ಮಿಕ್ 2

ಗರಿಬಾಕ್ನಿ ತರಾಸ್ ದಿತಲ್ಯಾಂಚೆ ಭವಿಶ್

1 ಅಪ್ನಾಚ್ಯಾ ಹಾತ್ರಾನಾತ್ನಿ ರಾತಾನಾಚ್, ಅನ್ಯಾಯಾಚ್ಯಾ ವಿಶಯಾತ್ ಯೆವ್ಜುನ್ ಬುರ್ಸೆ ಕರುಚೆ ಮನುನ್ ಚಿಂತಲ್ಯಾಚಿ ಗತ್ ಕಾಯ್ ಸಾಂಗು, ತೆನಿ ನಸ್ಕಾತುಚ್ ತೆ ಬುರ್ಸೆ ಕಾಮ್ ಕರ್‍ತಾತ್, ಅನಿ ತೆ ಬುರ್ಸೆ ಕಾಮ್ ತೆಂಚ್ಯಾ ಹಾತಿತುಚ್ ರಾತಾ. 2 ತೆನಿ ಸೆತಾ ಭಾತಾತ್ನಿ ಬುರ್ಸ್ಯಾ ಆಶ್ಯಾನ್ ಸ್ವತಾಚೆ ಕರುನ್ ಘೆತಾತ್, ಘರಾತ್ನಿ ಲೈ ಮೊಟ್ಟ್ಯಾ ಆಶ್ಯಾನ್ ಚೊರಿ ಕರ್‍ತಾತ್, ಘರಾಕ್ ಅನಿ ತ್ಯಾ ಘರಾಚ್ಯಾ ಯೆಜ್ಮಾನಾಕ್, ಬದಿಕಾಕ್ ಅನಿ ತೆಜ್ಯಾ ಯೆಜ್ಮಾನಾಕ್ ತುಡ್ವುತಾತ್. 3 ತಸೆ ಹೊವ್ನ್ ಸರ್ವೆಸ್ಪರ್ , ಅಸೊ ಮನ್ತಾ ಅಬಕ್, ಹ್ಯಾ ಪಿಳ್ಗಿಕ್ ಮಿಯಾಚ್ ಬುರ್ಸೆ ಹೊಯ್ ಸಾರ್ಕೆ ಕರ್ತಾ, ತೆಚ್ಯಾ ವಜ್ಜೆಕ್ನಾ ತುಮ್ಚಿ ಮಾನಿಯಾ ಚುಕ್ವುನ್ ಘೆವ್ಕ್ ಹೊಯ್ನಾ, ತೊ ಬುರ್ಸೊ ಯೆಳುಚ್ ಹೊವ್ನ್ ಹಾಯ್. 4 ತ್ಯಾ ದಿಸಾತ್ನಿ ಲೊಕಾ ತುಮ್ಚ್ಯಾ ವಿಶಯಾತ್ ಅಳಾಪಾಚಿ ಗಿತ್ ಗಾವ್ತಾತ್,

ಅಮಿ ಸತ್ಯಾನಾಸ್ ಹೊಲ್ಯಾವ್, ಸರ್ವೆಸ್ಪರಾನ್ ಅಮ್ಚೆ ಬದಿಕ್ ದುಸ್ರ್ಯಾಂಚೊ ವಾಟೊ ಹೊಯ್ ಸಾರ್ಕೆ ಕರ್ಲ್ಯಾನಾಯ್,

ಹೊಯ್, ತೆ ಅಮ್ಚ್ಯಾಕ್ನಾ ಕಾಡುನ್ ಘೆಟ್ಲ್ಯಾನ್, ಅಮ್ಚಿ ಜಿಮಿನ್ ದೆವಾಕ್ ವಿರೊಧ್ ಕರ್‍ತಲ್ಯಾಕ್ನಿ ವಾಟುನ್ ದಿಲ್ಯಾನ್, ಮನುನ್.

5 ಅಸೆ ರಾತಾನಾ ಸರ್ವೆಸ್ಪರಾಚ್ಯಾ ತಾಂಡ್ಯಾಚ್ಯಾ ಲೊಕಾಂಚ್ಯಾ ಜಿಮ್ನಿ ವರ್‍ತಿ ಮಾಪ್ ಕರುನ್ ವಾಟುಕ್ ಕೊನ್ಬಿ ರ್‍ಹಾಯ್ನಾತ್. 6 ತಿ ಲೊಕಾ ಅಮ್ಕಾಚ್ ಶಿಕಾಪ್ ಕರುನ್, ತುಮಿ ತೆ ಸಗ್ಳೆ ಅಮ್ಕಾ ಉಪದೆಸ್ ಕರುನ್ ಸಾಂಗುನಕಾಸಿ, ಅಮ್ಕಾ ದೆವ್ ಅವ್ಮಾನ್ ಕರಿನಾ, ಮನುನ್ ಸಾಂಗ್ತಾತ್. 7 ಜಾಕೊಬಾಚ್ಯಾ ಪಿಳ್ಗಿಚ್ಯಾ ಘರಾನಾಚೆ, ಶರಾಪಾಕ್ ಗಾವಲ್ಲೆ ತುಮ್ಕಾ ಗೊತ್ತ್ ನಾ ಕಾಯ್? ಸರ್ವೆಸ್ಪರಾನ್ ಅಪ್ನಾಚೆ ತಾಳ್ಮೆ ಕಳ್ದುನ್ ಘೆಟ್ಲಾ ಕಾಯ್? ತೊ ಖರೆಚ್ಬಿ ತಸ್ಲೆ ಕಾಮ್ ಕರ್ತಾ ಕಾಯ್? ತೊ ಸಮಾ ಹೊತ್ತೆಚ್ ಕರ್‍ತಲ್ಯಾಕ್ನಿ ದಯಾನ್ ಬೊಲ್ಸಿನಾ ಕಾಯ್? 8 ಖರೆ, ಮಾಕಾ ವಿರೊಧ್ ಹೊವ್ನ್ ಇಬೆ ಹೊತ್ತ್ಯಾ ಮಾಜ್ಯಾ ಲೊಕಾನು, ತುಮ್ಚ್ಯಾಕ್ನಾ ದಾಟುನ್ ಜಾತಲ್ಯಾ ಲೊಕಾಂಚೆ ಕಪ್ಡೆ ತೆಂಚ್ಯಾ ಆಂಗಾ ವಯ್ನಾ ಕಾಡುನ್ ಘೆತ್ಯಾಸಿ, ಆರಾಮಾನ್ ಫಿರುನ್ ಖೆಳ್ತಲ್ಯಾ ಲೊಕಾಂಚ್ಯಾಕ್ನಾ ಚೊರಾಚ್ಯಾ ಸಾರ್ಕೆ ಚೊರಿ ಕರುನ್ ಘೆತ್ಯಾಸಿ. 9 ತುಮ್ಚ್ಯಾ ಬಾಯ್ಕಾ ಮಾನ್ಸಾಂಚ್ಯಾ ಹಾತಿತ್ನಾ ತೆಂಚಿ ಬರಿ ಘರಾ ಕಾಡುನ್ ಘೆತ್ಯಾಸಿ, ತೆಂಚ್ಯಾ ಬಾರಿಕ್ ಪೊರಾಂಚ್ಯಾ ಹಾತಿತ್ನಾ ಮಾಜಿ ಸಾವ್ಕಾರ್ಕಿ ಶಾಶ್ವತ್ ಕಾಡುನ್ ಘೆಟ್ಲ್ಯಾಸಿ. 10 ಉಟುನ್ ಹಿತ್ತೆತ್ನಾ ಜಾ, ಹೊ ತುಮ್ಚೊ ಆರಾಮ್ ಕರ್ತಲೊ ಜಾಗೊ ನ್ಹಯ್, ಕಶ್ಯಾಕ್ ಮಟ್ಲ್ಯಾರ್ ತಿಯಾ ಹೆ ಹಾಳ್ ಕರ್ತೆ. ಬುರ್ಸೆ ಕರ್ತೆ, ತಸೆ ಹೊವ್ನ್ ಹೆ ಸಗ್ಳೆ ನಾಶ್ ಹೊತಾ, ಅಸೆ ಲೈ ಬುರ್ಸ್ಯಾ ರಿತಿನ್ ಪಾಡ್ವುನ್ ಹೊತಾ. 11 ಹಿ ಲೊಕಾ ಮಾಜಿ ಗೊಸ್ಟಿಯಾ ಆಯ್ಕುಕ್ ಮನ್ ಕರಿನಾತ್, ಖರೆ ಎಕ್ ಝುಟ್ಯಾ ಮಾನ್ಸಾಚಿ ಗೊಸ್ಟಿಯಾ ಆಯಿಕ್ತಾತ್, ಝುಟ್ಯಾ ಪ್ರವಾದಿನಿ ಯೆವ್ನ್, ತುಮ್ಕಾ ಫಿಡೆ ಬರೆ ಹೊತಲೆ ಹಾಯ್ ಪಾಜೆ ಹೊತಾ ತವ್ಡೆ ವಾಯ್ನ್ ಅನಿ ನಿಶಾ ಹೊತಲೆ ವಾಯ್ನ್ ಗಾವ್ತಾ ಮನುನ್ ಸಾಂಗ್ಲ್ಯಾರ್, ತೆಕಾ ತೆನಿ ವಿಶ್ವಾಸ್ ಕರ್‍ತಾತ್, ಅನಿ ಸ್ವಿಕಾರ್ ಕರುನ್ ಘೆತಾತ್, 12 ಖರೆ, ಮಿಯಾ ಇಜ್ರಾಯೆಲಾಂಚ್ಯಾ ಪಗ್ಳುನ್ ಗೆಲ್ಲ್ಯಾ ಸಗ್ಳ್ಯಾ ಲೊಕಾಕ್ನಿ ಗೊಳಾ ಕರ್ತಾ, ಬಕ್ರ್ಯಾಕ್ನಿ ಗೊಟ್ಯಾತ್ ಮಿಳ್ವಲ್ಲ್ಯಾ ಸಾರ್ಕೆ, ಗವ್ತಾಚ್ಯಾ ಜಾಗ್ಯಾಕ್ ಬಕ್ರ್ಯಾಂಚೊ ಹಿಂಡ್ ಮಿಳ್ವಲ್ಲ್ಯಾ ಸಾರ್ಕೆ ತುಮ್ಚೆ ದೆಶ್ ಲೈ ಲೊಕಾನಿ ಭರ್ತಾ. 13 ತನ್ನಾ ಹಾಳ್ ಕರ್ನಾರೊ ಲೊಕಾಂಚ್ಯಾ ಫಿಡ್ಯಾತ್ನಾ ಜಾವ್ನ್, ಶಾರಾಚೆ ದಡ್ಪೆ ಮೊಡ್ತಾನಾ, ಲೊಕಾ ಶಾರ್ ಸೊಡುನ್ ಜಾತಾತ್, ತೆಂಚೊ ರಾಜಾ ಸರ್ವೆಶ್ವರುಚ್ ತೆಂಕಾ ಭಾಯ್ರ್ ನ್ಹೆತಾ.