Atos 16

Paulo Ne Silas Da Afiase

16 Ɛda bi a yɛrekɔ baabi a yɛhyia bɔ mpaeɛ no, yɛhyiaa afenaa bi a akɔm honhom wɔ ne mu a ɔde nʼakɔm no hyɛ nkɔm ma ne wuranom nya wɔn ho. 17 Ɔdii yɛne Paulo akyi teateaam sɛ, "Saa nnipa yi yɛ Ɔsorosoroni Onyankopɔn no asomfoɔ a wɔaba sɛ wɔrebɛka nkwagyeɛ ho asɛm akyerɛ mo." 18 Yei kɔɔ so ara kɔsii sɛ da bi Paulo de ahometeɛ teateaa honhommɔne no sɛ, "Mehyɛ wo Yesu Kristo din mu sɛ, tu firi ne mu kɔ!" Amonom hɔ ara, na honhommɔne no tu firii afenaa no mu.