Arufudúni 20

Lagumuhóun guséi

11 Ábati narihin aban óunwenbu lálana arúeihani haruti, luma le ñunbei luagu. Aba lagumuchagun sielu luma ubóu ligibugiñe, aba marihínhali lan. 12 Aba narihiniña hilaguaaña, wéinamuhaña hama ñǘbürigiña rara ligibugiñe Bungiu; aba tadaarawagun burí líburu tuma ábanya líburu, tomeme líburu to lánina ibagari. Aba haguserawagüdün hilaguaaña luagu burí katei le meha hadügübei, según le bürüwañubei tidan burí líburu tuguya. 13 Derege lumutiña barana sun ha óunwegubaña lidan; derege laña giñe óunweni luma habara hilaaña sun hilaguaaña ha lábugiñebaña lubafu, ábati haguserawagüdün luagu burí katei le meha hadügübei. 14 Aba lagurúniwa óunweni luma habara hilaguaaña lidoun lagunu le laubei watu gemeti. Lagunu lauti watu gemeti ligía, ligía libiamanbei óunweni. 15 Ha mabürüdünbaña iri tidan líburu to lánina ibagari aba hagurún lidoun lagunu lauti watu gemeti.