4 Nakoso aliemaa mɔ, ɛmɔ de, ɛmɔnne awosii nu, né sɔ kyẽa ne afu ɛmɔ nu kyɛ awieniɛ, 5 ofikyɛ ɛmɔ mukoraati ɛmɔte kanea ne aleheneɛ mmaa. Yɛtte kɔngɔen anaa awosii deɛ. 6 Yeti, nnɛmɔ maa yɛda, kyɛbɔ bɛ bɔ baha ne da ne, mmom, ɛmɔma yɛnea yé,*5:6 Anaa "Yɛnwɛne; Yɛtingye." na yɛ nye la berɛ. 7 Ofikyɛ bɛ bɔ bɛda ne da kɔngɔen, na bɛ bɔ bɛbo ne bo kɔngɔen. 8 Nakoso yɛ de, yɛte aleheneɛ mmaa, yeti ɛmɔma yɛ nye la berɛ, na yɛfa gyidie ne ɔdɔ yɛyɛ buralɛ yɛkata yɛ hue so, na yɛfa daa ngoa nwo anidasoɛ ne yɛyɛ buralɛ kyerɛ. 9 Ofikyɛ Nyameɛ anye yɛ kyɛ ɔbaahwe yɛ so, mmom ɔyele yɛ kyɛ yɛfa Awurade Kristo Yesu so yɛnya ngoa.