1 Otakarda uni o sher bando numi gyam Bulus, bugyam bo Botʻbwakimga Yesu na bu swabo bone bo Onhon o ogage e zwammagaa anabare a tusongo a eb.

2 Bone bo Onhon ushi kama'iri yinu tun na Jigu, bando yinu atuma a Onhon na so shitak she ob she bura̱̱. 3 Anabare a tusongo ate zwam Bwa bo ob ne, Bot-butuwaga na buti Yesu Botʻbwakimga, bone bando o kingi bushi bo ebenchi e Dauda, 4 Ama bando nagu turiya to eb to uhuchi ishi bwa bo Onhon na iko ab zwame nani bando owashinga eb bando ana a owagi 5 Bando Yesu gatu hi iyi bura̱̱ na tuswabo, zwam reze re eb ato duniya kuchi a tane mahinda a swabi henda. 6 Uni ushi taba na gahi ato tonge to Roma, ana a Onhon o ogage ishi ato a Yesu Botʻbwakimga. 7 Otakarda uni ushi o kuchi nuhi gahi ato ana a Onhon o kudage ana a yo na Roma, ana a za turiya ana a Onhon o ogage.

Baka Onhon Buchi na buti na Botʻbutuwaga Yesu Botʻbwakimga bo me pa iyi bura̱̱ na ashinya a bura̱̱

8 Na Jigu, na on gwadaga Onhon numi bando Yesu Botʻbwakimga zwam gahi kuchi, zwam kuchi ato duniya a hogo taaje o etano'emahinda nihi. 9 Onhon ushi sheda numi kuchi ene e gyamu zwame ishi mahinda, Onhon one o gyamu on gyamata na kuchi so numi bando e zwamgaa e anabare a tusongo a bwa bo Onhon. Onhon o daki ene e gyame butare 10 Kuchi gagu o gyam on menga. na on roko Onhon nezwama, shi ene e gab on binu, ko inga e hi yeno o koro wo gahi. 11 Zwam na on tukudago e me hya zwam e me pa tupano tu mai tu uhunchi tune twa me panga mahonre. 12 Ene e gyamu on eba ne, tu panga mahonre ma hato nati, gyam na me panga mahonre ma so bando etano'eso nimi wo Yesu gahi ma ena panga mahonre bando etano'eso nihi wo Yesu.

13 A hunwa, na kudage e daki nezwama na shiu shir dinya e koro wo gahi, ama har yanzu ana yenswa e sha nani. ekudago e koro zhnumi eba ne zwam eshi biguba̱ wo gahi ta gyam shi na so ana aza yahudawa. 14 A zhe honbe o koga na reto rinimi, re ato shepo na re ato shi'undu, re ato edaku na ana aza edaku. 15 ob o nsa gyam shiu neya e me zwama anabare a tusongo gahi kumba ana ayo na Roma.

16 Anabare atusongo ate ashi iyi mu'e ba wo gyam, zwam abane ashi iko e Onhon ane araga shibkaga kuchi ana a tanomahinda wo echago, na jigu wo ana aza yahudawa. 17 Zwam bando anabare ate a tusongo ne aba araga chibaga adalchi a ne ayo bando Onhon e be yo, henda a hyangu adalchi ate bando etano emahinda na jigu har koro akundaga. ta ob o yo herange na so here Onhon nezwama,<< Bot bo adalchi, bando etano e mahinda ne bob bwashi muhondo.>>

18 Zwam araga chibaga ta Onhon wari na turwana owa shagi ato aduba na so shen ob bando nagu o hale a Onhon na enk a mugunta a ato ana araga Yansanga mahinda bando enk a mugunta mwaba. 19 Zwam e ne aba pwa daku na reto re Onhon o yo swabciya̱ na wo aba, zwa Onhon ne o sabchiu yek. 20 So o tuswe e to Onhon na hend iko e ob o dududu ba iya aba pwa hya na risha ba ama tun na jigu o duniya a chibano irine sabchiya, apwa daku yek bando iyi ene e Onhon ushi. zwamnani ato aza dalili o maya! 21 Zwam ko na ob o yo yek a daki Onhon, kuchi nanani yek echibano oik egodu ba, nanani ma, tumane haba a shiu suba, so owaba o nagu kamabutarya hend a shiu tunshi. 22 Ko na yek a zach ashi ato tuenge, ama yek ashi adamba. 23 Aba bariki e edanduwa e Onhon one oza a a owagi koro mahoga mashinu ta bot bwa owagi mashinu ta bot bwa owagi, na hend mahoga mashinu munono, na hanuga, na ene e yo ta shahwa na shikadagi.

24 Zwamnani Onhon o tuta yek wo e shagu e mugu o sha'awa o hakoko haba, na kingi kaba henda yek shagu iyi mu'e na reto ryaba. 25 Yek barikiu mahenda ma Onhon tak. yek gyamata iyi ene a ba shi, har yek on shagyaga yek hidima maimako a shagi bune bu shi yek ama reto re bob, bu ne bu dama a shagi boik kuyabo har dududu kaniya. 26 Zwamanani Onhon u tuta yek wo sha'awa shine she sapago mu'e a'a ba a guwa bando kama haraga o bwaa na buri one uba, ushi honzhe bando a ba shi bot koro kamaharaga one o yo honzhe ba. 27 Nani henda na sha'awa she hato haba she su reto ryaba pa ato tware a guwa kamaharaga na a'a ba one ob ushi honzhe bando a ba shi bot. ato tware na a'a a on shaga iyi mu'e nanani yek a zhangi hato haba aduba ana ashi dade na hamugu o enk aba.

28 Na ba ge a yo na edaku e Onhon, pa Onhon o tuta yek bando tunane o banza na suba zwam yek ashi ene e kamache ashi ba. 29 yek ayo shinji na ko iri nyana nagu adalchi, na mugunta, na kiryane, na kama wondo o so, aba shiji na tushibiya, na e hono e bot riʻu, na bitaga, na tuwaryanu, na so shiri, yek ashi ato guluma. 30 Ana a hachigago reze, ana a on ga ba na Onhon, ato zwage a e dandago o reto, ana a on kama dandaga hato haba, ato e parago e mugunta, a na a swabagiwa a acheche haba. 31 A shi ana a za hankali, ana a shindagiwa kamaira yinu, a na a za tukudago, na a nagu o ehogo e nyama. 32 yek a daki kaida o Onhon nezwama kuchi bune bu shagu enk ane yek a kamache u'u, ama ba yek a on shagu iri ne suba ba, har ma yek a on gudaga ana a on shagu nani.