31 Yeti, Yudafoɛ bɔ banya gyidie wɔ Yesu nu ne, ɔha hyirele bɛ kyɛ: "Sɛ ɛmɔfa me dwirɛ bɛyɛ adwuma8:31 Anaa "Sɛ ɛmɔ tena me dwirɛ nu." a, né ɔte amba kyɛ ɛmɔte m’asuafoɛ, 32 na ɛmɔ konwu nahorɛ ne, na nahorɛ ne kɔmaa ɛmɔkole ɛmɔ nwo."8:32 Anaa "Nahorɛ ne kɔye ɛmɔ kofi ngoasom nu." 33 Yeti bɛbisale ye kyɛ: "Yɛte Abraham bosofoɛ, na yɛyɛlle ngoaa yɛmanne ebiala lle. Ye de nzuati yeɛ ɛka kyire yɛ kyɛ ‘Yɛkole yɛ nwo’ ne?"
34 Yesu yele bɛ noa kyɛ: "Nahorɛ paa bɔ meka mekyire ɛmɔ yeɛ ole kyɛ, ebiala bɔ ɔyɛ bɔne ne, ɔte bɔne akoaa. 35 Afei, akoaa ndena awuro berɛ daa, baa yeɛ ɔtena berɛ daa ɔ. 36 Yeti sɛ Baa ne maa ɛmɔdɛ ɛmɔ nwo a, afei de né ɛmɔtte ngoaa kõ.8:36 Anaa "Né ɔte amba kyɛ ɛmɔ alɛ́ ɛmɔ nwo."