בְּךָ יְהוָה חָסִיתִי אַל ־ אֵבוֹשָׁה לְעוֹלָם בְּצִדְקָתְךָ פַלְּטֵֽנִי ׃

בָּרוּךְ תִּֽהְיֶה מִכָּל ־ הָעַמִּים לֹא ־ יִהְיֶה בְךָ עָקָר וַֽעֲקָרָה וּבִבְהֶמְתֶּֽךָ ׃

וּבְנֵי יִשְׂרָאֵל פָּרוּ וַֽיִּשְׁרְצוּ וַיִּרְבּוּ וַיַּֽעַצְמוּ בִּמְאֹד מְאֹד וַתִּמָּלֵא הָאָרֶץ אֹתָֽם ׃ פ

שִׁמְעָה אֱלֹהִים רִנָּתִי הַקְשִׁיבָה תְּפִלָּתִֽי ׃

גִּבּוֹר בָּאָרֶץ יִהְיֶה זַרְעוֹ דּוֹר יְשָׁרִים יְבֹרָֽךְ ׃

כִּי אָפְפוּ ־ עָלַי ׀ רָעוֹת עַד ־ אֵין מִסְפָּר הִשִּׂיגוּנִי עֲוֺנֹתַי וְלֹא ־ יָכֹלְתִּי לִרְאוֹת עָצְמוּ מִשַּֽׂעֲרוֹת רֹאשִׁי וְלִבִּי עֲזָבָֽנִי ׃

מֽוֹשִׁיבִי ׀ עֲקֶרֶת הַבַּיִת אֵֽם ־ הַבָּנִים שְׂמֵחָה הַֽלְלוּ ־ יָֽהּ ׃

הֲ‍ֽלֹא ־ בַבֶּטֶן עֹשֵׂנִי עָשָׂהוּ וַיְכֻנֶנּוּ בָּרֶחֶם אֶחָֽד ׃

לֹא יִֽיגְעוּ לָרִיק וְלֹא יֵלְדוּ לַבֶּהָלָה כִּי זֶרַע בְּרוּכֵי יְהוָה הֵמָּה וְצֶאֱצָאֵיהֶם אִתָּֽם ׃

וּקְרָאֵנִי בְּיוֹם צָרָה אֲחַלֶּצְךָ וּֽתְכַבְּדֵֽנִי ׃

כִּֽי ־ חִזַּק בְּרִיחֵי שְׁעָרָיִךְ בֵּרַךְ בָּנַיִךְ בְּקִרְבֵּֽךְ ׃

כִּֽי ־ אַתָּה קָנִיתָ כִלְיֹתָי תְּסֻכֵּנִי בְּבֶטֶן אִמִּֽי ׃

כִּי בִי חָשַׁק וַאֲפַלְּטֵהוּ אֲשַׂגְּבֵהוּ כִּֽי ־ יָדַע שְׁמִֽי ׃

²⁹ נֹתֵן לַיָּעֵף כֹּחַ וּלְאֵין אוֹנִים עָצְמָה יַרְבֶּֽה ׃

³⁰ וְיִֽעֲפוּ נְעָרִים וְיִגָעוּ וּבַחוּרִים כָּשׁוֹל יִכָּשֵֽׁלוּ ׃

³¹ וְקוֹיֵ יְהוָה יַחֲלִיפוּ כֹחַ יַעֲלוּ אֵבֶר כַּנְּשָׁרִים יָרוּצוּ וְלֹא יִיגָעוּ יֵלְכוּ וְלֹא יִיעָֽפוּ ׃ פ

יָד לְיָד לֹא ־ יִנָּקֶה רָּע וְזֶרַע צַדִּיקִים נִמְלָֽט ׃

בְּטֶרֶם אצורך בַבֶּטֶן יְדַעְתִּיךָ וּבְטֶרֶם תֵּצֵא מֵרֶחֶם הִקְדַּשְׁתִּיךָ נָבִיא לַגּוֹיִם נְתַתִּֽיךָ ׃

הִנֵּה נַחֲלַת יְהוָה בָּנִים שָׂכָר פְּרִי הַבָּֽטֶן ׃

כִּי אֶצָּק ־ מַיִם עַל ־ צָמֵא וְנֹזְלִים עַל ־ יַבָּשָׁה אֶצֹּק רוּחִי עַל ־ זַרְעֶךָ וּבִרְכָתִי עַל ־ צֶאֱצָאֶֽיךָ ׃

וְצָמְחוּ בְּבֵין חָצִיר כַּעֲרָבִים עַל ־ יִבְלֵי ־ מָֽיִם ׃

מֵאֵל אָבִיךָ וְיַעְזְרֶךָּ וְאֵת שַׁדַּי וִיבָרְכֶךָּ בִּרְכֹת שָׁמַיִם מֵעָל בִּרְכֹת תְּהוֹם רֹבֶצֶת תָּחַת בִּרְכֹת שָׁדַיִם וָרָֽחַם ׃

בְּטֶרֶם תָּחִיל יָלָדָה בְּטֶרֶם יָבוֹא חֵבֶל לָהּ וְהִמְלִיטָה זָכָֽר ׃

הַאֲנִי אַשְׁבִּיר וְלֹא אוֹלִיד יֹאמַר יְהוָה אִם ־ אֲנִי הַמּוֹלִיד וְעָצַרְתִּי אָמַר אֱלֹהָֽיִךְ ׃ ס

זֶה עָנִי קָרָא וַיהוָה שָׁמֵעַ וּמִכָּל ־ צָרוֹתָיו הוֹשִׁיעֽוֹ ׃

כְּרֹעֶה עֶדְרוֹ יִרְעֶה בִּזְרֹעוֹ יְקַבֵּץ טְלָאִים וּבְחֵיקוֹ יִשָּׂא עָלוֹת יְנַהֵֽל ׃ ס

יְקַדְּמוּנִי בְיוֹם ־ אֵידִי וַֽיְהִי ־ יְהוָה לְמִשְׁעָן לִֽי ׃

יָשִׂישׂוּ וְיִשְׂמְחוּ ׀ בְּךָ כָּֽל ־ מְבַקְשֶׁיךָ יֹאמְרוּ תָמִיד יִגְדַּל יְהוָה אֹֽהֲבֵי תְּשׁוּעָתֶֽךָ ׃ וַאֲנִי ׀ עָנִי וְאֶבְיוֹן אֲדֹנָי יַחֲשָׁב לִי עֶזְרָתִי וּמְפַלְטִי אַתָּה אֱלֹהַי אַל ־ תְּאַחַֽר ׃