Eclesiastes 5

ಗಡ್ಬಡ್ ಕರುನ್ ಆನ್ ಘಾಲುನಕಾಸಿ

1 ದೆವಾಚ್ಯಾ ಗುಡಿತ್ ಜಾತಾನಾ, ಮ್ಹಾಗಾ ವರ್‍ತಿ ಧ್ಯಾನ್ ದಿ, ಪಿಶ್ಯಾಚ್ಯಾ ಬಲಿಕಿಂತಾ ದೆವಾಚ್ಯಾ ಜಗ್ಗೊಳ್ ಯೆವ್ನ್ ಕಾನ್ ದಿತಲೆ ಕವ್ಡೆಕಿ ಬರೆ, ಪಿಶ್ಯಾಕ್ನಿ ಅಪ್ನಿ ಕರುಕ್ ಲಾಗಲ್ಲೆ ಪ್ರಾಮಾನಿಕ್ ನ್ಹಯ್ ಮನುನ್ ಗೊತ್ತ್ ನಾ. 2 ತಿಯಾ ಬೊಲುಚ್ಯಾ ಪಯ್ಲಿ ಯೆವ್ಜುನ್ ಬೊಲ್ ಅನಿ ದೆವಾಕ್ನಾ ಕಸ್ಲೊಬಿ ಆನ್ ಘಾಲುನಕ್ಕೊ, ತೊ ಸೊರ್ಗಾ ವರ್‍ತಿ ಹಾಯ್, ಅನಿ ತಿಯಾ ಜಿಮ್ನಿ ವರ್‍ತಿ ಹಾಸ್, ತಸೆ ಹೊವ್ನ್, ತುಕಾ ಹೊತ್ತ್ಯಾಚ್ಯಾ ವಿಶಯಾತ್ ಲೈ ಕಾಯ್ಬಿ ಸಾಂಗುಕ್ ಜಾವ್ ನಕ್ಕೊ. 3 ತುಮಿ ಲೈ ಚಿಂತಲ್ಯಾ ವಯ್ನಾ ಬುರ್ಶಿ ಸಪ್ನಾ ಬಗುಕ್ ಹೊತಾ, ತುಮಿ ಲೈ ಬೊಲ್ತಲ್ಯಾ ವಯ್ನಾ ಪಿಶೆ ಮನುನ್ ದಿಸುನ್ ಯೆತಾ. 4 ತಿಯಾ ದೆವಾಕ್ಡೆ ಆನ್ ಘಾಲುನ್ ಮಾಗುನ್ ಘೆಟಲ್ಲೆ ರಾಲ್ಯಾರ್ ತೆ ಲಗ್ಗುನಾ ಪಾವತ್ ಕರ್, ತೊ ಪಿಶ್ಯಾಕ್ನಿ ದೆವಾಕ್ಡೆ ಖುಸಿ ಗಾಯ್ನಾ, ತುಜಿ ಆನ್ ಘಾಲುನ್ ಕರಲ್ಲಿ ಮಾಗ್ನಿ ಲಗ್ಗುನಾ ಪಾವತ್ ಕರ್. 5 ತಿಯಾ ಮಾಗುನ್ ಘೆವ್ನ್ ಪಾವತ್ ಕರಿನಸ್ತಾನಾ ರ್‍ಹಾತಲ್ಯಾಚ್ಯಾಕ್ನಿ, ಆನ್ ಘಾಲುನ್ ಮಾಗಿನಸ್ತಾನಾ ರ್‍ಹಾತಲೆಚ್ ಬರೆ. 6 ತೆಜ್ಯಾ ತೊಂಡಾನ್ ತುಕಾ ಪಾಪಾತ್ ಗುರಿ ಕರಿನಾ ಸಾರ್ಕೆ ಬಗುನ್ ಘೆ, ಹೆ ಧ್ಯಾನ್ ದಿನಸ್ತಾನಾ ಹೊತ್ತ್ಯಾ ಸಾಟ್ನಿ ಹೊಲೆ ಮನುನ್ ದೆವಾಚ್ಯಾ ಯಾಜಕಾಚ್ಯಾ ಫಿಡ್ಯಾತ್ ಸಾಂಗುನಕ್ಕೊ, ಕಶ್ಯಾಕ್ ದೆವ್ ತುಜ್ಯಾ ವರ್‍ತಿ ರಾಗ್ ಹೊಯ್ನಾ ಸಾರ್ಕೆ ಕರ್ತೆ? ಕಶ್ಯಾಕ್ ತೊ ತುಜ್ಯಾ ಹಾತಿಚ್ಯಾ ಕಾಮಾಕ್ನಿ ನಾಸ್ ಕರಿ ಸಾರ್ಕೆ ಕರ್ತೆ? 7 ಲೈ ಸಪ್ನಾನಿ ಅನಿ ನಕ್ಕೊ ಹೊಲ್ಲ್ಯಾ ವಿಶಯಾನಿ ಲೈ ಗೊಸ್ಟಿಯಾ ಯೆತಾತ್, ತಿಯಾ ದೆವಾಚ್ಯಾ ಇದ್ರಾಕ್ ದೆವಸ್ಪಾನಾನ್ ರಾ.

ಜಿವನ್ ವ್ಯರ್ಥ್

8 ಸಂಸ್ಥಾನಾತ್ ಗರಿಬಾಕ್ನಿ ಹೊತಲೆ ತರಾಸ್ ಅನಿ ನಿತಿಚ್ಯಾ ಝಡ್ತಿಚೆ ನಾಶ್ ಯೆತಲೆ ತಿಯಾ ಬಗಟ್ಲ್ಯಾರ್ ಅಜಾಪ್ ಹೊವ್ ನಕ್ಕೊ, ಸಗ್ಳ್ಯಾಕಿಂತಾ ವರ್‍ತಿ ಬಸಲ್ಲೊ ತೆ ಸಗ್ಳೆ ಲಕ್ಷಾತ್ ಹಾನ್ತಾ, ಎಕ್ ಅಧಿಕಾರ್ಯಾಚ್ಯಾ ವರ್‍ತಿ ಅನಿ ಎಕ್ಲೊ ರ್‍ಹಾತಾ, ತೊ ತೆಂಚ್ಯಾ ದೊಗ್ಯಾಂಚ್ಯಾ ವರ್‍ತಿ ಜಾಸ್ತಿಚೊ ಅಧಿಕಾರ್ ಹೊತ್ತೊ ಹೊವ್ನ್ ರ್‍ಹಾತಾ. 9 ಜಿಮ್ನಿಕ್ನಾ ಸಗ್ಳ್ಯಾಕ್ನಿಬಿ ಫಾಯ್ದೊ ಹಾಯ್, ಸೆತ್ಯಾಚ್ಯಾ ವಯ್ನಾ ರಾಜಾಕ್ನಿಬಿ ಫಾಯ್ದೊ ಹೊತಾ. 10 ತಿಯಾ ಎಕ್ ಯೆಳಾ ಪಯ್ಶ್ಯಾಚಿ ಆಶ್ಯಾ ಕರ್ತಲೊ ರಾಲ್ಯಾರ್, ತುಕಾ ಪಯ್ಶ್ಯಾನ್ ಸಮಾಧಾನ್ ಹೊಯ್ನಾ, ತಿಯಾ ಲೈ ಬಿ ಸಾವ್ಕರ್ ಹೊವ್ಚೆ ಮನುನ್ ಆಶ್ಯಾ ಕರಲ್ಲೆ ರಾಲ್ಯಾರ್, ತುಕಾ ಪಾಜೆ ಹೊಲ್ಲೆ ಗಾಯ್ಚ್ ನಾ, ಹೆ ಸಗ್ಳೆಬಿ ವ್ಯರ್ಥ್. 11 ಆಸ್ತಿ ಲೈ ಹೊಲ್ಲೆ ರಾಲ್ಯಾರ್ ವಾಪರ್ತಲ್ಯಾಂಚೊ ಅಂಕೊ ಬಿ ಲೈ ಹೊತಾ, ತೆ ಡೊಳ್ಯಾನ್ ಬಗುಚೆ ತವ್ಡೆಚ್, ಖರೆ ಯೆಜ್ಮಾನಾಕ್ ಕಾಯ್ಬಿ ಫಾಯ್ದೊ ನಾ. 12 ರಾಬ್ತಲೊ ಮಾನುಸ್ ಲೈ ಜೆವ್ಲ್ಯಾರ್ಬಿ ಉಲ್ಲೆಸೆ ಜೆವ್ಲ್ಯಾರ್ಬಿ ಆರಾಮಾನ್ ನಿಜ್ತಾ, ಖರೆ ಸಾವ್ಕಾರಾಚಿ ಆಸ್ತಿ ತೆಕಾ ನಿಜ್ ಯೆವ್ಕ್ ದಿನಾ. 13 ಹ್ಯಾ ಜಗಾತ್ ಬರೆ ಬುರ್ಸೆಪಾನುಚ್ ಬಗ್ಲೊ, ಲೈ ಆಸ್ತಿ ಹೊತ್ತೊ ಅಪ್ನಾಚಿ ಆಸ್ತಿ ರಾಕುನ್ ಘೆತಲ್ಯಾ ವಿಶಯಾಚ್ ಚಿಂತಾ ಕರ್ತಾ. 14 ತಿ ಆಸ್ತಿ ಉಪ್ಪೆಗ್ ನಸಲ್ಲ್ಯಾ ಕಟ್ಪಟಾ ವಯ್ನಾ ಹಾಳ್ ಹೊತಾ, ತೆಕಾ ಲೆಕ್ ಹೊತ್ತೊ ಹೊಲ್ಯಾರ್, ತ್ಯಾ ಲೆಕಾ ಸಾಟ್ನಿ ಕಾಯ್ಬಿ ಹುರಿನಾ. 15 ಆವ್ಸಿಚ್ಯಾ ಪೊಟಾತ್ನಾ ಕಸೊ ಯೆಲೊ, ತಸೊಚ್ ಕಾಯ್ಬಿ ನಸ್ತಾನಾ ಜಾತಾ, ಅಪ್ಲ್ಯಾ ಸಗ್ಳ್ಯಾ ಕಟ್ಪಟಾಕ್ ಹಾತಿತ್ ಕಾಯ್ಬಿ ಘೆವ್ನ್ ಜಾಯ್ನಾ. 16 ಯೆಲ್ಲೊ ಸಾರ್ಕೊಚ್, ನಾ ಹೊವ್ನ್ ಜಾತಾ, ವ್ಹಾರ್ಯಾಕ್ ಧರುಕ್ ಸಾಟ್ನಿ ಕಟ್ಪಟ್ ಕರಲ್ಲ್ಯಾ ವಯ್ನಾ ತೆಕಾ ಕಾಯ್ ಫಾಯ್ದೊ ಹೊಲೊ? ಹೆ ಸಗ್ಳೆ ವ್ಯರ್ಥ್. 17 ತೆಜ್ಯಾ ಸಗ್ಳ್ಯಾ ಜಿವ್ ಮಾನಾತ್ ಕಾಳೊಕ್ ಭರುನ್ ರ್‍ಹಾತಾ, ತೆಕಾ ದುಕ್ಕ್, ಚಿಂತಾ, ದುಕ್ನಿಯಾ ಅನಿ ಲೈ ರಾಗ್, ತೆಜ್ಯಾ ವಾಂಗ್ಡಾಚ್ ಹಾತ್. 18 ಅಬಕ್, ಮಿಯಾ ಬಗಲ್ಲೆ ಹೆಚ್, ದೆವಾನ್ ಎಕ್ಲ್ಯಾಕ್ ದಿಲ್ಲ್ಯಾ ಜಿವಮಾನಾಚ್ಯಾ ದಿಸಾತ್ನಿ ತೊ ಜೆವಾನ್ ಖಾನ್ ಘೆವ್ನ್, ಅಪ್ಲ್ಯಾ ಹ್ಯಾ ಜಗಾತ್ ಕರ್‍ತಲ್ಯಾ ಕಟ್ಪಟಾಕ್ನಿ ಸುಖಾನ್ ಜಿವನ್ ಕರ್‍ತಲೆ ಬರೆ, ಅನಿ ಫುಕೊಟ್ಚೆ ದೆನೆ ಹೊವ್ನ್ ಹಾಯ್, ಹೊಚ್ ಮಾನ್ಸಾಚೊ ವಾಟೊ ಹೊವ್ನ್ ಹಾಯ್. 19 ಅನಿ ತೆನಿ ಕೊನಾಕ್ ಆಸ್ತಿ ದಿವ್ನ್ ತೆ ಅನ್ಬೊಗ್ ಕರುನ್ ಅಪ್ನಾಚ್ಯಾ ವಾಟ್ಯಾಕ್ ಯೆಲ್ಲೆ ಘೆವ್ನ್, ಕಟ್ಪಟಾಕ್ನಿ ಖುಶಿ ಹೊವ್ನ್ ರಾವ್ಕ್ ಬಳ್ ದಿಲಾ, ತೆ ದೆವಾಕ್ನಾ ಯೆಲ್ಲೆಚ್ ದೆನೆ. 20 ಅಸ್ಲೊ ಮಾನುಸ್ ಅಪ್ನಾಚ್ಯಾ ಜಿವನಾಚಿ ದಿಸಾ ಯಾದೆಕ್ ಹಾನಿನಾ, ಹೊ ಅಪ್ನಾಚ್ಯಾ ಮನಾಚ್ಯಾ ಖುಶಿತ್ ಬುಡುನ್ ರಾಯ್ ಸಾರ್ಕೆ ದೆವಾನ್ ಕರ್ಲಾ.