Tito 3

मसीही गीन को चालचलन

1 लोकहुन ला हेत दिलायो जाहे का सरकार को अना हक राखन वारा गीन को कब्जा मा रहेत। अना उनको हुकूम ला मनाहेत। अना हरेक साजरो काम काज लाय तइयार रहेत। 2 कोनी ला बदनाम नोको करयेत, झगड़ा करनवारा नही होहेत। पर नरम सुभाव, अना साजरो मानूस होहेत। अना सबच मानूस गीन को सँगा नरम दिली रहेत। 3 काहेका आमी पुढ़ा बेअक्ल का रहत होता अना हुकूम ला नही मानत होता अना संका मा पड़या रव्हत होता। अना काई परकार को लोभ अना सुख सुविदा को चाकरी करत होता अना बइर, अना जरनाहि मा जिंदगी बितावत होता। अना आमी लक लोक घिरना करत होतीन अना आमी भी एकमेक लक घिरना करत होतो। 4 पर जबा आमरो बचावन वालो परमेस्वर को मानुसपन को लाई किरपा अना ओको माया चोयो। 5 तबा ओना आमला बचायो अना यो आमरो निरदोस ठहरानो को लाई कोनी नेक काम को कारन नही हुयो, लेकिन ओको किरपा लक हुयो। ओना आमरो रक्सा करके आँग धोवावनो लक आमला दुबारा जलम देयीसेस। अना पवितर आतमा लक नयो बनायो जावासे। 6 जेनला ओने आमरो बचावन वालो यीसु मसीह को कन लक आमी पर लगत रिती लक उबड़ायो गयो से। 7 जोको लक आमी ओको दया लक धरमी ठहरायो, अमर जीवन को आस को वारिस बनायो गयो सेजन।

8 यो गोस्टी खरी से, अना मी चाव्हसु की तु ऐना गोस्टी गीन को बारे मा मजबुती लक बोलजोस। एकोसाठी की जिनना परमेस्वर पर बिस्वास करयो सेत। वय भलो-भलो कामगीन मा लगयो रव्हन को धियान करेत। जोन गोस्टी साजरी अना मानूस को फायदा की रव्हे। 9 पर मुरखगीन को बकवास लक अना खानदान, अना विरोध अना झगड़ा लक जोन कानुन को बारे मा होवासेत, ओको लक बचयो रव्हअ। काहेका वय बिनफर को अना बेकार सेत। 10 कोनी पाखन्डी*3:10 अराजक, झगड़ालु पाँखडी ला एक दुई गन समझाव के ओकोलक अलग रव्हने। 11 यो जान करके की असो मानूस भटक गयो से, अना आपरो आपला दोसी ठहरावके पाप करतो रव्हसे।

अखट्ट हुकूम

12 जबा मि तोरो कठा अरतिमास या तुखिकुस ला धाड़ु ता मोरो कठा निकोपुलिस आवन को कोसिस करनो, काहेकि मीना वहान "जाड़ो कापन" को तय करीसेव। 13 जेनास नाव को नियम को गुरु अना अपुल्लोस*3:13पेरीत18:41-42 अपुल्लोस ; यो एक यहुदी होतो अना एको जलम सिकन्दरिया मा हुयो होतो वा एक विद्वान मानूस होतो। अखीन पवीतर सास्तर ला साजरो लक जानत होतो। उ इफिसुस लक आयो होतो, उ यीसु की सिक्सा ला सिकावत होतो। ला कोसिस करके पुढ़ा धाड़ देव। अना चोव लेव की उनला कोनी चीज को कमी नोको होय। 14 आमरो लोकगीन भी जरुरत को पुरा करन लाई साजरो काम मा लगयो रव्हनो सीकेत। मजे बिनफर नोको रहेत।

15 मोरो सबच संगीगिन को तोला नमस्कार।

जोन भरोसा को कारन अमी लक माया राखा सेत। उनला नमस्कार तुम सब मा किरपा होहेत।