1 To, inga ampane nami nezwama gab shi Bayahude? inga hend reba o kachiya? 2 Azhe hend, bando o ko owana yena Na jigu, yahudawa abane Onhon o pa yek amana na reto re ob e behenrya bite bene bi shi be Onhon. 3 Ama shi ato yink a chibano nagu o etano emahinda? etano emahinda e Onhon ishi e suba ba unu? 4 Nani ba? ko chimu! Onhon o yo na mahinda, ko na ob ushi ko ga buchi bot bu tak. ta ob o yo na so otakarda Onhon owange,

<<Zwam a daki taazhe nube shi mahinda

bu hyage hend ko ga gagu owaba on binchika na reto nobe.>>

5 To, shi nagu o adalchi nati u shiu yena o echibano e adalchi a Onhon no, nya gatwa zwamo? twa zwam Onhon ushi bot bu nagu o adalchi shi o tu shereu aduba? Na on shi taazhe ta koga bu shagu. 6 Nani ba! ko chimu! shinani ne in ta Onhon owashagi duniya aduba?

7 Shi nagu o mahinda namami o sape mahinda ma onho ma machibano sabchiya dinya, ushi henda iyi kisanga e dandago e Onhon, to, zwam nya har yanzu ana shagiu aduba nezwama gyamshi bot bo turiya? 8 Shi nani ne ba se ture tusha na e sha e mugunta zwam ushi yena o hiu o iyi bura̱ e Onhon ba? Ato yink a o tazhe o e hachigago o reze niti a be zwamaga na ni gatu zwame, a shereu ato ani na aduba ta ob oshiu honzhe a shagi yek.

9 To, inga ba unu? unbu gatu yahudawa tu hyange ato mai ne Nani ba! ko chimu! tu rego tu chibano nezwama na yahudawa na ana aza yahudawa kuchi a zhe makwada, yek a yo na henda kuchi yek a yo na karkashi o iko e turiya. 10 ta ob o yo herange na so otakarda o hera Onhon nezwama,

<<Aza Bot bu adalchi,

Aza, ko boink.

11 Aza bu mai boi gano

Ko bu mai boi mungeu mo Onhon.

12 Kuchi yek a pa Onhon yensa,

Yek a shiu ana aza ampane kuchi

Aza, bone bu shagi nagarta

Aza, ko boink

13 Ogwandogwando owaba

ta u'uyi one o yo sabchiya,

Kare kaba

A shiu iyi e warensumu.

Tazhe owaba

Ta mangare ma mugu awa.

14 Yinu yaba,

E yo shinji na taaje o shiri na kura.

15 Yek azhe tukyabkyabo to e kwanga e mahi,

16 Kuchi wo aba ura, se e pwatumu na so shiri.

17 Yek a daki yeno o ashinya a bara ba.

18 Aza hend ryansa re Onhon na risha ryaba.>>

19 Tu daki de nezwama kuchi ene e echibaga e musa e on zwamaga, e on zwamaga ana ayo na karkashi o eb ne. uni o yo nani kuchi zwam a nyashe ana a on gembo o huja, a chibane henda nezwama duniya kuchi o yo na karkashi o aduba a Onhon. 20 Zwam aza bune bwa hiu ashiya a nagu o makwada na bishina̱ be Onhon bando o yo na o getago ene e echibaga e zwame ashi E ne e echibagano ene e shagu eba ne e chibane bot turiya tu bob.

21 Ama yanzu henda a chibano yena o mai o e hiu e adalchi a Onhon zagu a ne adalchi hend ba bando echibaga e Musa aba hyagu aik ba, ko na ob ushi echibaga e Musa na hatakarda a tumana a shagu taaje na reto re eb. 22 Adalchi ate ane a sher wo Onhon, a hyangu aik ne bando etano emahinda na so Yesu Bot-bwakimga, Onhon o pa adalchi a ne wo kuchi bune bu tane mahinda. Ba henda e zaigyagu, 23 Zwam ko ga bu shiu turiya henda ko ga bu ma shembe eshe wo daraja Onhon. 24 A ma bando iyi bura̱̱ ene e Onhon ushagi ko ga suba ko ga bu hi ashinya a nagu turiya na bishina̱ be Onhon bando echago e te e Bot-bwakimga Yesu ishi. 25 Onhon o tuta Yesu uhanchi o ezhangu e ketopo ke turiya na tuti, zwam bando uhanchi o eb a yapen ato turiya twaba bando etano emahinda maba, Onhon ushi nani zwam u chibane adalchi a ob, zwam bando kama ibga o ob o gageu turiya twaba shi tun na jigu. 26 nanani Onhon o chibane adalchi a ob na gagu uni, zwam ob na reto re ob o zhe adalchi, henda o sapago kuchi bu ne bu tane ma hinda wo yesu bu hi ashiya a nagu makwada na bishina̱ be Onhon. 27 To, na reto re nya gatwashi makungu? Ai, a za iyi maya! Bando nya aba zhagi makungu? Bando e getago e echibagano e Musa? A'a se de bando etano emahinda. 28 Zwam gatu yado nezwama bando etano emahinda ne aba hyagu ashiya a nagu makwada na bishina̱ be Onhon, ba bando eswabo enk echibagano e Musa ba. 29 Ko hend Onhon, ushi Onhon o yahuwa suba, aba ba? tamahinda hend, ob ushi o ato ana aza yahudawa taba, 30 Zwam Onhon o yo oink, owa sa a to kachiya a hi ashiya a nagu makwada wo ob bando etano emakimga hinda, nani ma ana aza kachiya a hi ashiya a nagu o makwada bando etano emahinda ete. 31 Shin, tu zhangu echibaga e Musa ba unu bando etano emahinda eniya? ko chimu! Nanani ma, tu on tabbataga aik.