11 अना हमी पिरभू को भेव मानतो हुयो लोक गीन ला समझावसे पर हमरो हाल परमेस्वर को पुढ़ा परगट से अना मी आस करासेऊ का हमरो यो हाल तुमरो अक्कल मा परगट होवासे। 12 हमी मंग अपरी सबासी तुमरो पुढ़ा नही कर रही से पर तुमला मोका दे रही से का हमरो पर गरब करो अना उनला जवाब देसका सेव जोन मन मा नही चोहे पर घमन्ड करासेव। 13 काहेकी अदी हमी बेसुध से त परमेस्वर को लाई अना अदी जगाया से त तुमरो लाई से। 14 काहेकी मसीह को पिरेम हमला परेसान करासे जेनको लक यो तय से का जबा एक सब को लाई मरयो त सबच मर गईन। 15 अना उ सबच को लाई मर के उ जित्तो से पुढो लाई अपरो लाई नोको जीवो पर वोको लाई जीवो जोन उनको लाई मरके जित्तो भई से।

16 एकोलाय अबा लक हमी कोनी मानूस की देह को अनुसार नही समझेत हमेस हमरो मसीह की देह को जसो जानो से अबा लक हमी वोको असो नही जानयो जाहे। 17 एको लाई अदी कोनी मसीह मा से त उ नवी संसार से जुनी गोस्टी बीत गई देखो नवी गोस्टी आया गई से। 18 अबा यो सबच गोस्टी परमेस्वर को कन लक से जेना मसीह को कन लक हमरो मेल अपरो संग कर लेईन अना हमरो मेल मिलाप की सेवा देईसेस। 19 अना परमेस्वर लोक गीन को अपराध गीन को दोस उनको पर नही लगावते हुयो मसीह मा संसार मा मेल मिलाप अपरो संग कर रहयो होतो अना वोना हमरो मेल जोल को गोस्टी* सौप देइसेस।

20 एको लाई हमी मसीह को दास से मानो का परमेस्वर हमरो कन लक बिनती कर राही से हमी मसीह को कन लक तुमरो लक बिनती करा से का परमेस्वर को संग मा मेल मिलाप कर लेव लेने। 21 जोन पाप लक अनजान होतो वोला च वोना हमरो लाई पाप ठहराइस का हमी वोको मा परमेस्वर की न्यायीपन बन जाहे।