15 Ɛmɔnze kyɛ ɛmɔ nipadua ne te Kristo akwaa? Mva Kristo akwaa ne mmata tuutuuniɛ nwo anaa? Nyameɛ pa gua! 16 Anaa ɛmɔnze kyɛ, ebiala bɔ ɔkɔfa ye nwo kɔbata tuutuuniɛ ne, ɔne ye ayɛ kõ? Ofikyɛ bahworɔ kyɛ, "Bɛ munyɔ ne ayɛ anwoɔnaen kõ." 17 Nakoso, bɔ ɔfa ye nwo bata Awurade ne, ɔne ye ayɛ kõ wɔ honhom nu. 18 Ɛmɔnwati bɛfi adwamammɔ nwo. Bɔne biala bɔ sona kɔyɛ ne, ɔnne ye nipadua nanu, nakoso bɔ ɔbɔ adwaman ne de, ɔyɛ bɔne tia ye bɔbɔ ye nipadua ne. 19 Anaa ɛmɔnze kyɛ ɛmɔ nipadua ne te honhom krongron bɔ Nyameɛ afa ama ɛmɔ, bɔ ɔwɔ ɛmɔ nu né asɔre awuro? Afei koso, ɛmɔlle ɛmɔ nwo, ɛmɔte Nyameɛ deɛ, 20 ofikyɛ ɔtɔle ɛmɔ nyɔboɛ serɛ. Yeti, ɛmɔfa ɛmɔ nipadua ne bɛhyɛ Nyameɛ anuonyam.