Marcos 5

Yɛsu amɔnɛkɛja moto we bichanda mwɛjɔ

1 Ka Yɛsu né ngelela* jande babanda kyatenge ke galilaya baolela kɔkɛsɛ ke ba Gɛlasi. 2 Ka Yɛsu aikelela mo wǎto, ayɔyɔala mwǎmolome ɔmɔnji amolela mo manjalo ka abaka kwande. Olá mwǎmɔlɔmɛ abɛja ne meyombi. 3 Ka boli kaneno wande né komanjalo, ka angɔ̌ né moto wǎɔsɔna kalɛ ko mokuma makɔki. 4 Mokoba tɛ pena lisɛ abɛja akumeka makɔki me munyɔlɔlɔ nělila mbolo, ka abɛja ku amabuka. Kǒsǐ moto wa mɔ̌sɔna. 5 Ola moto abɛja ku kwalɛngɛ mo manjalo buchu ne jǒba, ka né mo ngolo. Ka ǎkamoka ka aiyandǎ pota né mawɛ.

6 Ka amɔna nde Yɛsu motanga, ka ayaka lobelo kole nde amǔmbela makɔngɔ koboso nande. 7 Ka ola moto atɛnda ně jǒki likolo : «Awɛ Yɛsu Mwǎna wa Bɔsɔmwá bikě bile asambǎ meno nao ? Bilibili kolokombo lwa Bɔsɔmwá, iketa bobe!» 8 Ola moto atɛnda obola mokoba tɛ, Yɛsu amotɛndɛla : «Awɛ moyombi toka kǒna moto!»

9 Ka Yɛsu amoweja : «Lokombo lwao nani ?» Amɔ̌tɔjɛla tɛ : «Lokombo lwanɛ né ‹Lɛgiɔni› né kɔtɛnda tɛ tolené babula.*5.9 Kekumva ke bato. Ololokombo lwa tɛnda kalɛ tɛ kekumva ke bina iyoko elefu motoba ka aba batɛnda obola, mokolangeja kubula ko meyombi ya beya.» 10 Ola moto apapa kwǐsakeleja na Yɛsu atɛnda tɛ : «Ǐɔnga ena meyombi motanga ně ke kese.»

11 Mǒlola lolo Kwabɛja kekumva kengolobe Kyabɛja molokaǒ. 12 Ka meyombi ɛsɛ yamosolela tɛ Yɛsu : «Tolamona kwǐngela mwěli ngolobe!» 13 Yɛsu aimenya. Ka meyombi yaola kǒla moto yaingela mwělila ngolobe. Ayɔyɔala elila ngolobe jakɔlɔmɔka komǔku lobelo ka jǎiyǔsa mo kyatenge jamɔta. Jěmba lisɛ jabɛja apeke ngwali libelé lingolobe. 14 Kosila, bachungi bělila ngolobe batena ko kaja né motoja tomekeanya basaola malɔngɔ ko bato byaeteka okola. Bato babaka ka baimɔnɛna byaeteka. 15 Bamo belela Yɛsu ka bamɔna ola moto wabɛja né meyombi, alikana mɔmɔsɛkɛ, abɛja awala ngɔmbɛ ka aiki wǎlǐ. Amɔnabɔ obola bǐka nɛ̌ bɔ̌ba. 16 Abala basɛ baimɔnɛna byɛndɔ bisɛ byaeta kǒla Moto né kongolobe basaola kwǎba babaka kɔmɔngɔ. 17 Mǒbola, bǐka bamɔɛngɛla Yɛsu batɛnda : «Bilibili toka mo kese kito!» 18 Mopena ya nina Yɛsu mo wǎto, ola moto wamɔnamwɛjɔ amosolela Yɛsu : «Ingimenyenya iyake nao.» 19 Ka, Yɛsu taǐmenya, ka amɔsɔlɛla : «Yaka ko ndabo yao, obasolele bisɛ bikoketele Mɔkɔta, mǒbola bɔkɔmɔnɛnɛ nde lokwa.» 20 Ola moto ayaka. Ka ǐka abalanganya malɔngɔ ko toja né mo mosomba we Dɛkapɔli *5.20 Dɛkapɔli né kɔtɛnda tɛ kesé ke mesomba ikomimɛlɔndɔ ɛ̌sɛ yamoketela Yɛsu. Ka aǔkwa bato obola basɛ basebalala.