MATAYU 20

Kuluwa kwa mawu gwa Yakobu na Yohani

20 Shakapanu mdala gwa Zebedayu kiziti kwa Yesu pamuhera na wana wakuwi wawili, kamsuntamalira na kumluwa shintu.

21 Yesu kamkosiya, "Gufira shishi?"

Mawu uliya kamwankula, "Gunagili neni kuwera wana waneni awa wawili hawalivagi yumu uwega waku wa kumliwu na yumonga uwega waku wa kumshigi, shaka paguwera Mfalumi."

22 Yesu kawankula wana walii, "Muvimana ndiri shamluwa. Hashi, muweza kulandira lutekeru lwa ntabibiku lwanfira kulandira neni?"

Womberi wamwankula, "Tuweza."

23 Yesu kawagambira, "Nakaka hamlandiri lutekeru lwangu. Kumbiti neni hapeni ntakuli yoshi hakalivagi kumliwu ama kumshigi kwaneni. Shitwatira ashi ndo sha woseri yawatulilwa kala na Tati gwangu."