7 मे भगवान ना वण-देख्‌या अने सेल-भात्‌याण चीज ने देखलो से करीन मोटाय नी करवा जोवे करीन भगवान मारा डील मे घोदलायण्‌यो दुख पयदा करलो से। पोलुस आह़फा पोर भरहो करीन मोटाय नी करवा जोवे करीन भगवान मारीन्‌तां, भुतड़ा नो एक दुत मोकल्‌लो से, जे मने घोदल्‌या करे। 8 आना बारा मे मे मालीक ईसु पांह तीन कावा वीन्‌ती कर्‌यो, के आहयो दुख मारीन्‌तां गेथो सेटो कर। 9 पण मालीक ईसु मने केदो, "मारी दया तारी जुगु रेट से; काहाके तारी लुलखाय मे मारो जोर उजन्‌तो मालम पड़े।" एतरे मे, खुस हय्‌न मारी कमजोरी पोर मोटाय करही, आनीन करते के ईसु मसी नो जोर मारी उपर साहळो करतो रेय।