1 Yɛsu atokande ala, ayaka aolela ko kese ke Yudɛa ka né kɔpɔngɔ ɛkinɛ ye Lǒje lo Yɔlɔdani. Kekumva ke bato kyamɔlɛnga ka aika kalɛ abaeleja itɛnda ja Bɔsɔmwá bwabɛja nde aɛ̌mɛkɛla.

2 Moela pena bafalisayɔ bamɔnji* babaka kalɛ kole Yɛsu kɔmɔbɔnda ka bamoweja : «Kyǎto* kito Kyalamona mwǎmolome kɔ̌nga mokali wande ?»

3 Yɛsu abaweja : «Musa abasiela keni kelaǒ ?» 4 Abɔ batɛnda : «Musa atosolela tɛ mwǎmolome alengě kɔ̌nga mokali wande atɛ amochilele lojojo lo kɔmɔlɛka ka amɔ̌ngɛ.»

5 Yɛsu abasolela tɛ : «Musa Abasolela obola mɔkɔsɔna metema yino ya nuna. 6 Ka koboso ne ko bombeka ko kese, Bɔsɔmwá : abomba mwǎmolome ně mwǎmokali.*10.6 Lɔla koboso 1.27  7 Abɔ né mwamolome akatoka kole isande na ninɛ, ka alɛmbana né mokali wande, 8 Ala basɛ bamběja atɛbaiki mobele ɔmɔnji. *10.8 Lɔla Koboso 2.24 alá balekalɛ ba bele atɛ bǐki mobele ɔmɔnji 9 Ka moto tǎbanokya eke kya sambeka Bɔsɔmwá.»

10 Pena yaolela ngelela* ja Yɛsu mo ndábo bamoweja kalɛ mwebila byatɛnda nde. 11 Yɛsu abasolela : «Ona ɔ̌ngǎ mokali wande ka asɔnga ɔkinɛ asili kobundeka itola, mɔkɔsɔna tɛ alɛki mokali wande we koboso.» 12 Ka imbɛ mwǎmokali atoki kole ibande ka asɔngwa nɔ̌kinɛ molome, nande asili kobundeka itola. Mɔkɔsɔna tɛ asǐ ibande we koboso.

13 Buchu bɔmɔnji bato bamobesejela Yɛsu bǎna bakɛkɛ, mɔkɔsɔna tɛ abachwaǒlele. Ka ngelela* jande jabasimba abala babeseja bǎna. 14 Yɛsu amɔna nde obola, asakala ka atɛnda : «Lɛka bana bakɛkɛ babake kwanɛ mɔkɔsɔna tɛ bɔkɔta bwa Bɔsɔmwá* bole né kwǎbala bawayanya nabɔ. 15 Nimosolele nisoko kalɛ ɔsɛ ona ǒsǐ taimenya mɛlɔndɔ ye bɔkɔta bwa Bɔsɔmwá imbɛ mwâna mokɛkɛ takaingela mɔlɛbɔ.» 16 Kosila kalɛ Yɛsu aifuteka ně bǎna ka abachwaolela moko ba bekela mabɔkɔ.

17 Wabɛja Yɛsu aɛnda mo njela, moto ɔmɔnji abaka lobelo amǔmbela makɔngɔ koboso nande amoweja : «Mwěleji waɛnda, nikete boni nibange mwɛjɔ we bomba na bomba ?»

18 Yɛsu amosolele : «Moboni bongitane awɛ waenda ? Kosǐ moto olě, waenda akanda na Bɔsɔmwá bukɛli. 19 Wajeba bwatɛndǎ kyǎto* kito tɛ : ‹Ibɛjǎ walia ibɛjǎ wa bundeka itola ibɛjǎ wǎ kanga manu ibɛjǎ wǎ wiba ibɛjǎ wǎ kangela moto manu kalɛ kuteja isao na njɔkɔ.› » 20 Ola moto amɔ̌tɔjɛla tɛ : «Mwěleji naketa ebila bisɛ mo wɛnda wanɛ.» 21 Yɛsu amɔlɔla ně mǐsɔ mebo kondani amosolelá tɛ : «Opeki ku kɛndɔ kɛmɔnji kesǐ awɛ tole nakyɔ yaka kosombeje bisɛ bile nao, obabanyele balungi elila imɔna ka oketě obola okabangase imɔna jabula kwiyolo kwa Bɔsɔmwá ka kosilě obola, baka onjange.»

22 Ola iyɛnda aukwande obola aota kelongi aɔ̌tɔla asakale mokoba tɛ abɛja nǐmɔna ja bula. 23 Yɛsu alɔla pɔngɔ lisɛ atɛnda ko ngelela* jande : «Kole kwanuna kwaba bale nǐmɔna jabula kwingela kɔ bɔkɔta bwa Bɔsɔmwá*!» 24 Ngelela* jande jaitoka mwebila byatɛnda Yɛsu. Ka aotola kalɛ kɔtɛnda : «Bǎna banɛ kole né kwanuna kuingela kɔ bɔkɔta bwa Bɔsɔmwá!» 25 Kole né kwanuna ngamia kwingela mo mopela we singɛ ka kwanuna kalɛ koeta kobale wǐmɔna kwingela mɔ bɔkɔta bwa Bɔsɔmwá*.

26 Ngelela* jande aǔkwa bɔ obɔla basebalala kalɛ ka bawejana abɔbɛnɛ mole abɔbɛnɛ; ka nani kalɛ okalakoka ?

27 Yɛsu abalɔla ka niko basolela : «Ko bato ebila biɔ̌sɔnɛka ka kwa Bɔsɔmwá bisɛ byaɔsɔnɛkana.»

28 Pɛtɛlɛ amosolela : «Ka nito boni, lɔla tɔlɛki bisɛ toběle twakoja.» 29 Yɛsu atɛndi tɛ : «Nimosole nisoko bɛnɛ moto ɔsɛ ona osiyǎ ndábo yande, ka baboteka nande, ka metamba yande, ka ne baboti nande, ka bǎna bande, ka masiǒ mande mole meno né mwǐtɛnda jaenda ja Bɔsɔmwá, 30 Akabanga kalɛ kama ɛmɔnji mwěbila byasia nde, moena pena ye lobese ndábo né baboteka nande né metamba yande na ninɛ né bǎna ka né masio mande. Ka angɔ̌ obola akaeta mokolewa. Mo masu male koboso akabanga mwɛjɔ we bomba na bomba. 31 Ka mole bine bale koboso mǒbo bakaika be kochunga. Ka nǎba be kochunga mǒbo bakaika be koboso.»

32 Yɛsu ně ngelela* jande babɛja mo njela ye kwaka Yɛlusalɛmu, ka Yɛsu abɛja koboso nabɔ. Ngelela* jande ba sebalala, ka bato aba bamojanga bǐka ně bɔ̌ba. Ka Yɛsu atomba kalɛ abala ikomi né babele ka aika abasolela byamǒlelelǎ. 33 Ande abasolela : «Lɔla toyele ko Yɛlusalɛma ka Mwǎna we Moto abundeka né mo mabɔkɔ me mɛkɛngwa né baeleji be kyǎto* ba kumekyana né ko ndiya mo mabɔkɔ me bato basǐ bajebe Bɔsɔmwá. 34 Abɔ baka mɔbɔnda ka baka mǔsela lɔsɔki ka bakamǔmba fimbɔ ka bakamoliya. Ka mobuchu bo masato akaǔboka.»

35 Amɔngɔ nǎla, bǎna ba Jɛbɛdɛɔ Yakɔbɔ na Yɔani babaka koboso na Yɛsu ka bamosolela : «Mwěleji bite tokondi ne tɛ otoketele bisɛ byakwɛ̌ngɛlǎ bite.» 36 Yɛsu abaweja : «Mokondi tɛ nimoketele bikě ?» 37 Abɔ bamosolela : «Tobeka ɔmɔnji kwikali jaɔ ka ɔkinɛ kwilome jao aiki awɛ ko bokuchu bwao.» 38 Yɛsu abasolele tɛ : «Temwajeba seno byaɛngɛla se bine. Molenge mwasɔla mokepoma kekolewa keka kɔsɔla meno ? Abangǎ meno Lobatiso lokolewa nino mɔ̌sɔna seno ?» 39 Bamɔ̌tɔjɛla : «Twaɔsɔnana.» Yɛsu abasolela : «Nisoko bɛnɛ mwasɔlǎ kepoma ke kolewa kyasola meno ka lobatiso lokolewa kɔmɔkɔmbɛ nino molobanga seno. 40 Ka Bato ko likana kwilome janɛ kwikali janɛ ela ele mɛlɔndɔ yanɛ ele né kole Bɔsɔmwá kwabala baendele ko bibanga.» 41 Ka aukwa ngelela* bakinɛ ikomi basakalela Yakɔbɔ na Yɔani. 42 Mɔkɔsɔna obola Yɛsu abaitana basɛ ka abasolela : «Mwajeba seno wǎli tɛ ababale mɛkɔta ye kese baemanena bato mo bɔkɔta bwabɔ né nelokangwá. Ka abala bale mo bichumbe babanyɛkanǎ. 43 Ka Mole bine kɔbɛja obola. Mɔkɔsɔna tɛ ona okonda koba mokota mole bine abɛ̌ né mɔkɔbɛ wino basɛ. 44 Ka ona okonda koba koboso mole bine abɛ̌ né mɔkɔbɛ we basɛ. 45 Mokoba tɛ meno mwǎna we moto tabaka kolenga bato bekokambela molemo ka nabakane kokambela bato ka né kolimbeja mwɛjɔ wanɛ mɔkɔsɔna tɛ nilakole bato kǐnge.»

46 Yɛsu ně ngelela* jande baolele ko kaja ke Yeliko. Ka atoka bɔ mwǎkala kaja kekumva ke bato kyabajanga. Bamɔna moto wabɛja né botongo waetaneka Balatimayɔ mwǎna wa Timayɔ abɛja alikana mwǐpamba linjela mɔlwɛngɛla. 47 Aukwande tɛ Yɛsu mwina Jalɛti né waeta seno, ǐka atɛnda ně jǒki likolo tɛ : «Yɛsu mwǎna wa Daudi, imɔnɛna lokwa!» 48 Ka bato kǐnge babɛja bamosimba mɔkɔsɔna tɛ akɔbɛ, ka ande abɛja ku apapa kwǎkamoka «Mwǎna wa Daudi imɔnɛna lokwa!»

49 Mɔkɔsɔna obola, Yɛsu aimana ka atɛnda : «Mwitana.» Ka bamwetana ola we botongo, bamosolela : «Ilongoja lokangwa! Imana akuita né.» 50 Ande we botongo ayɔyɔala ausa ngɔmbɛ yande ka aimana apoka mosalo amoyelela Yɛsu. 51 Yɛsu amoweja tɛ : «Wǎkonda se niko ketele bikě ?» Ola We botongo amosolela : «Mwěleji nǎ kondǎ se nimɔnɛ kalɛ.» 52 Kosila, Yɛsu amosolela tɛ : «Yaka wao kwǐmenya kwao kɔkɔmɔnɛkyɛ mwɛjɔ.» Ayɔyɔala webotongo amɔna kalɛ ka amojanga Yɛsu.