2 Coríntios 9

6 पर गोस्टी असी से जो जरासो बोवसेत, उ जरासो च कापासेत, अना जोन लगत बोवासेत वा लगत कापेत। 7 हरेक झन जितरो मन मा ठानिसेत वा वोतरोच दान करे कुढ-कुढाय के अना दबाव मा दान नोको करो। काहेका परमेस्वर खुसी लक दान देवनवारा लक पिरेम करासेत। 8 परमेस्वर सब परकार को किरपा तुमला देव सकसेत। जोन लक हरेक बात मा हरेक बेरा मा, सबच काही जोन तुमला जरुरी सेत, तुमरो कठा रहेत अना हरेक साजरो काम काजी, तुमरो जवर लगत काही होहे। 9 जसो की लिखयो सेत,

वोना छितराई*9:9 बाटी सेत सेत वोना कंगाल गिनला दान देइसेस,

वोको धरम सदा लक बनो रहेत।

10 अता जोन बोनी करन वारा ला बीज अना जेवन को लाय पोडी देवसेत। उ तुमला बीज देहेत अना वोको मा फर आनहेत अना तुमरो धरम को फरला बढाहेत। 11 तुम हरेक बातमा सब परकार लक दयालूपन लाय जो आमरो लक परमेस्वर धनवाद करवासेत धनवान बन जावो। 12 काहेका यो सेवा ला पूरो करनो लक ना सिरप पवीतर लोकगीन को जरुरत पूरो होवासेत पर लोकगीन को कन लक परमेस्वर ला लगत सरो धनवाद होवासेत।