लेव्‌यवेवस्‌था 15

25 अळी कदी कानी बयर ने मवारी ना दाड़ा गेथु जादा दाड़ा लोय वये, नीता मवारी ना दाड़ा गेथी जादा दाड़ा मवारी रेय, ता जत्‌यार तक तीहयी आसम रेय तत्‌यार तक तीहयी वीटळ्‌ळी रेहे। 26 तीने मवारी जादा दाड़ा आव्‌वा तीहया आखा दाड़ा मे जे-जे आथरणा पोर तीहयी ह़ुवे तीहया आखा तीना मवारी ना दाड़ा ना आथरणान तेम ठेरहे; अने जे-जे चीज पोर तीहयी बहे ते चीज बी तीने मवारी ना दाड़ान तेम वीटळ्‌ळी ठेरहे। 27 अने जे कोय चीजु ने छीमे तीहया वीटळ्‌ळा ठेरे, आनी लेदे तीहया आपणा लुगड़ा ने धोय्‌न उंगळे अने ह़ांता तक वीटळ्‌ळा रेय।