1 Xa̱bo̱ Korínto̱ 15

54 Ído̱ gáxtiꞌkhu̱u rí naꞌga ma̱ꞌni̱i ne̱ rí tsíꞌga, jamí ikhaa máꞌ rí najáñuu ma̱ꞌni̱i ne̱ rí tsíjáñuu, a̱ꞌkhue̱n ma̱mba̱núu rí ka̱ma naꞌthán ná i̱yi̱i̱ꞌ ajngóo Ana̱ꞌlóꞌ:

«Ni̱ꞌngo̱o̱ ni̱gu̱ma-gámba̱a mbá jayu tsiakhe̱ rí naꞌne rí ma̱ja̱ñúú xa̱bo̱».*15.54 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 25.8.

55 «Ikháánꞌ, tsiakhe̱ rí naꞌne rí ma̱ja̱ñúú xa̱bo̱, náá ni̱ka̱ rí ni̱ꞌnga̱a̱ꞌ rá.

Ikháánꞌ, tsiakhe̱ rí naꞌne rí ma̱ja̱ñúú xa̱bo̱, náá ni̱ka̱ ski̱ya̱a̱ꞌ rá».*15.55 Ajngáa ríge̱ꞌ na̱ꞌkha̱ ná I̱yu̱u̱ꞌ Oséa̱s 13.14.