1 Masu kɔlɛnga, Yɛsu aolela kalɛ ko kaja ke Kapɛlɛnaumu. Aukwa bato tɛ abɛja mo ndábo. 2 Ka kǐnge asambǎbɔ babaka bajaja ndabo kǒsǐ tɛ bato bakinɛ baɔsɔna kwǐngela ko mokinda we ndabo. Abala bato basɛ Yɛsu abɛja abaeleja itɛnda ja Bɔsɔmwá.

3 Moela pena, bato bananji bamobesejela Yɛsu moto ɔmɔnji wabɛja aɔla bilemba. 4 Ka, tebaolela kwa Yɛsu mobuinge bo bato. Ka mǒbola, banina kuiyolo ně ndabo, *2.4 Bayaudi bamɔnji babɛja baliba ma lwamba lwabɔ ne makɔmbɔmɔya me matɛtɛ ka kuyolo babeka mapala Bayuda bamɔnji babɛja bachweka lwamba né makɔmbɔmɔya me matɛtɛ né bǔsabɔ mapala akanda né matɛtɛ. Batɛta luamba akanda nǎla abɛja Yɛsu alikaná. Bamwikeleja alá, ně kǎta kamojala nabɔ. 5 Ka Yɛsu amɔna kwǐmenya kwabala bato, atɛnda ko kebeka : «Mwǎna wanɛ mabe maɔ maebeleleke.»

6 Mwěla ndabo kwabɛja baeleji be kyǎto* bamɔnji ka, bǐka baiweja ko metema yabɔ. 7 «Ona moto atɛndɛlɛ bike obo? Abɛngi Bɔsɔmwá!. Nani waebelela mabe memoto akanda na Bɔsɔmwá bukelǐ ?» 8 Ayɔyɔala Yɛsu ajeba bile mo makani mabɔ ka atɛnda tɛ : «Boni bole se bine nǎmala makani mo metema yinǒ ? 9 Isolela bikě bile bya saliya kɔtɛnda ko kebeka tɛ : ‹Mabe maɔ ma ebeleleke›, Ka kɔtɛnda : ‹Imana bunda kǎta kaɔ, ɛnda?› 10 Nikondi mojebe tɛ : Meno Mwǎna we Moto nilené né lokwangwa anu kose né mɔsɛkɛ lo koebelela mabe.»

Ka Yɛsu amosolela kebeka tɛ : 11 «Nikosolele awɛ kebeka, imana bunda kǎta kaɔ, Ka yaka kondabo yaɔ.» 12 Ayɔyɔala ola moto aemana ka ajala kǎta kande né kwǎka kwande, mo mǐsɔ me bato basɛ.

Ka basɛ basebalala. Ka bǐka baseka Bɔsɔmwá. Batɛnda tɛ : «Tonamɔnɛ ǒbo!»

13 Kosila obola, Yɛsu aɔtɔla kalɛ komochili we kyatenge kya Galilaya. Kekumva kɛsɛ ke bato kyamojanga, ka ǐka abaeleja.

14 Mokwěta, amɔna moto ɔmɔnji waetaneka Lawi*2.14 Lawi waetaneka kalɛ tɛ Matayɔ. Lɔla Mat 9.9, mwǎna wa Alufayɔ. Andé Lawi abɛja alika né ko ndabo ye molemo we kwǎmbeja motolo. Yɛsu amosolela tɛ : «Njanga. Ayɔyɔala Lawi aimana, ka amojanga!»

15 Amɔngɔ nǎla, Yɛsu ayaka koja ko ndabo ya lawi, mwěla ndabo, kwabɛja bauteji be motolo kǐnge né baketi be mabe, baika baja na Yɛsu ně ngelelǎ* jande mɔkɔsɔna tɛ kǐnge ke bato kpǎ nǎla babɛja bamojanga.

16 Ka, baeleji be Kyǎto né kekumva ke Bafalisayɔ* amɔmɔnabɔ Yɛsu aja ne baǔti be motolo né bakɛti be mabe, baweja ngelelǎ* jande : «Mobikě walejase mwěleji wino né baǔteji be motolo ka né bakɛti be mabe ?» 17 Ka, Yɛsu abaukwa, ka abasolela tɛ : «Bato balekǒsǐ ibɔngɔka tebalenga monganga* ka, babongoki né balengǎ monganga! Tabaka kolenga bato bekpǎ, ka nabaka né kobaketi be mabe.»

18 Buchu bɔmɔnji, Ngelela* ja Yɔani Welobatiso né Bafalisayɔ* babɛja kobichwambeko bisǐ bile bikoja ija. Ka anu bato babaka koweja Yɛsu : «Boni ngelela* ja Yɔani né bafalisayɔ baǔmba bichwambeko bikǒsǐ koja, ka elijao kǒsǐ koketa obola ?» 19 Ka Yɛsu abaɔtɔjɛlɛ tɛ : «Kǒsǐ! Aba baetaneka balenge baila koja bale nɛmɔsɔngi amena amɔnji ?» Mokoba tɛ bale nɛmɔsɔngi baendela kwǐla ija. 20 Ka, masu makabaka seno mɔsɔngi taba kalɛ nabɔ ka obola bɔchu né bwingela sɛbɔ mobitwambeko bile kǒsǐ ija.

21 «Kosǐ moto wǎtɛlǎ kelaka kɛngɔmbɛ yelobese akanda ně ngɔmbɛ metangi. Imbɛ obola kelaka ke lobese atɛ kyǎti ekelá ketangi, ka atɛ kwǎteka kopapi.

22 «Ka moto tabeka difai yelobese monda né kemomo ke kɛkɔba*2.22 Bayuda babɛja balendeka kemomo ke kɛkɔba ke nyama. Moekela kemomo babɛja babeka mǎnje né masiwa (mabɛlɛ me nyama) né difai ka né makuta. Ebila bimomo bibɛjɛ̌ biekele bi lobese byabɛja bya napoka ka bǐkě bikongole, atɛ binuni mɔkɔsɔna obola biɔsɔna konapoka kalɛ ketangi. Mokoba tɛ imbɛ baketi obola, difai yelobese elenge yǎta kemomo ke kɛkɔba. Ka ekela kemomo né difai bilobese bisɛ bikwele lobe. Ka ela difai yelobese yabekeka ku mokemomo ke kɛkɔba kelobese!»

23 Buchu bɔmɔnji bo Sabato*, Yɛsu abɛja aeta ně ngelela* jande mo masiɔ me ngano. Ngɛlɛla* jande bapolota mejamba yěngano mokwěta. 24 Ka, bafalisayɔ batɛnda : «Lɔla moketele bikě obola, kwa simbeka mo kyǎto kya Bɔsɔmwá Buchu bo Sabato*!»

25 Yɛsu atɛnda tɛ : «Tɛmwatɔndɔla angɔ̌ waketa Mɔkɔta Daudi, abɛja nde né binakwande aǔkwabɔ njala ka bapeka bikoja, ande né baɛnda nande. 26 Boni bwaingela nde mo ndábo ya Bɔsɔmwá, *2.26 Moela pena ndabo ya Bɔsɔmwá yabɛja enaalekeké. Lɔla Samwɛlɛ 21.3-7 ; Balawi 24.9ka abunda mekate yalongoja bato Kwa Bɔsɔmwá ajá ka, alongoja bato baɛnda nande, ka ela mekate ěndele kolewa né moto okinɛ akanda né mɛkɛngwa ya Bɔsɔmwá. Ka aketa obola mopena yabɛja Abiatali kɛlɛmɛsɛ ke ndábo ya Bɔsɔmwá.» 27 Yɛsu atɛnda kalɛ tɛ : «Sabato* yaketeka né ko bato, ka moto taketeka mo Sabato*. 28 Mokoba tɛ Mwǎna we Moto né olě Mɔkɔta kɔtɔta Sabato*.»