1 Coríntios 7

8 मे छड़ला अने रंडायला ने केम: कदीम तीहया मारीन तेवा रेय, ता आहयु घणु वारु से। 9 पण सवसार कर्‌या वगर नी रेवाये, ता तीमने वेवा कर लेवा वारु से; काहाके छीनाळु ना हयाळ्‌ळा बणवा सी वेवा कर लेवा वारु से।

10 ✝ 7:10 मत्‌ती 5:32; 19:9; मरकुस 10:11,12; लुका 16:18 जीमना वेवा हय ज्‌या तीमने हाव मारु आहयु केणु पड़े, आहयी वात मे मारो नी पण मालीक ईसु नो हुकम से के कानी बी लाडी आह़फा ना लाडा ने नी सोड़वा जोवे। 11 कदीम तीहयी आह़फी ना लाडा ने सोड़ी बी देय, ता तीने बीजो लाडो कर्‌या वगर रेवा जोवे। नीता पासी जीन आह़फी ना लाडा ह़ाते मेळ कर लेवा जोवे, एमेत कानो बी लाडो आह़फा नी लाडी ने नी सोड़वा जोवे।