָֽגְרָה בְעוֹז מָתְנֶיהָ וַתְּאַמֵּץ זְרֹעוֹתֶֽיהָ ׃

18 טָעֲמָה כִּי ־ טוֹב סַחְרָהּ לֹֽא ־ יִכְבֶּה בליל נֵרָֽהּ ׃

19 יָדֶיהָ שִׁלְּחָה בַכִּישׁוֹר וְכַפֶּיהָ תָּמְכוּ פָֽלֶךְ ׃

20 כַּפָּהּ פָּרְשָׂה לֶעָנִי וְיָדֶיהָ שִׁלְּחָה לָֽאֶבְיֽוֹן ׃

Provérbios 31:13-20

חַכְמוֹת נָשִׁים בָּנְתָה בֵיתָהּ וְאִוֶּלֶת בְּיָדֶיהָ תֶהֶרְסֶֽנּוּ ׃

Provérbios 14:1

וַיִּבְרָא אֱלֹהִים ׀ אֶת ־ הָֽאָדָם בְּצַלְמוֹ בְּצֶלֶם אֱלֹהִים בָּרָא אֹתוֹ זָכָר וּנְקֵבָה בָּרָא אֹתָֽם ׃

וַיְבָרֶךְ אֹתָם אֱלֹהִים וַיֹּאמֶר לָהֶם אֱלֹהִים פְּרוּ וּרְבוּ וּמִלְאוּ אֶת ־ הָאָרֶץ וְכִבְשֻׁהָ וּרְדוּ בִּדְגַת הַיָּם וּבְעוֹף הַשָּׁמַיִם וּבְכָל ־ חַיָּה הָֽרֹמֶשֶׂת עַל ־ הָאָֽרֶץ ׃

Gênesis 1:27,28

אֶֽל ־ הָאִשָּׁה אָמַר הַרְבָּה אַרְבֶּה עִצְּבוֹנֵךְ וְהֵֽרֹנֵךְ בְּעֶצֶב תֵּֽלְדִי בָנִים וְאֶל ־ אִישֵׁךְ תְּשׁוּקָתֵךְ וְהוּא יִמְשָׁל ־ בָּֽךְ ׃ ס

Gênesis 3:16

שְׁמַע בְּנִי מוּסַר אָבִיךָ וְאַל ־ תִּטֹּשׁ תּוֹרַת אִמֶּֽךָ ׃

Provérbios 1:8

וַיֹּאמֶר יְהוָה אֱלֹהִים לֹא ־ טוֹב הֱיוֹת הָֽאָדָם לְבַדּוֹ אֶֽעֱשֶׂהּ ־ לּוֹ עֵזֶר כְּנֶגְדּֽוֹ ׃

Gênesis 2:18