1 Zwamnani yanzu aza henda ekazhiwa bando ana a shagu kama haraga na Bot bwakimga Yesu. 2 ka ida o te o uhunchi one o panga nmuhondo one oyo bando Bot-bwakimga Yesu one cheu bando o kaida oturiya na o u. 3 Iri ne o hadoba a mashenbeshi, zwam hade amatuhinjha, Onhon ushiu wato o kazhiwa u,u na so kingi, na ob o tumane na Bwa bo ob na so kingi, na ob o tumane na bwa bo ob na shinu kibngi kani katu ka turiya zwam e guzagu e turiya. 4 Uni zwam ashindagi honbe a hadoba ne na reto niti, gatu nana a gatu on ashinya a amatuhinjha ba, se de ashinya a uhunchi. 5 Ana a on ashinya a amatuhinjha, ai,a raga tanaga yishaba wo enwe ishi e amatuhinjha, ana a on ashinya a ene shi e uhunchi henda a shanga na wo ene ishi e uhunchi. 6 E tanaga e yisha bando ene ishi tukundaga nyazhangu u'u, ama etanaga e yisha bando ene ishi e uhunchi henda bwahi muhondo na ashinya a bura̱̱. 7 Zwam etanaga e risha bando ene ishi e amatuhinjha bitaga ne na Onhon, zwam eswabagi hadoba a Onhon, zwam eswabagi hadoba a Onhon ba, ba henda bwa pwaba. 8 Ana a on ashinya a amatuhinjha a dama a pa Onhon so chen.

9 Ama gahi kam, ba ashinya a amatuhinjha gahi onshi ba, ato ashinya a uhunchi ne, shi de uhunchi o Onhon oyo shani na sheso nashihi. kuchi bone boza uhunchi o Bot-bwakimga henda, boza boza bo Bot-bwakimga. 10 Ama shi henda Bot-bwakimga bo yo na so nuhi, ba ruwanuhi na turiya ba unu, uhunchi henda muhondo ne wo gahi zwam e hiu adalchi a Onhon. 11 Shi uhunchi on hon ene o owashin gatume Yesu bando ana a owagi oyo na nuhi, to, uhunchi one owashingatume Bot-bwakimga Yesu bando kingi kate ka owagi, bando uhunchi o ob one oyo na sheso nashihi.

12 Zwamnanani, ahuwa, e hya, ashinya amatuhinjha aza honbe omaya har na gatwashi ashinya ab. 13 Shi e on ashinya a amatuhinjha, nya owagu ba un, ama shi na uhunchi o bura̱̱ gahi hone enk ate a ashinya a amatuhinjha,nya hi muhondo mo dududu. 14 Kuchi ana a uhunchi Onhon o raga chibaga yejk asbashi awo a Onhon 15 Ai, uhuinchi o gahi che ushi o tugyama ba, har gahya maringe ashitya a ryansa. A'a, ashi ashinya a awo, har gatu ogaga,<<Gab Abba, buchi!>> 16 Uhunchi Onhon na reto re ob ma, tabana uhunchi nuti a raga panga sheda, nezwama gatushi awo a Onhon. 17 Shi henda gatushi awo, ashe, tushi ato gago henda, ato gado Onhon achagiya a gado henda na Bot-bwakimga, shi de tu on su madurau taba na eba, henda a tu dande taba na eba, henda a tu dande taba na eba.

18 Ai, na ishanu nimi, maduru ma gatu raga swagi na duniya uni, madama a kamanchi mek na edanduwa ene ab tu pa ba. 19 Hingyana kuchi ene Ohon ushi erga hoge matambi, eraga ushi eraga hoge matambi, eraga tanaso o kama chibano o awo Onhon. 20 Ayinsao ene Onhon ushi ishi subs ba na nupi o eba ba ama na nupi one o bone bo yinsane yek. kuchi nanani azhe etano'eso, 21 Zwam a chago ene e Onhon ushi na reto retba ma bando o tugyam to epwaso, zwam e hi yanchi e te, e edanduwa e awo Onhon. 22 Tu daki de kuchi ene e Onhon ushi e raga honge maduru, e raga su azaba henda uiri a bwaa bo mamata, har koro yanzu. 23 Ban nanani ma, har gatun na reto niti ngatu ana a gatu hi uhunchi o bura̱̱, ene ebe shi eyeno Jigu, bando ene e gatwa hi, tu on muhondo na so nuti, tu on tanagaso o eshindu niti e awo Onhon, wato, echago e kingi kate kate na kati ba un. 24 Gagu ab tu chage ne gatushi, iri ni etano'eso. Ana henda, ai, etano'eso bando eye ab hi, ba etano'eso bane Ga bwa tano so bando ene e bob bo hiu. 25 Shi henda turaga tanagaso bando ene gatu hiu ba, na malpa gatu bake yek.

26 Nani henda uhunchi o raga katu bangaga bando tuneb tuneb na tuti, zwam gatu daki ma ene e kamachie gatu kaba ba, ama uhunchi na reto re,ob o raga kabaga zwam gatu na maduru mane ma hyange bishina̱ bya zwamage. 27 Ama bone o daki sheso nashiti bo daki ene e uhunchi o on. zwam bando ene e Onhon on ne uhunchi oraga kabaga zwam ana aza turiya.

28 Tu daki henda iyi kuchi uhunchi Onhon a raga shagu taba, koro iyi bura̱ wo ana a kudage Onhon wato, ana a Onhon ogage wo tugyama to ob.* 29 Ana a Onhon orego o yinga yek tun naJigu, ab ne Onhon o tane yek a zhanji shinu bwa bo ob, zwam bwa buniya bo shiu bo Jigu bando ahuwa dinya. 30 Ana a Onhon o tane yek henda, ab ne ob o chage. Ana a Onhon o chage ani henda, abane ob o dande.

31 To, nya naye gatwa zwamo na irini? shi, de Onhon o yo na yesa niti, ga henda bo pwashi bitaga na gatu? 32 Onhon one o yanso bwa bo ob ba, o pa boik ma zwam gatu kuchi, ashe, owatu pa konya taba na bwa wa biryagya ba? 33 Ga bwa tano ana o Onhon o yinga makwada? Onhon ne o raga chaga yek! 34 Ga bwa shereu yek hadoba? Bot-bwakimga Yesu bone bo u, ko henda a zwame bone bo On roko zwam mashinge bando ana a owagi boba ne boyo shani na wa katuga ka Onhon, zwam gatu! 35 Ga bwa pwa katu habsa na tukudago tone to Botʻbwakimga bo raga katu shagyaga? kunchi ne? ko tuyenzo ko tuzuma? ko remyaro? ko nagu iyabudaga? ko hasari? ko bitaga? 36 Ta ob oyo herange nezwama <<zwamgab ne ab raga katu hunaga huru kumbu, atu nrutago ta tame nyashirange>>

37 Kuchi nanani na so hale ani kuchi har tu hyange a zwame na gatu ato nasara, bando bone ne bo tu kudage. 38 Zwam na tabatu, ko u'u ne, ko mu hondo, ko tuma hagamba, ko tuma hagamba a tuwaga, ko ene shi e yanzu, ko bando ene e nya kore, ko ato iko, 39 Ko geso, ko tukwara, kai, ko iri nyana ene ishi e Onho9n ushi,e pwa katu undagaga na tukudago tone to Onhon oraga katushagi bando Bot-bwakimga Yesu Botʻbutuwaga na buti ba.