שִׁיר הַֽמַּעֲלוֹת בְּשׁוּב יְהוָה אֶת ־ שִׁיבַת צִיּוֹן הָיִינוּ כְּחֹלְמִֽים ׃

²⁶ עָנֵה מַלְכָּא וְאָמַר לְדָנִיֵּאל דִּי שְׁמֵהּ בֵּלְטְשַׁאצַּר האיתיך כָּהֵל לְהוֹדָעֻתַנִי חֶלְמָא דִֽי ־ חֲזֵית וּפִשְׁרֵֽהּ ׃

²⁷ עָנֵה דָנִיֵּאל קֳדָם מַלְכָּא וְאָמַר רָזָה דִּֽי ־ מַלְכָּא שָׁאֵל לָא חַכִּימִין אָֽשְׁפִין חַרְטֻמִּין גָּזְרִין יָכְלִין לְהַֽחֲוָיָה לְמַלְכָּֽא ׃

²⁸ בְּרַם אִיתַי אֱלָהּ בִּשְׁמַיָּא גָּלֵא רָזִין וְהוֹדַע לְמַלְכָּא נְבֽוּכַדְנֶצַּר מָה דִּי לֶהֱוֵא בְּאַחֲרִית יוֹמַיָּא חֶלְמָךְ וְחֶזְוֵי רֵאשָׁךְ עַֽל ־ מִשְׁכְּבָךְ דְּנָה הֽוּא ׃ פ

¹ אֵת כָּל ־ הַדָּבָר אֲשֶׁר אָנֹכִי מְצַוֶּה אֶתְכֶם אֹתוֹ תִשְׁמְרוּ לַעֲשׂוֹת לֹא ־ תֹסֵף עָלָיו וְלֹא תִגְרַע מִמֶּֽנּוּ ׃ פ

² כִּֽי ־ יָקוּם בְּקִרְבְּךָ נָבִיא אוֹ חֹלֵם חֲלוֹם וְנָתַן אֵלֶיךָ אוֹת אוֹ מוֹפֵֽת ׃

³ וּבָא הָאוֹת וְהַמּוֹפֵת אֲשֶׁר ־ דִּבֶּר אֵלֶיךָ לֵאמֹר נֵֽלְכָה אַחֲרֵי אֱלֹהִים אֲחֵרִים אֲשֶׁר לֹֽא ־ יְדַעְתָּם וְנָֽעָבְדֵֽם ׃

⁴ לֹא תִשְׁמַע אֶל ־ דִּבְרֵי הַנָּבִיא הַהוּא אוֹ אֶל ־ חוֹלֵם הַחֲלוֹם הַהוּא כִּי מְנַסֶּה יְהוָה אֱלֹֽהֵיכֶם אֶתְכֶם לָדַעַת הֲיִשְׁכֶם אֹֽהֲבִים אֶת ־ יְהוָה אֱלֹהֵיכֶם בְּכָל ־ לְבַבְכֶם וּבְכָל ־ נַפְשְׁכֶֽם ׃

הִנְנִי עַֽל ־ נִבְּאֵי חֲלֹמוֹת שֶׁקֶר נְאֻם ־ יְהוָה וַֽיְסַפְּרוּם וַיַּתְעוּ אֶת ־ עַמִּי בְּשִׁקְרֵיהֶם וּבְפַחֲזוּתָם וְאָנֹכִי לֹֽא ־ שְׁלַחְתִּים וְלֹא צִוִּיתִים וְהוֹעֵיל לֹֽא ־ יוֹעִילוּ לָֽעָם ־ הַזֶּה נְאֻם ־ יְהוָֽה ׃

וַיֹּאמֶר שִׁמְעוּ ־ נָא דְבָרָי אִם ־ יִֽהְיֶה נְבִיאֲכֶם יְהוָה בַּמַּרְאָה אֵלָיו אֶתְוַדָּע בַּחֲלוֹם אֲדַבֶּר ־ בּֽוֹ ׃

וַיֹּאמְרוּ אֵלָיו חֲלוֹם חָלַמְנוּ וּפֹתֵר אֵין אֹתוֹ וַיֹּאמֶר אֲלֵהֶם יוֹסֵף הֲלוֹא לֵֽאלֹהִים פִּתְרֹנִים סַפְּרוּ ־ נָא לִֽי ׃

כַּאֲשֶׁר תִּדֹּר נֶדֶר לֵֽאלֹהִים אַל ־ תְּאַחֵר לְשַׁלְּמוֹ כִּי אֵין חֵפֶץ בַּכְּסִילִים אֵת אֲשֶׁר ־ תִּדֹּר שַׁלֵּֽם ׃

שָׁמַעְתִּי אֵת אֲשֶׁר ־ אָֽמְרוּ הַנְּבִאִים הַֽנִּבְּאִים בִּשְׁמִי שֶׁקֶר לֵאמֹר חָלַמְתִּי חָלָֽמְתִּי ׃

עַד ־ מָתַי הֲיֵשׁ בְּלֵב הַנְּבִאִים נִבְּאֵי הַשָּׁקֶר וּנְבִיאֵי תַּרְמִת לִבָּֽם ׃

גֹּל אֶל ־ יְהוָה מַעֲשֶׂיךָ וְיִכֹּנוּ מַחְשְׁבֹתֶֽיךָ ׃

אִם ־ עֹשֶׁק רָשׁ וְגֵזֶל מִשְׁפָּט וָצֶדֶק תִּרְאֶה בַמְּדִינָה אַל ־ תִּתְמַהּ עַל ־ הַחֵפֶץ כִּי גָבֹהַּ מֵעַל גָּבֹהַ שֹׁמֵר וּגְבֹהִים עֲלֵיהֶֽם ׃

וַיֹּאמֶר פַּרְעֹה אֶל ־ יוֹסֵף חֲלוֹם חָלַמְתִּי וּפֹתֵר אֵין אֹתוֹ וַאֲנִי שָׁמַעְתִּי עָלֶיךָ לֵאמֹר תִּשְׁמַע חֲלוֹם לִפְתֹּר אֹתֽוֹ ׃

וַיַּעַן יוֹסֵף אֶת ־ פַּרְעֹה לֵאמֹר בִּלְעָדָי אֱלֹהִים יַעֲנֶה אֶת ־ שְׁלוֹם פַּרְעֹֽה ׃

רַבּוֹת מַחֲשָׁבוֹת בְּלֶב ־ אִישׁ וַעֲצַת יְהוָה הִיא תָקֽוּם ׃

וְהַיְלָדִים הָאֵלֶּה אַרְבַּעְתָּם נָתַן לָהֶם הָֽאֱלֹהִים מַדָּע וְהַשְׂכֵּל בְּכָל ־ סֵפֶר וְחָכְמָה וְדָנִיֵּאל הֵבִין בְּכָל ־ חָזוֹן וַחֲלֹמֽוֹת ׃