1 a fruchtbar vainshtok iz Yisroel geven,

zain frucht flegt a verde hobn;

iz, vos merer zain frucht, hot er mizbeyches gemert,

vos shener zain land, hobn zei shenere zailshteiner gemacht.

2 zeyer harts iz tseteilt;

atsund veln zei zeyer shuld laidn;

er vet tsebrechn zeyere mizbeyches,

er vet farvistn zeyere zailshteiner.

3 far vor, atsund veln zei zogn:

nishto kein melech bai undz,

vail mir hobn nisht moire gehat far Hashem;

un der melech, vos ken ton far undz?

4 zei redn gereidn,

shvern falsh, shlisn a bris,

ober der mishpot vet shprotsn vi biterkroit

oif di baitn fun feld.

5 um di kelber fun Beis-Aven

veln angstn di voiner fun Shomron;

vorem zain folk tut oif im troiern,

un zaine prister veln tsiteren vegen im,

vegen zain koved vos iz avek fun im.

6 im oich vet men kein Ashur avekfiren,

a matone tsum melech shtreiter;

shand vet krign Efrayim,

un Yisroel vet zich shemen mit zain barot.

7 farshnitn vert der melech fun Shomron,

azoi vi tsvaigl oifn vaser.

8 un fartilikt vern veln

di bamot fun Aven, di zind fun Yisroel;

derner un vildgeveks veln oifgein oif zeyere mizbeyches

un zei veln zogn tsu di berg: dekt undz tsu!

un tsu di heichn: falt oif undz aroif!

9 mer vi in di teg fun Givah

hostu gezindikt, Yisroel;

dort hot men zich akegngeshtelt;

far zei ober vet nisht klekn

a milchome vi in Givah akegn di farbrecher.

10 ven ich tu bageren, vel ich zei shtrofn,

un felker veln zich ainzamlen kegen zei,

ven me shpant zei in zeyere tsvei yochringen.

11 un Efrayim iz a kalb a genits,

tsu dreshn hot es lib;

ober ich bin aribergegangen iber ir fetn haldz:

ich vel ainshpanen Efrayim,

akeren zol Yehudah,

broneven zol Yaakov.

12 zait aich far gerechtikeit,

vet ir shnaidn loit genod;

akert aich an aker,

vorem es iz tsait tsu zuchn Hashem,

biz er vet kumen un regenen oif aich gerechtikeit.

13 ir hot geakert shlechts,

hot ir umrecht geshnitn,

hot ir gegesn di frucht fun lign;

vorem host zich farzichert oif dain veg,

oif di fil giborim daine.

14 derum vet oifshtein a churvn oif daine machnus,

un ale daine festungen veln farvist vern,

vi Shalman hot farvist Beis-Arbel, in tog fun milchome –

muters mit kinder zainen tsehakt gevorn.

15 azoi hot geton tsu aich, Beis-El,

fun vegen aier beizer shlechtikeit;

in a frimorgn farshnitn vert farshnitn

der melech fun Yisroel.