4 Ɔdɔ le aboterɛ, na ye ti anu nnyɛ se. Ɔdɔ de, ɔtte ahoɔyaa, ɔndwa ye noanu,13:4 Anaa "Ɔhoɔhoa ye nwo." na ɔmma ye nwo so. 5 Ɔdɔ nnyɛ nikye bɔ ɔttemaye, nná bɔ ohia ye ngome yeɛ ɔdwene ye nwo ɔ, ɔmvɛ yaa ndɛ, na ɔmva bɔne nwura ye nu. 6 Ɔdɔ nni ahurusi wɔ nikye bɔ ɔttemaye nwo, mmom nahorɛ yeɛ odi ye nwo ahurusi ɔ. 7 Ɔdɔ to ye bo ase wɔ nikye biala nu, ole nikye biala nu gyidie, ole nikye biala nu anidasoɛ, na ɔfa animia gyina nikye biala nu.
8 Ɔdɔ bo mbɛ lle. Nakoso, sɛ ngɔmhyɛ wɔ berɛ a, yebo kɔpɛ, sɛ dwudwolɛ ahoroɛ wɔ berɛ a, ɔkɔyakyi, na nimdeɛ koso, okofi berɛ.
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)