Filipenses 2

Lǘnabugun Kristu luma luéirigun

1 Ánheinti rúhali lubéi Kristu ubafu hun lun híchugun gurasu, anhein íderagua lubalün línsiñehabu lun híchugun dǘgüdaguaü houn amu, anhein gafanran hubéi súngubei lidan ábanmeme Sífiri, anhein anihein lubéi gudemehabu tidan hanigi, 2 gúndaaguagüda humana lau haganóun lidan úarani luma ínsiñehabuni húmawagua, óundarañu lau ábanmeme Sífiri luma ábanmeme saminaü.