Eclesiastes 9

1 ಹೆ ಸಗ್ಳೆ ಮಿಯಾ ಮಾಜ್ಯಾ ಮನಾತ್ ಚಿಂತುನ್ ಎಕ್ ನಿರ್ದಾರಾಕ್ ಯೆಲೊ, ತೆ ಕಾಯ್ ಮಟ್ಲ್ಯಾರ್, ಬರ್ಯಾ ಅನಿ ಜಾಂನ್ತ್ಯಾ ಲೊಕಾಂಚೆ ಕಾಮ್, ದೆವಾಚ್ಯಾ ಹಾತಿತ್ ಹಾಯ್, ಖಲ್ಯಾಬಿ ಮಾನ್ಸಾಕ್ ಅಪ್ಲ್ಯಾ ಫಿಡೆ ಹೊತ್ತೆ ಪ್ರೆಮ್ ಅನಿ ದ್ವೆಶ್ ತೆಕಾ ಕಳಿನಾ. 2 ಸಗ್ಳ್ಯಾ ನಮುನ್ಯಾಚೆ ಕಾಮ್ ಸಗ್ಳ್ಯಾಕ್ನಿ ಎಕುಚ್ ರಿತಿನ್ ಹೊತಾ, ಬರ್ಯಾಕ್ ಅನಿ ಬುರ್ಸ್ಯಾಕ್, ಶುದ್ದ್ ಹೊತ್ತ್ಯಾಕ್ ಅನಿ ಅಶುದ್ದ್ ಹೊತ್ತ್ಯಾಕ್, ಬಲಿ ಭೆಟ್ವುತ್ತಲ್ಯಾ ಅನಿ ಬಲಿ ಭೆಟ್ವಿ ನಸಲ್ಲ್ಯಾಕ್ ಎಕುಚ್ ಗತ್, ಚುಕ್ ಕರಿನಸಲ್ಯಾಚ್ಯಾ ಸಾರ್ಕೊ ಚುಕ್ ಕರಲ್ಲೊ ರ್‍ಹಾತಾ ಅನಿ ಆನ್ ಘಾಲ್ತಲ್ಯಾಚ್ಯಾ ಸಾರ್ಕೊ ಆನ್ ಘಾಲುಕ್ ಭಿಂವ್ನಾರೊ ರ್‍ಹಾತಾ. 3 ಸಗ್ಳ್ಯಾಕ್ನಿಬಿ ಎಕುಚ್ ಗತ್ ಯೆತಾ ಮನ್ತಲೊ ತರಾಸ್ ಸಗ್ಳ್ಯಾ ಜಗಾತ್ ಭರುನ್ ಹಾಯ್, ತವ್ಡೆಚ್ ನಸ್ತಾನಾ, ಮಾನ್ಸಾಚ್ಯಾ ಪಿಳ್ಗಿಚ್ಯಾ ಮನಾತ್ ಬುರ್ಸೆಪಾನ್ ಭರುನ್ ಹಾಯ್, ತೆನಿ ಝಿತ್ತೆ ಹೊತ್ತೆ ತವ್ಡೆ ದಿಸ್ ಪಿಶೆಪಾನ್ ತೆಂಚ್ಯಾ ಮನಾಕ್ ಧರುನ್ ಘೆವ್ನ್ ಹಾಯ್, ಅನಿ ತೆನಿ ಲಗ್ಗುನಾ ಮರ್ತಾತ್. 4 ಖರೆ ಹ್ಯಾ ಜಗಾತ್ ಕೊನ್ ತರ್ ಎಕ್ಲೊ ಝಿತ್ತೊ ಹಾಯ್ ಮಟ್ಲ್ಯಾರ್, ತೊ ಭರ್ವೊಶ್ಯಾನ್ ಜಿವನ್ ಕರುಲಾಗಲ್ಲೊ ಹಾಯ್, ಮರಲ್ಯಾ ಸಿಂವಾಕಿಂತಾ ಝಿತ್ತೆ ಹೊತ್ತೆ ಕುತ್ರೆ ಕವ್ಡೆಕಿ ಬರೆ. 5 ಹೊಯ್, ಝಿತ್ತೊ ಹೊತ್ತ್ಯಾಕ್ ಎಕ್ ದಿಸ್ ಸಗ್ಳೆಬಿ ಮರ್ತಲೆಚ್ ಮನುನ್ ಗೊತ್ತ್ ಹಾಯ್, ಖರೆ ಮರಲ್ಯಾಕ್ ಕಾಯ್ಬಿ ಗೊತ್ತ್ ನಾ, ತೆಕಾ ಕಾಯ್ಬಿ ಪ್ರತಿಫಳ್ ಗಾಯ್ನಾ ಅನಿ ತೆನಿ ಸಗ್ಳೆ ಇಸ್ರುನ್ ಘಾಟ್ಲಾ. 6 ತೆಂಚೆ ಪ್ರೆಮ್, ತೆಂಚೆ ದ್ವೆಶ್, ಅನಿ ತೆಂಚೊ ಶಿಸ್ತ್ ಸಗ್ಳೆ ತೆಂಚ್ಯಾ ವಾಂಗ್ಡಾ ಮರ್ಲಾ, ತೆನಿ ಹ್ಯಾ ಜಗಾತ್ ಖಲ್ಯಾಬಿ ಖುಸಿತ್ ಅನಿ ಪರ್‍ತುನ್ ಭಾಗಿ ಹೊವ್ಕ್ ಹೊಯ್ನಾ. 7 ಜಾ ಅನಿ ಖುಶಿನ್ ಜೆವಾನ್ ಕರ್, ಅನಿ ಖುಶಿನ್ ವಾಯ್ನ್ ಫಿ, ಅತ್ತಾ ದೆವ್ ತುಜಿ ಕಾಮಾ ಒಪ್ಪುನ್ ಘೆತಾ. 8 ಅನಿ ತುಜೆ ಕಪ್ಡೆ ಕನ್ನಾಬಿ ಪಾಂಡ್ರೆ ರಾಂವ್ದಿತ್, ಅನಿ ತುಜ್ಯಾ ಟಕ್ಲ್ಯಾಕ್ ಕನ್ನಾಬಿ ತೆಲಾನ್ ಅಭಿಶೆಕ್ ಕರ್. 9 ದೆವಾನ್ ತುಕಾ ಹ್ಯಾ ಜಗಾತ್ ದಿಲ್ಲ್ಯಾ ವ್ಯರ್ಥ್ ಜಿವನಾತ್ ತುಜ್ಯಾ ಪ್ರೆಮಾಚ್ಯಾ ಬಾಯ್ಕೊ ವಾಂಗ್ಡಾ ಸುಖಾನ್ ಜಿವನ್ ಕರ್, ಕಶ್ಯಾಕ್ ಮಟ್ಲ್ಯಾರ್, ಹೆ ಸಗ್ಳೆ ತಿಯಾ ತುಜ್ಯಾ ತರಾಸಾಕ್ನಾ ಘೆಟಲ್ಲೆ ಹಾಯ್. 10 ತುಜ್ಯಾ ಹಾತಿಕ್ ಗಾವಲ್ಲೆ ಕಾಮ್ ತಿಯಾ ಮನ್ ದಿವ್ನ್ ಕರ್, ಕಶ್ಯಾಕ್ ಮಟ್ಲ್ಯಾರ್, ತಿಯಾ ಜಾವ್ ಲಾಗಲ್ಯಾ ಮರ್ನಾಚ್ಯಾ ಜಗಾತ್ ಕಾಮ್, ಇಚಾರ್, ಬುದ್ದ್, ಶಾನೆಪಾನ್ ರ್‍ಹಾಯ್ನಾ. 11 ಮಾಕಾ ಹ್ಯಾ ಲೈ ಪಳುಲಾಗಲ್ಲೊ ಕನ್ನಾಬಿ ಜಿಕಿನಾ ಅನಿ ಶಾನೊ ಕನ್ನಾ ಝಗ್ಡ್ಯಾತ್ ಜಯ್ ಹೊಯ್ನಾ, ಶಾನೊ ಕನ್ನಾಬಿ ಆರಾಮಾನ್ ಜಿವನ್ ಕರಿನಾ, ಜ್ಞಾನಿ ಕನ್ನಾಬಿ ಸಾವ್ಕಾರ್ ಹೊವ್ನ್ ರ್‍ಹಾಯ್ನಾ, ಅನಿ ಹುಶಾರ್ ಹೊತ್ತಿ ಮಾನ್ಸಾ ಕನ್ನಾಬಿ ವಯ್ಲ್ಯಾ ಜಾಗ್ಯಾರ್ ರ್‍ಹಾಯ್ನಾ, ಹರ್ ಎಕ್ಲ್ಯಾಕ್ಬಿ ತರಾಸಾಚೊ ಎಳ್ ಯೆತ್ಯಾಚ್. 12 ಫಾಂಕ್ರಾಕ್ನಿ ಲಗ್ಗುನಾ ಪಂಜರಾತ್ ಧರ್ಲೆ ಸಾರ್ಕೆ, ಅನಿ ಮಾಸೊಳ್ಯಾಕ್ನಿ ಜಾಳ್ಯಾತ್ ಧರ್ಲೆ ಸಾರ್ಕೆ, ತುಜೊ ಎಳ್ ಕನ್ನಾ ಯೆತಾ ಮನುನ್ ತುಕಾ ಗೊತ್ತುಚ್ ನಾ, ಅಮ್ಕಾ ಲಗ್ಗುನಾ ಯೆತಲ್ಯಾ ಯೆಳಾಚ್ಯಾ ಜಾಳ್ಯಾತ್ ಧರುನ್ ಹೊತಾ.

ಶಾನ್ಯಾಚ್ಯಾ ಅನಿ ಪಿಶ್ಯಾಚ್ಯಾ ವಿಶಯಾತ್

13 ಬುದ್ದ್ ಕವ್ಡಿ ಮೊಟಿ ಮನುನ್ ಮಿಯಾ ಹ್ಯಾ ಜಗಾತ್ ಬಗಟ್ಲೊ. 14 ಅಬಕ್, ತೆ ಎಕ್ ಉಲ್ಲಿಸಿ ಲೊಕಾ ಹೊತ್ತೆ ಬಾರಿಕ್ಲೆ ಶಾರ್ ಬಲಿಸ್ಟ್ ರಾಜಾ ತ್ಯಾ ಶಾರಾ ವರ್‍ತಿ ಝಗ್ಡ್ಯಾಕ್ ಯೆಲೊ, ತೆನಿ ತ್ಯಾ ಶಾರಾಕ್ ಘೆರೊ ಘಾಲುನ್, ಥೈ ಮೊಟಿ ಭಿತ್ತಿಯಾ ಭಾಂದ್ಲ್ಯಾನ್ . 15 ತನ್ನಾ ಥೈ ಎಕ್ ಶಾನೊ ಅನಿ ಗರಿಬ್ ಮಾನುಸ್ ಹೊತ್ತೊ, ತೆನಿ ಶಾರಾಕ್ ಹುರ್ವುಲ್ಯಾನ್, ಖರೆ ಎಕ್ ಮಾನ್ಸಾನ್ಬಿ ತೆಚಿ ಯಾದ್ ಕರುಕ್ ನಾತ್. 16 ಮಿಯಾ ಕನ್ನಾಬಿ ಬುದ್ದ್ ಬಳೆಕಿಂತಾ ಜಾಸ್ತಿಚೆ ಮನುನ್ ಸಾಂಗಲ್ಲೊ, ಖರೆ ಎಕ್ಲ್ಯಾನ್ಬಿ ತ್ಯಾ ಶಾನ್ಯಾ ಗರಿಬಾನ್ ಅಪ್ನಾಚಿ ಸಗ್ಳಿ ಬುದ್ದ್ ವಾಪ್ರುನ್ ತೆ ಶಾರ್ ಹುರ್ವುಲ್ಯಾನ್ ಮನ್ತಲೆ ಚಿಂತುಕ್ ನಾತ್. 17 ಪಿಶ್ಯಾ ಅಧಿಕಾರಿಚಿ ಬೊಬ್ ಆಯಿಕ್ತಲ್ಯಾಚ್ಯಾಕಿಂತಾ ಸಾವ್ಕಾಸ್ ಬೊಲ್ತಲ್ಯಾ ಬುದ್ವಂತಾಚಿ ಗೊಸ್ಟಿಯಾ ಆಯಿಕ್ತಲೆ ಕವ್ಡೆಕಿ ಬರೆ. 18 ಶಾನೆಪಾನ್ ಝಗ್ಡ್ಯಾಕ್ ವಾಪರ್ತಲ್ಯಾ ವಸ್ತಾಂಚ್ಯಾಕಿಂತಾಬಿ ಬರೆ, ಖರೆ ಎಕ್ ಪಾಪಿ ಲೈ ನಮುನ್ಯಾಚೆ ಬರೆಪಾನ್ ಹಾಳ್ ಕರ್ತಾ.