1 ಜಗಾತ್ ಮಾನ್ಸಾಕ್ನಿ ಲೈ ಕರುನ್ ಹೊಲ್ಲೊ ತರಾಸ್ ಬಗಟ್ಲೊ. 2 ತೆ ಕಾಯ್ ಮಟ್ಲ್ಯಾರ್, ದೆವಾನ್ ಎಕ್ಲ್ಯಾಕ್ ಕಸ್ಲಿಬಿ ಕಮ್ಮಿ ನಸ್ತಾನಾ, ಪಯ್ಸೆ ಅನಿ ಆಸ್ತಿ ದಿಲ್ಯಾನ್, ಖರೆ ತೆ ವಾಪ್ರುಕ್ ತೆಕಾ ದೆವಾನ್ ಬಳ್ ದಿವ್ಕ್ ನಾ, ತೆ ಅನಿ ಎಕ್ಲೊ ಅನುಬೊಗ್ ಕರ್ತಾ, ಹೆಬಿ ವ್ಯರ್ಥ್ ಅನಿ ಮೊಟೆ ದುಕ್ನೆ ಹೊವ್ನ್ ಹಾಯ್. 3 ಸೆಂಬರ್ ಘಟ್ಲಿ ಪೊರಾ ಹೊವ್ನ್ ಲೈ ವರಿಸ್ ಝಿತ್ತೊ ರಾವ್ನ್ ಸುಖ್ ಸಮಾಧಾನ್ ರಾವ್ನ್ ಅನಿ ಮರ್ನಾಚ್ಯಾ ಮಾನಾ ಮಾಟಿ ಹೊಯ್ ನಸ್ತಾನಾ ರಾಲ್ಯಾರ್, ತ್ಯಾ ಮಾನ್ಸಾಕಿಂತಾ ಉಪ್ಜುಚ್ಯಾ ಅದ್ದಿ ಪೊಟಾತ್ ಪೊರ್ ಹೊವ್ನ್ ಹೊತ್ತ್ಯಾ ತನ್ನಾ ಮರಲ್ಲೆಚ್ ಕವ್ಡೆಕಿ ಬರೊ ಮನುನ್ ಚಿಂತ್ಲೊ. 4 ತೆ ವ್ಯರ್ಥ್ ಅನಿ ಕಾಳ್ಕಾತ್ ಜಾತಾ, ದಾಟ್ಲೊ ಕಾಳೊಕ್ ತೆಜ್ಯಾ ನಾವಾ ವರ್‍ತಿ ಧಾಪಲ್ಲೊ ರ್‍ಹಾತಾ. 5 ತೆನಿ ದಿಸಾಕ್ ಬಗುಕ್ ನಾತ್, ತೆಕಾ ಬುದ್ದುಚ್ ನಾ, ಖರೆ ತೆಜ್ಯಾಕಿಂತಾ ತೆಕಾ ಶಾಂತ್ಪಾನುಚ್ ಜಾಸ್ತಿಚೆ. 6 ದೊನ್ ಹಾಜಾರ್ ವರಿಸ್ ಝಿತ್ತೊ ರಾರ್ಲ್ಯಾಬಿ ಸುಖ್ ನಸ್ಲ್ಯಾರ್ ಕಾಯ್ ಫಾಯ್ದೊ? ಹೆ ಸಗ್ಳೆಬಿ ಎಕುಚ್ ಜಾಗ್ಯಾರ್ ಜಾತಾತ್ ನ್ಹಯ್. 7 ಮಾನುಸ್ ಕರ್‍ತಲೆ ಸಗ್ಳೆ ಕಟ್ಪಟ್ ಅಪ್ನಾಚ್ಯಾ ಪೊಟಾ ಸಾಟ್ನಿಚ್, ಖರೆ ತೆಕಾ ತ್ರಪ್ತಿ ಹೊಯ್ನಾ. 8 ಬುದ್ಗೆಡಿಚ್ಯಾನ್ಕಿ ಬುದ್ವಂತಾಕ್ ಕಾಯ್ ಫಾಯ್ದೊ? ಅಪ್ನಿ ಕಸೆ ಚಲುಚೆ ಮನುನ್ ಗೊತ್ತ್ ಹೊತ್ತ್ಯಾಕ್ ಗರಿಬಾಚ್ಯಾ ವಯ್ನಾ ಕಾಯ್ ಫಾಯ್ದೊ? 9 ಪಾಯ್ದ್ಯಾಕ್ ನಸಲ್ಲ್ಯಾಚಿ ಆಶ್ಯಾ ಕರ್ತಲ್ಲ್ಯಾಕಿಂತಾ, ಡೊಳ್ಯಾಚ್ಯಾ ಇದ್ರಾಕ್ ಹೊತ್ತ್ಯಾಕ್ ಅನ್ಬೊಗ್ ಕರ್‍ತಲೆಚ್ ಬರೆ, ಹೆಬಿ ವ್ಹಾರ್ಯಾಕ್ ಫಾಟ್ ಲಾಗುನ್ ಗೆಲ್ಯಾ ಸಾರ್ಕೆ ವ್ಯರ್ಥುಚ್. 10 ಮಾನುಸ್ ಕಸ್ಲೊ ಹೊಲ್ಯಾರ್ಬಿ ತೆಕಾ ಅದ್ದಿ ದಿವ್ನ್ ಹೊಲ್ಲ್ಯಾ ನಾವಾ ವಯ್ನಾ ಮಾಟಿಚೊಚ್ ಮನುನ್ ಗೊತ್ತ್ ಹೊಲಾ, ತೊ ಅಪ್ನಾಕಿಂತಾ ಬಳ್ ಹೊತ್ತ್ಯಾ ವಾಂಗ್ಡಾ ವಾದ್ ಕರುಕ್ ಹೊಯ್ನಾ. 11 ಪಾಯ್ದ್ಯಾಕ್ ಪಡಿನಸಲ್ಲಿ ಗೊಸ್ಟಿಯಾ ಲೈ ಹಾತ್, ತೆಜ್ಯಾ ವಯ್ನಾ ಮಾನ್ಸಾಕ್ ಕಾಯ್ ಫಾಯ್ದೊ? 12 ಸಾವ್ಳಿ ಸಾರ್ಕೆ ಫಾಯ್ದ್ಯಾಕ್ ನಸ್ತಾನಾ ಕಳ್ದುನ್ ಜಾತಲ್ಯಾ ಮಾನ್ಸಾಚ್ಯಾ ಜಿವ್ಮಾನಾಚ್ಯಾ ಸಗ್ಳ್ಯಾ ದಿಸಾತ್ನಿ ತೆಕಾ ಖಲೆ ಬರೆ ಮನುನ್ ಕೊನಾಕ್ ಗೊತ್ತ್? ಅಪ್ನಿ ಮರ್ಲ್ಯಾ ಮಾನಾ ಹ್ಯಾ ಜಗಾತ್ ಕಾಯ್ ಹೊತಾ ಮನುನ್ ಕೊನಾಕ್ನಾ ಕಳ್ವುನ್ ಘೆತಾ?