Aceitar Jesus
Aceitar Jesus é a decisão mais importante da vida. Quem o recebe como Senhor e Salvador recebe vida eterna, perdão completo e a presença permanente do Espírito Santo.
Ila wala wanhu waubochele na waukundile, nauwapa ludali lwa kuwa wana wa Nguluwi,
Kwa vila Nguluwi nakaigana isi mbaka nakamlavya Mwanage wa udewele, leka chila yomkunda yaleche kwajilila, ila yawe na ukomu wa mazuwa gose.
Yesu nakamwidichila, "Heni ndo nzila na kukomya na ukomu. Haduhu yalinguweza kuluta kwa Mhaza ila kwa kukolela kwa heni.
Houvumila kwa mlomo wa hegwe kuta Yesu ndo Mkulu na kukunda mnhumbula ya hegwe kuta Nguluwi nakamzilipula kuli wanhu wabagame, koloholigwa.
Mina chonolo cha gehile ndo kubagama, ila ndolendole yalingulavya Nguluwi ndo ukomu wa mazuwa gose kuli kilumba na Yesu Kilistu, Mkulu wa hetwe.
Ahyo wanhu weng’ha howolanda kwa itagwa lya Mkulu Nguluwi woloholigwa.’
Petili nakedichila, "Mleche gehile ga hemwe na chila yumwe wa hemwe yabatizigwe kwa itagwa lya Yesu Kilistu leka mpate kulechelwa gehile ga hemwe na kubochela ilagano lya Muhe Yelile.
Ulohozi wahaduhu kwa munhu yunji yoneche, kwa vila kuli isi yeng’ha, wanhu hawapegwe itagwa munhu yunji yawele hetwe twanguweza kuloholigwa naye."
Nawamwidichila, "Umkunde mkulu Yesu nagwe koloholigwa hamwe na wanhu wa ng’handa ya hegwe."
Ila hotukunda kota tudita wihe, lelo, Nguluwi ndo wa kitumbila yalingudita ganojile, heye kotusila gehile ga hetwe na kutuhovuga wihe weng’ha wotuditile.
Uhulichize! Heni ndangwima hali lwizi na kugong’onda na kuchemeleza. Munhu wone yahuliche lizi lya heni na kuchumula lwizi, ndokwinjila hakaye hake na kulya chilyo hamwe naye, naye kolya hamwe na heni.