1 Samuel 16

11 Enti obisaa Yisai se, "Mmabarima a wowɔ nyinaa ni ana?"

Yisai buae se, "Akumaa pa ara wɔ hɔ, nanso ɔrehwɛ nguan."

Samuel kae se, "Soma na wɔnkɔfa no mmra mprempren. Sɛ ɔmmae a, yɛrentena ase nnidi."

12 Enti Yisai soma ma wɔkɔfaa no bae. Na ɔyɛ ɔkɔkɔɔ a ahoɔfɛ aguare no na nʼani yɛ fɛ.

Awurade kae se, "Sɔre na sra no ngo. Ɔno ni."

13 Enti Samuel faa toa a ngo wɔ mu no sraa no wɔ ne nuanom anim. Na efi saa da no, Awurade honhom baa Dawid so wɔ tumi mu. Samuel kɔɔ Rama.