1 ಮರಲ್ಲಿ ಮಾಸ್ಕಾ ಆಯ್ದಾನಾತ್ಲೆ ಪುರಾ ಬರ್ಯಾ ವಾಸೆಚೆ ತೆಲ್ ಹಾಳ್ ಕರ್‍ತಾತ್, ಅನಿ ಉಲ್ಲೆಸೆ ಪಿಸೆಪಾನ್ ಲೈ ಶಾನೆಪಾನಾಕ್ ಹಾಳ್ ಕರ್ತಾ. 2 ಶಾನ್ಯಾಚಿ ಬುದ್ದ್ ತೆಜ್ಯಾ ಉಜ್ವ್ಯಾ ಭಾಜುಕ್ ರ್‍ಹಾತಾ, ಅನಿ ಪಿಶ್ಯಾಚಿ ಬುದ್ದ್ ತೆಜ್ಯಾ ಡಾವ್ಯಾ ಭಾಜುಕ್ ರ್‍ಹಾತಾ. 3 ತವ್ಡೆಚ್ ನಸ್ತಾನಾ, ಪಿಶೊ ಪಿಶೆಪಾನ್ ಜಾಸ್ತಿ ಹೊವ್ನ್ ಅಪ್ನಿ ಫಿರ್ತಲ್ಯಾ ವಾಟೆ ವರ್‍ತಿ ಅಪ್ನಾಚೆ ಪಿಶೆಪಾನ್ ಸಗ್ಳ್ಯಾಕ್ನಿ ಕಳ್ವುನ್ ಘೆತಾ. 4 ತುಜ್ಯಾ ಕಾಮಾಚೊ ಅಧಿಕಾರಿ ತುಜ್ಯಾ ವರ್‍ತಿ ರಾಗ್ ಯೆಲ್ಲೊ ರಾಲ್ಯಾರ್, ಕಾಮ್ ಸೊಡು ನಕ್ಕೊ, ತಿಯಾ ಸಮಾಧಾನಾನ್ ರ್‍ಹಾತಾನಾ ಲೈ ಮೊಟೊ ರಾಗ್ ಧಾಪುನ್ ಹೊತಾ. 5 ಮಿಯಾ ಜಗಾತ್ ಅನಿ ಎಕ್ ತರಾಸ್ ಬಗಟ್ಲಾ, ತೆ ಅಧಿಕಾರಿಚ್ಯಾ ಚುಕೆ ವಯ್ನಾ ಹೊಲಾ ಮನುನ್ ಮಾಕಾ ದಿಸುನ್ ಯೆತಾ. 6 ಪಿಶ್ಯಾಕ್ನಿ ಅಧಿಕಾರ್ ಚಾಲ್ವುತಲಿ ಮೊಟಿ ಪದ್ವಿ ಗಾವ್ಲಾ, ಅನಿ ಸಾವ್ಕಾರ್ ಕಮ್ಮಿಚ್ಯಾ ಜಾಗ್ಯಾರ್ ಹಾತ್, 7 ಆಳ್ ಘೊಡ್ಕಿಯಾಂಚ್ಯಾ ವರ್‍ತಿ ಸವಾರಿ ಕರುನ್ಗೆತ್ ಹೊತ್ತೆ ಅನಿ ಧನಿ ಆಳಾಚ್ಯಾ ಸಾರ್ಕೆ ಜಿಮ್ನಿ ವರ್‍ತಿ ಚಲ್ತಲೆ ಬಗಟ್ಲೊ. 8 ಖಡ್ಡೊ ಖಂಡಲ್ಲೊ ಮಾನುಸ್ ಅಪ್ನಿಚ್ ತ್ಯಾತುರ್ ಪಡ್ತಾ, ಅನಿ ಭಿತ್ತ್ ಪೊಡುಕ್ ಲಾಗಲ್ಲ್ಯಾಕ್ ಸಾಪ್ ಚಾವ್ತಾ. 9 ತಿಯಾ ಗುಂಡ್ಯಾಂಚ್ಯಾ ರಾಸಿತ್ ಕಾಮ್ ಕರುಲಾಗಲ್ಲೊ ಹೊಲ್ಯಾರ್, ತುಕಾ ಗುಂಡ್ಯಾಂಚೊ ಮಾರ್ ಬಸ್ತಾ, ಎಕ್ ಯೆಳಾ ತಿಯಾ ನಾಕುಡ್ ಫೊಡ್ತಲ್ಯಾಕ್ ತೆಜ್ಯಾ ವಯ್ನಾ ಅಪಾಯ್ ಹಾಯ್. 10 ತುಜಿ ಕಾಮ್ ಕರ್ತಲಿ ಕುರಾಡ್ ಮಂಡ್ ಹೊಲ್ಲಿ ರಾಲ್ಯಾರ್, ತಿಕಾ ತಿಯಾ ಪಾಜ್ವಿ ನಸ್ತಾನಾ ತೆನಿ ಲೈ ಬಳ್ ಪಾಜೆ ಪಡ್ತಾ, ಲೈ ಕಾಮ್ ಫುರಾ ಹೊವ್ನ್ ಬುದ್ದುಚ್ ವಾಪ್ರುಚೆ ಹೊತಾ. 11 ಅನಿ ಸಾಪಾಕ್ ಖೆಳ್ವುತಲ್ಯಾ ಅದ್ದಿಚ್ ತೆನಿ ಖೆಳ್ವುತಲ್ಯಾಕ್ ಚಾವ್ಲ್ಯಾರ್ ಕಾಯ್ ಫಾಯ್ದೊ. 12 ಶಾನ್ಯಾಚಿ ಗೊಸ್ಟಿಯಾ ಮಾನ್ ಘೆತಲಿ ಹೊವ್ನ್ ಹಾತ್ ಖರೆ ಪಿಸೊ ಅಪ್ನಾಚ್ಯಾ ಗೊಸ್ಟಿಯಾನಿ ಸ್ವತಾಕುಚ್ ನಾಶ್ ಕರುನ್ ಘೆತಾ. 13 ಪಿಶ್ಯಾಚಿ ಗೊಸ್ಟಿಯಾ ಶುರು ಕರ್ತಾನಾ ಬುದ್ಗೆಡಿ ಪಾನಾತ್ ರ್‍ಹಾತಾತ್ ಅನಿ ಆಕ್ರಿಕ್ ಲೈ ತರಾಸಾಚ್ಯಾ ಪಿಶೆ ಪಾನಾತ್ ರ್‍ಹಾತಾತ್. 14 ಪಿಸೊ ಮಾನುಸ್ ವಯ್ಲ್ಯಾ ಬೊಲ್ತಾ ಖರೆ ಫಿಡೆ ಕಾಯ್ ಹೊತಲೆ ಹಾಯ್ ಮನುನ್ ಕೊನಾಕ್ಬಿ ಗೊತ್ತ್ ನಾ, ಅನಿ ಅಮ್ಚ್ಯಾ ಮರ್ನಾಚ್ಯಾ ಮಾನಾ ಕಾಯ್ ಹೊತಲೆ ಹಾಯ್? ಅನಿ ತೆಕಾ ಸಾಂಗಿಲ್.

15 ಶಾರಾಚಿ ವಾಟ್ ಕಳಿನಸಲ್ಯಾಕ್ ಕಳ್ವುಕ್ ಸಾಟ್ನಿ ಪಿಶ್ಯಾನಿ ತರಾಸ್ ಕರುನ್ ಘೆತಲೆ ಫುಕೊಟ್. 16 ಶಾರಾಚೊ ರಾಜಾ ದಾಂಡ್ಗೊ ರಾವ್ನ್ ತೆಚಿ ಅಧಿಕಾರಿಯಾ ರಾತ್ತಿನಿ ತೆಜ್ಯಾ ಕಿಂತಾ ಅದ್ದಿಚ್ ಜೆವ್ನಾಕ್ ಬಸ್ಲ್ಯಾರ್, ಹ್ಯೊ ತುಕಾ ತರಾಸುಚ್. 17 ಶಾರಾಚೊ ರಾಜಾ ಆಳ್ಸಿ ನ್ಹಯ್ ಹೊವ್ನ್ ಅಪ್ನಾಚೊ ನಿರ್ದಾರ್ ಘೆತಲೊ ಹೊವ್ನ್ ರಾವ್ನ್, ಅಧಿಕಾರಿಯಾ ಬರೆಪಾನಾನ್ ರಾವ್ನ್ ಸಮಾ ಎಳಾರ್ ಜೆವಾನ್ ಕರುಕ್ ಲಾಗ್ಲ್ಯಾರ್ ತೆಕಾ ತೆ ಕವ್ಡೆಕಿ ಬರೆ. 18 ಜೆ ಕೊನ್ ಅಪ್ನಾಚ್ಯಾ ಘರಾಚಿ ಥಾಟ್ ಸಮಾ ಕರುನ್ ಘೆವ್ಕ್ ಲೈ ಆಳ್ಸಿಪಾನ್ ಕರ್ಲ್ಯಾರ್, ತೆ ಘರ್ ಗಳ್ತಾ . 19 ಸನ್ ಕರ್‍ತಲ್ಯಾ ವಯ್ನಾ ಖುಶಿ ಹೊತಾ, ಅನಿ ವಾಯ್ನ್ ಫಿತಾನಾ ಖುಶಿ ಹೊತಾ ಖರೆ ತಿಯಾ ಹೆ ಸಗ್ಳೆ ಪಯ್ಶ್ಯಾನ್ ಗಾವ್ತಾ. 20 ತುಜ್ಯಾ ಮನಾತ್ಬಿ ರಾಜಾಕ್ ಗಾಳಿಯಾ ದಿವ್ ನಕ್ಕೊ, ಅನಿ ಸಾವ್ಕಾರಾಕ್ನಿ ಬಗುನ್ ಶರಾಪ್ ಘಾಲು ನಕ್ಕೊ, ತಿಯಾ ನಿಜಲ್ಯಾಕ್ಡೆಬಿ ಅಸಿ ಶರಾಪ್ ಘಾಲುನಕ್ಕೊ, ಮಳ್ಬಾತ್ಲೆ ಫಾಕ್ರು ತಿಯಾ ಸಾಂಗಲ್ಲಿ ಗೊಸ್ಟಿಯಾ ಘೆವ್ನ್ ಜಾತಿಲ್, ನಾತರ್ ರಕುಟೆ ಹೊತ್ತಿ ಜಿವಿ ಜಾವ್ನ್ ಸಾಂಗ್ತಿಲ್.