1 ಶಾನೊ ಹೊತ್ತೊ ಕೊನ್? ಹಿ ವಿಶಯಾ ಸಗ್ಳಿ ವಿವರನ್ ಕರುನ್ ಸಾಂಗ್ತಲೊ ಕೊನ್? ತ್ಯಾ ಶಾನೆಪಾನಾನ್ ಎಕ್ಲ್ಯಾಚೆ ತೊಂಡ್ ಹೊಳಾವ್ತಾ, ಒರಟ್ ತೊಂಡ್ ಬದ್ಲುನ್ ರ್‍ಹಾತಾ.

2 ತಿಯಾ ದೆವಾಚ್ಯಾ ವರ್‍ತಿ ಆನ್ ಘಾಲುನಕ್ಕೊ ಅನಿ ರಾಜಾಚ್ಯಾ ಹುಕುಮಾಕ್ನಿ ಖಾಲ್ತಿ ಹೊವ್ನ್ ಚಲ್. 3 ಅನಿ ರಾಜಾಕ್ಡೆ ತುಜಿ ವಿಶಯಾ ಸಾಂಗುಕ್ ಭಿಂವ್ ನಕ್ಕೊ; ತೊ ಅಪ್ನಾಚ್ಯಾ ಮನಾಕ್ ಯೆಲ್ಲ್ಯಾ ಸಾರ್ಕೆ ಕಾಯ್ ಹೊಲ್ಯಾರ್ಬಿ ಕರುಕ್ ಶಕ್ತ್ ಹಾಯ್, ಅನಿ ಘಾತ್ ಹೊತಲ್ಯಾ ಜಾಗ್ಯಾ ವಯ್ನಿ ಇಬೆ ರಾವ್ ನಕ್ಕೊ. 4 ರಾಜಾ ಹರ್ ಎಕ್ ಕಾಮ್ ಅಧಿಕಾರಾನ್ ಕರ್ತಾ, ಅನಿ ತೆಕಾ ಪ್ರಶ್ನ್ ಕರ್ತಲೊ ಕೊನ್ಬಿ ನಾ. 5 ರಾಜಾಚ್ಯಾ ಹುಕುಮಾಕ್ನಿ ಮಾನುನ್ ಚಲ್ತಲ್ಯಾಕ್ ಕಸ್ಲಿಬಿ ತರಾಸಾ ಯೆಯ್ನಾತ್; ಕಶ್ಯಾಕ್ ಮಟ್ಲ್ಯಾರ್, ಝಡ್ತಿ ಹಾಯ್ ಮನುನ್ ಶಾನ್ಯಾ ಮಾನ್ಸಾಕ್ ಗೊತ್ತ್ ಹಾಯ್. 6 ಹರ್ ಎಕ್ ಕಾಮ್ ಕರುಕ್ ಸಮಾ ಎಳ್ ಅನಿ ಝಡ್ತಿ ಹಾಯ್, ತಸೆ ಹೊವ್ನ್ ಮಾನ್ಸಾಚೊ ತರಾಸ್ ತೆಜ್ಯಾ ವರ್‍ತಿ ಮೊಟೊ ಹೊವ್ನ್ ಹಾಯ್. 7 ಕಶ್ಯಾಕ್ ಮಟ್ಲ್ಯಾರ್, ಫಿಡೆ ಕಾಯ್ ಹೊತಾ ಮನ್ತಲೆ ಅಮ್ಕಾ ಗೊತ್ತ್ ನಾ; ಅನಿ ತೆ ಕಸೆ ಹೊತಾ ಮನುನ್ ಸಾಂಗ್ತಲೊ ಕೊನ್ ಹಾಯ್? 8 ವ್ಹಾರ್ಯಾಕ್ ಆಡ್ವುಕ್ ಕೊನಾಚ್ಯಾನ್ಬಿ ಹೊಯ್ನಾ, ಅನಿ ಮರ್ನಾಚ್ಯಾ ದಿಸಾತ್ನಾ ಚುಕ್ವುನ್ ಘೆವ್ಕ್ ಬಿ ಕೊನಾಚ್ಯಾನ್ ಹೊಯ್ನಾ, ತೆ ಎಕ್ ಝಗ್ಡೊ ಹೊವ್ನ್ ಹಾಯ್ ಅಮಿ ತ್ಯಾತುರ್ನಾ ಚುಕ್ವುನ್ ಘೆವ್ಕ್ ಹೊಯ್ನಾ, ತಸೆಚ್ ಬುರ್ಸ್ಯಾಕ್ ಬುರ್ಸ್ಯಾ ಪಾನಾಕ್ನಾ ಸುಟ್ಕಾ ನಾ.

9 ತಸೆ ಹೊವ್ನ್ ಎಕ್ಲೊ ಅನಿ ಎಕ್ಲ್ಯಾ ವರ್‍ತಿ ಅಧಿಕಾರ್ ಚಾಲ್ವುನ್ ತೆಕಾ ಹಾನಿ ಕರ್‍ತಲ್ಯಾ ಹ್ಯಾ ಜಗಾತ್ ಹೆ ಸಗ್ಳೆ ಹೊತಲೆ ಬಗುನ್ ಮಿಯಾ ಪರಿಕ್ಷಾ ಕರುನ್ ಸೊಡ್ಲಾ. 10 ತವ್ಡೆಚ್ ನಸ್ತಾನಾ ಮಿಯಾ ಬುರ್ಸ್ಯಾ ಮಾನ್ಸಾಕ್ ಮಾಟಿ ದಿತಲೆ ಬಗಟ್ಲೊ, ತೊ ಆರಾಮಾನ್ ಮರ್ಲೊ, ಅನಿ ಬರೊ ಮಾನುಸ್ ನಿತಳ್ ಜಾಗ್ಯಾ ವಯ್ನಾ ಜಾತಲೆ ಯೆಲೆ, ಶಾರ್‍ಹಾತ್ ಕೊನಾಕ್ಬಿ ಯಾದುಚ್ ನಾ ಹೊಲಿ, ಹೆ ಸಗ್ಳೆ ವ್ಯರ್ಥುಚ್. 11 ಚುಕೆಕ್ ಲಗ್ಗುನಾ ಸಮಾ ಶಿಕ್ಷ್ಯಾ ಗಾವ್ಕ್ ನಸಲ್ಲ್ಯಾ ಸಾಟ್ನಿ, ಚುಕ್ ಕರುಚೆ ಮನ್ತಲಿ ಆಶ್ಯಾ ಮಾನ್ಸಾಂಚ್ಯಾ ಮನಾತ್ ಭರುನ್ ಹಾಯ್. 12 ಎಕ್ ಪಾಪಿ ಸೆಂಬರ್ದಾ ಚುಕ್ ಕರುನ್ಬಿ ಝಿತ್ತೊಚ್ ಹಾಯ್, ತೆನಿ ಕಾಯ್ ಸಾಂಗುಲಾತ್ ಮನುನ್ ಮಾಕಾ ಗೊತ್ತ್ ಹಾಯ್, "ತುಮಿ ದೆವಾಕ್ ಖಾಲ್ತಿ ಹೊವ್ನ್ ಚಲಲ್ಲೆ ರಾಲ್ಯಾರ್, ಸಗ್ಳೆಬಿ ಸಮಾಚ್ ರ್‍ಹಾತಾ. 13 ಖರೆ ಬುರ್ಶಿ ಕಾಮಾ ಕರ್‍ತಲ್ಯಾಕ್ ಬರೆ ಹೊಯ್ನಾ; ಕಶ್ಯಾಕ್ ಮಟ್ಲ್ಯಾರ್, ಸಾವ್ಳಿ ಸಾರ್ಕೆ ರಾತಲಿ ತೆಂಚಿ ದಿಸಾ ವಾಡ್ವಳ್ಕಿ ಹೊಯ್ನಾತ್; ತಸೆ ಹೊವ್ನ್ ತೊ ದೆವಾಕ್ ಖಾಲ್ತಿ ಹೊವ್ನ್ ಚಲಿನಸ್ತಾನಾ ರ್‍ಹಾತಾ". 14 ಖರೆ ಹ್ಯಾ ಜಗಾತ್ ಕಾಯ್ಬಿ ಪಾಯ್ದ್ಯಾಕ್ ನತ್ತೆ ಎಕ್ ಕಾಮ್ ಹಾಯ್;ತೆ ಬುರ್ಸ್ಯಾ ಲೊಕಾಂಚ್ಯಾ ಚಾಲಿ ಸಾರ್ಕೆ ಯೆತಲಿ ಗತ್ ಬರ್ಯಾ ಮಾನ್ಸಾಕ್ನಿಬಿ ಯೆತಾ, ಖರೆ ಹೆ ಸಗ್ಳೆ ವ್ಯರ್ಥುಚ್ ಮನುನ್ ಮಿಯಾ ಸಾಂಗ್ಲೊ. 15 ಅನಿ ಮಾನುಸ್ ಫಿವ್ನ್ ಖಾವ್ನ್ ಖುಶಿನ್ ರ್‍ಹಾತಲ್ಯಾಚ್ಯಾಕ್ನಿ ತೆಕಾ ಹ್ಯಾ ಜಗಾತ್ ಅನಿ ಕಾಯ್ ಬರೆ ಹೊತಲೆ ನಾ ಮನುನ್ ಖುಶಿನ್ ಸುತ್ತಿ ಕರ್ಲೊ; ದೆವಾನ್ ತೆಕಾ ದಿಲ್ಲ್ಯಾ ದಿಸಾತ್ನಿ ತೊ ಕರಲ್ಯಾ ತರಾಸಾತ್ನಿ ಖುಶಿಚ್ ಭರುನ್ ರ್‍ಹಾತಾ. 16 ಮಿಯಾ ಹ್ಯಾ ಜಗಾತ್ ಕಾಯ್ ಚಲುಲ್ಲಾ ಮನುನ್ ಬಗುಚೆ ಅನಿ ಶಾನೊ ಹೊವ್ನ್ ಶಿಕುಚೆ ಮನುನ್ ಕಟ್ಪಟ್ ಕರ್ತಾನಾ, ಮಾಕಾ ದಿಸ್ ಅನಿ ರ್‍ಹಾತ್ ಜಾಗೊ ರಾವ್ಕ್ ಹೊತಾ ಹೊವ್ಕ್ ಫಿರೆ, ಮನ್ತಲೆ ಮಾಕಾ ಕಳ್ಳೆ. 17 ಅನಿ ದೆವ್ ಕಾಯ್ ಕರುಲ್ಲಾ ಮನ್ತಲೆ ಕನ್ನಾಚ್ ಕಳ್ವುನ್ ಘೆವ್ಕ್ ಹೊಯ್ನಾ, ತೆ ಲೈ ಘಟ್ ಹಾಯ್, ತಿಯಾ ತೆ ಕಸೆ ಕಳ್ವುನ್ ಘೆವ್ಚೆ ಮನುನ್ ಕಟ್ಪಟ್ ಕರ್ಲ್ಯಾರ್ಬಿ ತೆಬಿ ಲೈ ಘಟ್ ಹಾಯ್, ಶಾನೊ ಮಾನುಸ್ ತೆ ಕಳ್ವುನ್ ಘೆತಾ ಮನ್ತಾತ್ ಖರೆ ತೆಚೆನ್ಬಿ ಹೊಯ್ನಾ.