युहन्‌ना 6

53 ईसु तीमने केदो, "मे तमने ह़ाची-ह़ाची केम, जत्‌यार लग तमु मनख्‌या ना बेटा नु माह नी खावो, अने तीनु लोय नी पीवो, तां लग तमारी मे जीवाय नी हय। 54 जे कोय मारु माह खाय, अने मारु लोय पीतो हय, अमर जीवाय तीनीत से, अने आखरी दाड़े तीने मे मर्‌या-ह़र्‌या मे गेथो पासो जीवतो कर देही। 55 मारु माह खरलु खाणु से, अने मारु लोय पीवा नी खरली चीज से। 56 जे मारु माह खाया करहे, अने मारु लोय पीया करहे, तीहयो मारी मे रेहे, अने मे तीनी मे रेही। 57 जीसम जीवत्‌लो बाह मने मोकल्‌यो अने मे बाह नी मरजी ना लारे जीवत्‌लो से, तीसमेत जे मने खाहे, तीहयो मारी मरजी ना लारे जीवत्‌लो रेहे। 58 ह़रगे गेथो उतरलो रोट्‌लो मेत से। आहयो रोट्‌लो ते रोट्‌लान तेवो नी हय जीने आड़ा-बुड़ा खादा अने मर ज्‌या; पण जे कोय आहयो रोट्‌लो खाहे तीहयो जलम जीवत्‌लो रेहे।"