1 Pedro 1

10 Ga̱jma̱á máꞌ numuu rí ma̱jáwiáanꞌlaꞌ, nene̱-gajma̱a̱ mújúún jamí ni̱ra̱xe̱-makúún tsí ni̱rawíjnga̱a ajngóo Ana̱ꞌlóꞌ wajyúú, jamí nithee̱n ga̱jma̱á numuu rí naꞌgí-mina̱ꞌ Ana̱ꞌlóꞌ rí maxnálaꞌ. 11 Xu̱u̱ꞌ Krísto̱ tsí xtáa̱ ná awúun a̱kui̱ín xa̱bo̱ tsúꞌkhue̱n, niꞌthán-múꞌúu̱n rí phú mamínu̱u̱ꞌ Krísto̱ rí ginii jamí nda̱wa̱á a̱ꞌkhue̱n ma̱ꞌkha̱ rí phú tsímáá, ikhaa jngó nune̱-gajma̱a̱ mújúu̱n kajngó mbuyáa̱ tsáa xa̱bi̱i̱ nithán numuu jamí nguáná gáríga̱ rúꞌkhue̱n.