1 भाऊ बन्ध जसो एकमेक लक पिरेम करो। 2 पाहुनायी आव भगत करनो नोको बिसरो। काहेका काही लोकहुन योच विसरू नोको, काहेका अनजानो मा लोकगिन ना देवदूत को स्वागत करयो सेत। 3 कैदीहुन को सूदी लेव जसो तुम्ही उनको बरोबर कैदी सेऊ, जोन पर अतियाचार होवासेत, उनला भी हेत करो। काहेका तुमरो पर भी अतियाचार होय सकासेत।

4 लग्न को सबला आदर करनो पाहिजे लग्न को सेज ला पवितर राखो। काहेका परमेस्वर छिनाला करनवारा, गाली बकन वालो ला सजा देहेत।

5 पैसा को लोभा पासुन आपरो जीवन मुक्त करा। तुमरो जवर जोन सेत वोकोच लक समाधान करो। काहेका परमेस्वर खूदच कव्हसेत, "मी तोला कधीच नही सोड़ीन, अना नाही मी तोला आपरो लक बगरो करहीन।" 6 एको लाई हमि हिम्मत लक कव्हसेजन,

"पिरभु मोरो मदत करासेते,

मोला कधीच भेव नाही।

एखादी मानूस मोरो काय कर सकेत?"

7 आपरो पेरीत को हेत राखो, जिनना तुमिला परमेस्वर को गोस्टी आयक वाईन अना ध्यान लक उनको चालचलन को फर ला चोयके उनको भरोसा को मंघा होय जाव। 8 यीसु मसीह कल भी वसोच होतो, जसो आज सेत, अना हरामेसा वसोच रव्हेत। 9 हर प्रकार को अजब को सिक्सा मा नोको भरमो, तुम्हारो मन कोलाय यो साजरो सेत। का किरपा लक मजबूत बनयो रवहो, जेवनो पिवनो को नेम धरम लक नही। जोन लक कदिच कोनी को भलो नही भयो सेत। जोनना यो सब मानीसेत।

10 आमरो च जवर एक वेदी सेत। जोन संसार को तम्बु मा भगती करासेत उनला यो वेदी को जेवन को अधिकार नाहती। 11 काहेका मुख्य याजक जोन बली को जनावर को रकत पापबली को लाय पवितर जघा मा ले जावासेत। वोला तम्बु को बाहेर धड़कावासेत। 12 एकोलाय यीसु ना सहेर को बेसकुड़ को बाहेर दुख भोगयो, जोनलक उ आपरो रकत लक जनता ला पवितर करे। 13 तर मग आपरो जोन तरास को सामना करयो। वोच अपमान सहन करतो हुयो वोको बरोबर तम्बू को बाहेर चलो। 14 कारन आपरो जवर इतानी आमरो कोनी कायम नगर नाहती, अमी तो आवनवालो नगर को खोजमा लग्यो सेत। 15 अता आओ अमी यीसु को लक परमेस्वर ला स्तुति रूपी बलि चघाव जोन उनको होठ को फर सेत। जोनना वोको नाव चिन्हा सेत। 16 भलाई करनो अना संग मा दया चोवानो ना भुलो, काहेकि असी बली लक परमेस्वर खुस होवासे।

17 आपरो मारग दिसावन वालो को हुकूम मानो, वोको अधिन रव्हो। हुकूम मानो। वय तुमरो असो देख-रेख करासेत। जसो उन मानूस को लेखा जोखा उनला च देवनो सेत। उनको हुकूम मानो, जोनलक उनको काम खुसी बन जाय, उनला बोझा जसो नोको लगे। काहेका वोको लक तुम्हिला कोनी फायदा नाहती।

18 आमरो साठी पिराथना करत रव्हो। अमीला भरोसा सेत का आमरो मन सूध्ध सेत। काहेका आमी सबच गोस्टी मा साजरी चाल चलन को बरताव राखसेजन। 19 मी बिनती करुसेउ की तुमी अखीन लगत आमरो लाय पिराथना करो जोनलक मी तुमरो कठा मंग लवकर आय सकू।

20 जोनना मेढा गीन को महान रखवालो, आमरो पिरभु यीसु को रकत लक वोना अमर सांती करार मा मोहर लगाके परमेस्वर मरयो हुयो लक जित्तो कर देइस। 21 तुमला सबा साजरो साधन लक भर देवे, जेनको लक तुमी वोको मनसा पूरो करो। अना यीसु मसीह लक उ आमरो भीतर वोना सब काही परगट करे जोन वोला भावासेत। ओकी महिमा सदा तकन बनयो रव्हे। आमिन।

22 अगो भाऊहुन मी तुमी लक बिनती करासू, का एना सिक्सा ला तुमी धियान धरके आयको, काहेका मी एला बिस्तार लक नही पर सार-सार लिखिसेव। 23 तुमीला मालूम होहे का, आमरो भाऊ तीमुथियुस सूट गयो सेत, अदी वा लवकर आ जाहेत, तो मी भी वोको संग आयके तुमरो लक भेंट करू।

24 आपरो सबा नेतागीन अना सब संतहुन ला नमस्कार सांगजोस। इटली को रव्हनवारा तुमीला नमस्कार कव्हसेत।

25 तुम सब पर परमेस्वर को किरपा होहे। आमिन