Marcos 10

अँधरा बरतिमाई ला डोरा देवनो

46 यीसु अना ओको चेला यरीहो लक होयके जाय रही होतीन, तिमाई को टूरा बरतिमाई एक अँधरा भिखारी होतो, अना सड़क को कगर मा बसयो होतो। 47 जबा ओना आयकीस, की उ नासरत वालो यीसु से, जोन जावासे, ता हाकल के कव्हन लगयो, "हे यीसु नासरी दाऊद को सन्तान! मोरो पर दया कर!"

48 लगत लोक ओला डटकारन लगीन की चुप रव्ह, पर उ अखीन जोर-जोर लक हाकलन लगयो, "हे दाऊद को सन्तान मोरो पर दया कर।"

49 यीसु रुकयो अना कहीस, "ओला बुलाव," लोकइन ना ओला बुलाइन

अना कहीन की "हिम्मत राख, उभो होय! उ तोला हाकलासे"

50 उ आपरी चद्दर फेकके उछल पड़यो, अना यीसु जवर आयो।

51 यीसु ना ओको लक पुसिस की "का चाव्हसेस मि तोरो लाई करु?"

अँधरा ना जवाब देइस की "गुरुजी मि चोवन चाव्हुसु।"

52 यीसु ना कव्हयो "जा तोरो भरोसा ना तोला साजरो करीसेस,"

अना उ चोवन लग्यो अना यीसु को मँघा भय गयो।