36 Na kyɛbɔ bahworɔ ne:

"Wɔ ti, bɛku yɛ daa biala;

na bɛbu yɛ kyɛ mmoan bɔ bɛkwaapɛ yɛ ti ne."

37 Nakoso, sɔ nningyein hemɔ mukoraati nu ne, yɛnate bɔ ɔdɔ yɛ naso ali ngunim koraa. 38 Na nne gyidie paa kyɛ, ewue anaa ngoa, abɔfo anaa awaen, nningyein bɔ ɔwɔ berɛ kesaalae anaa bɔ ɔkɔwa kyẽabie, tumi, 39 nningyein bɔ ɔwɔ anwuro anaa nningyein bɔ ɔwɔ ase biala nne berɛ bɔ ɔkɔhora kɔte yɛ kofi Nyameɛ dɔ bɔ ɔwɔ y’Awurade Kristo Yesu nu nanwo ɔ.