1 Gyam Bulus nazhe iyi bura̱̱ e gyamwa me zwama nareto re buhuwa na buti Pibi, ene ishi bugyam bo Onhon na so ana a on swabi Onhon na Kankiriya. 2 E che ek na wa biryagya zwam Botʻbutuwaga ta ato Onhon a shagu, e pa boik kuchi ene e bob bwakudago wo gahi, zwam bob ma bo banga ato dinya, bona bonga gyam reto na rimi taba. 3 Ena zwangya Bilkisu na Akila, achagiya nami na so Botʻbwakimga Yesu, 4 ana a tano reto ryaba wo u'u zwam gyam, ba henda gyam gyamu gyam on gwada yek ba, ama na kuchi ana a on swabi Onhon wo al'umai. 5 Na zwangya ana a on swabi Onhon ab kama haraga na yaba nyaba. Na zwangya bone bo gyam kudage dinya Abainatas, bone bushi bot bo Jigu bando ana a taneso na Asiya. 6 E zwange Mariyamu, mane ma meshagiwa enk dinya henda na mahinda. 7 E na zwangya Andarinikas na Yuniyas, ana ashi yahudawa ahuwa nami, a chagiya nami a tuparo, ana ab a daki yek honzhe bando atuma, har ashi ana na rwagi gyam echeu e Botʻbwakimga.

8 E zwange Ampiliyatus, bone bo gyam kudage bando eswabo e Botʻbutuwaga. 9 E zwange Urbanaus buchagiya bo enk na buti na so Botʻbwakimga, na henda bone bo gyam kudage Sitakis. 10 E na zwangya henda Apalis, bwayajiya bote na so Botʻbwakimga. E zwange ato a Aristobulus. 11 E zwange buhuwa nabumi Hirudiyan E zwange ana ashi a Botʻbutuwaga na so ato Narkisus. 12 E zwange tarapina na Tirayipusa ana a onshi enk a Botʻbutuwaga. E zwange Parsis, bwaa bone bwaba kudage, bone bo shiu enk a Botʻbutuwaga dinya henda na mahinda. 13 e zwange Rupus, Bone bo shero reze bando eswabo e Botʻbutuwaga, na henda yini a eb, yini nami henda. 14 e zwange Asinkiritus, na Piligona, na Hamisa, na Baturobas, na Hamasa na henda ahuwa ana a yo taba naba. 15 E zwange pililugusa, na yuliya, na Niriyas, na buhuwa bo eb bo twaa, na ulumpas na henda kuchi ana aza turiya ana ayo taba naba. 16 E raga kana zwangaga na uzwano une o Onhon o kudage.kuchi ana a on swabi Botʻbwakimga a on kame zwamgaga.

17 Gyam Bulus na on roko nuhi, ahuwa nami, ishi honzhe na ana a kudage a me undagage, ana a on bitaga na echibagano ene e gahi koyi, a raga usapago udubuta, ishi hwanya naba. 18 ai, iri atwani araga gyamata Botʻbutuwaga na buti Botʻbwakimga, ama bando ab, bando taaje owaba o tusongo na e hogo e ana aza edaku a be pwatumaga ana aza e daku e Onhon dinya na sowaba. 19 Ama gahi kam, ai, koga bo daki e swabo nihi, obo sa gyam onshi so chen na gahi, se de na kudage e daki ene ishi e bura̱ eraga henda shaga ek, ama ishi ana aza mugunta. 20 Onhon one o panga ashinya a bura̱̱ henda, owasa e pundage bugwama bo muphar gyabogyabo iyi bura̱̱ e Botʻbutuwaga na buti Yesu Botʻbwakimga e tabachi wo gahi.

21 Timoti, buchagiya na bumi bo enk bo on kame zwangaga, nani henda lukiyas na yason. na henda susiba taras, ahuwa nami.

22 Gyamu Tartiyas, bone bo gyam on heranga atakarda uni, na on kame zwanga zwam Botʻbutuwaga.

23 Gayus, bone bona kazhiya, bone bo on kazhaga kuchi ana ashi aswabo a Onhon, e on kame zwangaga. Arastas, buti ira to shepo, na henda buhuwa na buti kawartas, na henda buhuwa na buti kawartas, a on kame zwangaga. 24 iyibura e Botʻbutuwaga na buti Yesu Bot-bwakimga e nya wo gahi kuchi Amin, A min.

25 Edanduwa e tabachi wo bo iko e kame panga e mahonre ma so bando anabare a tusongo nami, bando e mupas mo Yesu Botʻbwakimga, mune e yo swanya tun na Jigu o konya dududu. 26 Ama yanzu na akundaga a zwammagaa twek. Onhon one o yo swenya o sape atuma a ob a herange anabare a tusongo, zwam ato duniya kuchi a getage henda a hi etano e so dududu. 27 E edanduwa e tabachi wo Onhon one owink one ushi turenge bando Yesu Botʻbwakimga! e tabachi har dududu wo ob kaniya, kaniya.