1 To, na on kaba. wato, Onhon o barikiu ato ob yensa ba unu? A'a, ko chimu! Ai, gyam ma na reto renimi nashi Ba'isra'ila, bo ibenchi e ibrahim bo kabila ka Biliyaminu. 2 ko chimu, Onhon o barikiu ato ob Yesu ba ana ob o yinga tun naJigu ba. Gahi daki ene e nasi o zwame ba, na reto re Iliya ba? Ta eb e shibke oto wo Onhon, na reto re Israila, nyange, 3 <<Gab Botʻbutuwaga, yek a hunago atuma nabe, a huzagu ebaro nebe etuta uhanchi. gyamgyamu ne gyam ryanta̱, yek a on gembo o muhondo namumi.>> 4 Ama nya Onhon o chane ek? owange <<Nama gitagiwa ato dubu ota ana a tabo hunka ba'alba.>> 5 Nani ma na azamane ani azhe ana a ryanta̱, ana ab yinga bando iyi bura̱ ob. 6 shi henda bando iyibura ne, ezane zwama we yinsa bando enk a ketopo ba unu. in ba nani ba, ashe, iyi bura̱̱ ishi iyi bura̱̱ ba unu ba.

7 To, inga ba unu? Ashe, ene e iisraila e on genbo, e hiu ba unu, ama ana ab yinga a hiu, ana a ryanta̱ henda a hagagiwa. 8 Ta ob oyo herange na ataka a Onhon nezwama, <<Onhon o sape sowaba, na rekoko ryaba ana a hugagewa, koro nane apwa hya ko a hogeba.>> 9 Hend dauda owange

<< Ga ushiya owaba umaringya hako owaba ,

Iyi e zhangya e hadari .

Ga yek a shi udubuta

E zhangi yak udubu ba

10 Ga yisha ba a shi tunshi har a pwa hya ba

tu chara to maduru tu zuta wo yek har dududu.>>

11 Har nanani na on kabaga Na ato Isra,ilawa ashi udubuta a hinago har yak a mashingeu ba? Nani ba: ko chimu Zwam turiya twaba echago e eshe wo ama aza yahudawa, Zwam a sape Yahudawa a hoge tushibiya twaba 12 Shi henda zwam turiya twabashi tu zhangya duniya iyi bura̱ shi kama shimba owaba opa ana aza ya hudawa Iyi bura̱ to inga ta iyi bura̱ ete nya nya gagu udubu o Yahudawa o shidu kuchi. 13 Yanzu na gashi ana a gahi shi Yahudawa na on taazhe. tunda gyam shi butom bo Yesu koro wo a na a za Yahudawa nashi makungu na enk nami chimu

14 Na e shi e nani na on menga nezwama na pa sape ato isra,ila a hoge gore har uni ma a sape a chage ato yinka 15 Sha ka sha e wondo nyaba aba shi ushiu yeno o e gunje o yena o kama kimga sakane o Onhon na duniya gagu o aba cheu yek henda ba e hinwa e muhondo bando ana a owagi ne one owa zhangu ba? 16 Shi a getago gungu onk a kapuka ka bero e kweno ko jigu bando e tuta e kaba wo Onhon a guzagu kuchi kapuka kane ba un, shi hend a yinga Onhon o ganda e'o kuchi shigogo shine a guzagu shek ba un . 17 To a gundagu shegogo shi maya she e'o e zai tun ene nya ba tuma pa ba zhagi agogo a mai a e,o e zaitun ene e yo na ozanga para yek ushiya gahi ana a shiwa Yahudawa ta agogo a e'o e zaitun o uzanga gahi yo gahi ne aba e para na ripitu rete, wato yahudawa a ne a bando aba ne gahi raga hyaga iyi bura̱ e Onhon. 18 Zwama nani eta sha makungu ne zwama e hyange shegogo shi te ya shaba gundagi. Shi henda e on makungu, se e ma butare ne zwama, ba ripitu rete ya re yinsa zwam gahi yinsa zwam ripitu rini. 19 Ama bu pwa zwam, <<Ai, a gundagi shegogo shini zwam a hi wo aba na para na ripitu.>> 20 Nani henda! Ama zwam nagu o etano emahinda ne aba gundagi shek na ripitu, gab henda bando etano emahinda ne gab yo na dama o yo taba na ripitu. zwamnani ta sha makungu Nanani ma henda, o hoge ryansa. 21 Ama shi Onhon o go shegogo shi te ba shine shishi she ripitu ba, gab ma a bu geu ba. 22 Pani tu pwa hya ta Onhon oyo na yinu bura̱ na henda tuzuma. O chibano edaku ob wo ana a hinage, Ama o chibano iyi bura̱ wo gab, wato shi bu zago na shiya abo wa iyi bura̱ ob. Shi henda bu reu tusha na na ni ba, gab ma a bu gundu wo ripitu rini ba un. 23 Shi henda israilawa a reu tusha na nagu o etano emahinda ba a hutara yek na ripitu, zwam Onhon o pwa maringyatumo yek wo ripitu. 24 Gahi ana a gahishi yahudawa ba, eyo ta e'o e zaitun e te e ne e yo na uzanga e ne e shi aba gunji oik, pa ba para oik, pa ba para oik ushiyana na e'o ene nyaba

25 Na kudagiwa e nya na nagu o iri niya, ahunwa, e ta zhaga hato nahi eshi ato turenge. ma ibpa mate mane mashi ma dududu ba ma bangi israila ne, har udubu o ana aza yahudawa ana a e so wo Onhon o shidu. 26 Nanani aba chago yahudawa kuchi. Ta ob o yo heryange ne zwama,

<<Bwa chagiya bwa koro na sihiyona.

Bwa zhangu nagu e swabo e Onhon wo ibenchi e yakubu.

27 Uni ushi kama'ira e yinu nimi naba,

Gagu o gyamwa cheu yek makwada maba.>>

28 Zwam e wando e taazhe o tusong owaba shi, yahudawa ashi ato bitaga na Onhon. uni zwam ampane nahi ne Ama zwam eyinga nyabashi, aba shi ato a Onhon o kudage uni henda zwam shikaka she shikaka shaba ne. 29 Zwam e pano e suba e Onhon na ogo ob ishiyi ene e Onhon owa geu ba. 30 Da gahi ana aza yahudawa, gahi shi ato nagu ehogo wo Onhon ne, Ama yanzu henda e hiu e hogo e nyama bando nagu ehoge e yahudawa. 31 Nani ma yahudawa ashi ato nagu e hogo wo Onhon yanzu uni henda zwam ahi ehogo e nyama bando o ehogo e nyama ete e Onhon o me chibane. 32 Zwam Onhon o maringya ato kuchi ta ato zharo a nagu o e swabo nyaba. Ushi nani zwam o chibane e hogo e nyama bando owaba kuchi.

33 Inga e gagau e tukwara to turenge to Onhon!

Tukwara to edaku e ob henda tuza inyaka!

Aduba a ob a hyange bishina̱ bya rutage,

Yena a ene ob o shagu e hyange bishina̱ be gano!

34 << Ga bu tabo daki so o Botʻbutuwaga?

Ga bu tabo shi buchagiya bu taazhe na ob!>>

35 <<Ga bu tabo pa Onhon iyi maya har ob owa nsa Onhon o me daura̱tumi boik?>>

36 Zwam ob ne ushi ko nya,

Henda irine kuchi.

Ko nya eraga shagu zwam ob.

Ga edanduwa e tabachi wo Onhon har dududu! kaniya.