1 पतरस 2

21 आनीन करते भगवान तमने टाळीन बोलावलो से के वण-गुनाळ्‌ळा हय्‌न बी दुख झेले जीसम ईसु मसी वण-गुनाळ्‌ळा हय्‌न बी दुख झेलवा भगवान नो दाखलो बण ज्‌यो। 22 ईसु ते कानो बी पाप नी कर्‌यो, अने नी तीना मोडे ठगारी-दगाळी वात नकळी। 23 तीहयो गाळ ते खादो, पण कदी पासो फीरीन गाळ नी देदो। ईसु बीजा ना हाते दुख ते झेल्‌यो, पण कदी बी गुनो नी लगाड़्‌यो। तीहयो आह़फा ने खरला नीयाव करन्‌या भगवान बाह ना हात मे ह़ोप देदो। 24 अने तीहयो आह़फोत आपणा पाप ने तीना डील पोर लीन कुरुस पोर चड़ ज्‌यो जीनी सी आपणु पाप नी लेदे मरीन धरम जुगु जीवाय जीवया, तीनात मार खावा सी तमु आरगा हया।