1 Anihán burí fulasu le ñein lubéi herederagua Ísüraelina dan le háfuridunbei Ehiptugiñe afileiheina kei súdaragu lábugiñe lugumadin Moisesi luma Aarón. 2 Abürüheinaliñalin Moisesi liri sun fulasu le burí ñéingiñe lubéi háfurida aban aban ítara kei lariñaguni meha Wabureme lun. Anihán burí liri fulasu le ñein lubéi herederagua luma le ñéingiñe lubéi háfurida.

3 Weyu keinsi lidan furumiñeti hati lidan irumu, larugan lúmagiñe lefeduhóun Luéyuri Esefuruni, ligía háfuridun Ísüraelina Ramüsésigiñe. Aba háfuridun lau óunwenbu ubafu aríagu sun Ehiptuna lun, 4 laganagua añaha lan Ehiptuna ábunahaña hágiramagu ha láfaragubaña Wabureme. Lau lira lasiadiruñanu luagu lagünrinchagubaña lan buga habungiutegu.

5 Aba háfuridun Ísüraelina Ramüsésigiñe aba herederagun Sukotu.

6 Háfurida Sukotugiñe aba herederagun Etamü, le ñein lubéi lébeda fulasu mageirawati.

7 Háfurida Etamügiñe aba hagiribudun luagun Pi-airotu, le luéigiñebei oubaü le ñéingiñe lubéi laboucha weyu libiti Baali-sefón, aba herederagun ligibugiñe Migüdólu.

8 Háfurida Pi-airotugiñe, aba hánhiñuraguni barana aba hachülürün lidan fulasu mageirawati. Aba héibugun ǘrüwa weyu lidan fulasu mageirawati Etamü, aba herederagun Mará.

9 Háfurida Maragiñe, aba hachülürün Elimü le ñein lubéi duusu lísensen duna tuma ǘrüwa-wein-diisi tídibu yaraüwa, aba herederagun ñein.

10 Háfurida Elimügiñe aba herederagun lubadu Barana Funati.

11 Háfurida Barana Funatigiñe aba herederagun lidan fulasu mageirawati Sin.

12 Háfurida Síngiñe aba herederagun Dofuká.

13 Háfurida Dofukágiñe aba herederagun Alusu.

14 Háfurida Alusugiñe aba herederagun Refidímü, le ñein lubéi lagumucha haniñe gürigia duna.

15 Háfurida Refidímügiñe aba herederagun lidan fulasu mageirawati Sinaí.

16 Háfurida lídangiñe fulasu mageirawati Sinaí aba herederagun Kibürótu-atawá.

17 Háfurida Kibürótu-atawágiñe aba herederagun Aserótu.

18 Háfurida Aserótugiñe aba herederagun Ritümá.

19 Háfurida Ritümágiñe aba herederagun Rimón-péresi.

20 Háfurida Rimón-péresigiñe aba herederagun Libüná.

21 Háfurida Libünágiñe aba herederagun Risá.

22 Háfurida Risagiñe aba herederagun Keheláta.

23 Háfurida Kehelátagiñe aba herederagun luagu wübü Séferü.

24 Háfurida luéigiñe wübü Séferü aba herederagun Aradá.

25 Háfurida Aradágiñe aba herederagun Makelótu.

26 Háfurida Makelótugiñe aba herederagun Táatü.

27 Háfurida Táatügiñe aba herederagun Tera.

28 Háfurida Téragiñe aba herederagun Mitüká.

29 Háfurida Mitükágiñe aba herederagun Asümoná.

30 Háfurida Asümonágiñe aba herederagun Moserótu.

31 Háfurida Moserótugiñe aba herederagun Bené-haakán.

32 Háfurida Bené-haakangiñe aba herederagun Oru le lani Gidügádü.

33 Háfurida Órugiñe le lani Gidügádü aba herederagun Hotubáta.

34 Háfurida Hotubátagiñe aba herederagun Abüroná.

35 Háfurida Abüronágiñe aba herederagun Esión-géberü.

36 Háfurida Esión-géberügiñe aba herederagun lidan fulasu mageirawati Sin, lememe Kadesi.

37 Háfurida Kadesigiñe aba herederagun luagu wübü Oru, lidan fadaguaü luma Edomu. 38 Lau lilurudun Wabureme, aba lamudeirun fádiri Aarón luagun wübü Oru, aba lounwen ñein weyu furumiñe lidan liseingün hati, lidan irumu bián-wein, lúmagiñe háfuridun Ísüraelina Ehiptugiñe. 39 San-wein-ǘrüwa irumu lau Aarón dan le lóunwenbei luagu wübü Oru.

40 Aba laganbun urúei Kananna le lani Aradü le aganóubei Négebü le lani Kanán luagu hachülürün Ísüraelina ñeinhin.

41 Háfurida luéigiñe wübü Oru aba herederagun Salümuná.

42 Háfurida Salümunágiñe aba herederagun Punón.

43 Háfurida Punongiñe aba herederagun Obotu.

44 Háfurida Obotugiñe aba herederagun Iyé-abarímü fadagu luma Moabü.

45 Háfurida Iyé-abarímügiñe aba herederagun Dibón-gadü.

46 Háfurida Dibón-gádügiñe aba herederagun Alümón-dibülataimü.

47 Háfurida Alümón-dibülataimügiñe aba herederagun luagu luwübüri Abarímü, luéigiñe oubaü le ñéingiñe lubéi laboucha weyu libiti Nebu.

48 Háfurida ñéingiñe aba herederagun lidan fulasu mawübüriti Moabü, lubadu Hordán, ligibugiñe Herikó. 49 Tatatira kianpu-agei Hordán lúmagiñe Betü-hesimótugiñe darí Aweli-sitimü lidan fulasu mawübüriti le lani Moabü.

50 Aba ladimurehan Wabureme lun Moisesi lidan fulasu mawübüriti Moabü, lubadu Hordán, ligibugiñe Herikó, lariñaga lun:

51 —Ariñagabá houn Ísüraelina: Danme hánhiñuraguni Hordán belú huguyame fulasurugún Kanán, 52 habugañame sun lílana fulasu, günringua hamañame sun haguariuan láutiña dübü o lautiña lan gürabu, günringua humeime sun fulasu le ñein lubéi háhuduragua houn. 53 Ragǘ huméi fulasu, haganawa ñein lugundun derege numuti hun lun hayusuruni. 54 Gama lumoun gasu hafanreinhani lau ubunuruni hadan hani sun türibu külán; külán le wéiriti, lichugúba fulasu wéiriti houn, le ñǘraübei, ñǘraübei hafulasun; hibihubei kada külán le líchugun habunurun houn. 55 Ánhaña masagarun humá lílana fulasu fulasurugugiñe, ha erederutiña ñein, heberesehaba hun kei ifei lidan agu, kei hiiyu charuñu huagu, danme haganóun fulasurugu; 56 ábameti nadügüni le yebe naritagubei nadügün houn hun.