27 Yisu abweleele: «Benu laayuha, baleele ti: "A sa mayamba ve✝." 28 Ka me ndeeli benu ti pasi nde wuuna wu li mu utala mukaasu na linyungi, amiikwasa mayamba na nde mu mutima a nde.

32 Ka me ndi mu undeele benu ti: Loosi bahala li luubinga mukadi a nde, tso a mu tooni bumbembo ve, nde li mu uvahula nde hu mayamba. Na bahala li luukwele mukaasu wu baabinga, miisa mayamba.»

19 Mu tooni ati, ni hu hati mutima a muutu hubaapala matsimi ma mabi, ma mu baabita hu uduba, hu mayamba, hu bulaala, hu yiba, hu mapfuta, na hu bituhi.

11 Nde aviidi bo mvutu: «Pasi muutu wu ubinga mukadi a nde na ubwekwele mukima, miisa mayamba huli mukadi watsomi. 12 Na tso mukaasu wu baakwele bingi mulumi a nde, na kweeli mukima, nde miisa mayamba.»

18 Pasi bahala li limiduba kwele na mukadi a nde na ukwele mukima, mi kwasa mayamba. Na bahala li lukwele mukaasu wu miduba kwele na mulumi a nde, si mayamba.»

4 na baaleeli Yisu: «Mulongisi, bamiikaanga mukaasu mo wunuuwu mu usa mayamba. 5 Mutso Mikele, Moose atuma bisu mu uduba mu mamanya✝, bakaasu ba we nde. Ka we buni leeli?»

6 Bo baaviidi nde hyuhu mo hiina mu utehele nde mweto, mana bakese nde. Ka Yisu abaandimi, na nde akasonehe mu mulembo mu toto. 7 Bu bo baavatini mu uva nde byuhu, Yisu ateleme, aleeli bo: «Tso ŋa hati la benu hu li na muutu wu avelesa lisumu, abaandiha ulanga nde manya.» 8 Nde abwebandama mu usonehe mu toto. 9 Bu bo baayuhi buuna, bo baavyasuhi mumosi mumosi, ubaandiha mu bakuutu. Yisu asaali siha na mukaasu wu aba ŋa butima bu litandala ŋaana.

10 Yisu abweteleme, aleeli nde: «Mukaasu, ba bakakese we ka ba bo? Muutu tso mumosi a hatsundisi we ve?» 11 Mukaasu ni ufutala ti: «Muutu ve, Pfumu.» Na Yisu aleeli nde: «Me kaka a utsundasa we ve. Yene! Ka umata loloyi, a habwesumaha.»]

18 Ni mu buuna, baabataani bumbembo. Pasi lisumu li muutu huusa, lo lili hu mbadi a nyutu, ka woosi wu ubaasalila bumbembo li mu usumana nyutu a nde mwakulu.

16 Ni mu buuna, me ndi mu undeele bu: Nyahaani Livupu libaatuma idiingu hya benu. Tso lisiidi buuna, benu alubwesingala tso hole, lituma li mapeyu ma musunya ve. 17 Mu tooni ati musunya na mapeyu ma maakakana na ma Livupu; na Livupu kaka lili mapeyu ma maakakana na ma musunya. Bo baboole bali mu ulwana. Ni mu buuna, benu libaaveletwala usa libwe li benu litondi usa.

19 Ka mavaanga ma musunya mali ma maamonehele: ni bumbembo, mayamba, mbiili ya yayuhu, 20 tsalili bifwita, bungaanga, iboho, midiingu, nyengi mu bana, mitsotso, mafufu, kabwili, makabu ma mabuli, 21 peyu ubaha, kolili malamu, mikungi mi mubaka udya na unywa na mavaanga makima ma pila mo yiina. Me apfwana ubweyibusa benu we bu me mbedi amiitswamina uleele: ba bali mu usa mavaanga mo maana, a bu ukoto mu Ipfumu hya Nzambi ve.

4 Nyaha pasi muutu abaakiinza makwele, na taangi makwele yivele na tsumihili. Nzambi utsundasa baatu ba bubaadyata hutso bumbembo na ba bubaasalila mayamba.

3 Litondo la Nzambi ni ti, benu liba na idiingu hya ngidi na utahuha na ndyatili yi bumbembo. 4 Pasi muutu ŋa hati la benu ayaaba ubaatuma nyutu a nde, we bu hwafwana mu ubaadyata mu bungidi na butsitu. 5 A lisiinga ubwa mu mapeyu ma mavele lisuunga ve, we bu hubaasa bangoyi, ba baveleyaba Nzambi.

4 Bimbembo mo biniibi! Benu a liyabi ve ti, utondo mambu ma tsi, ni ubelele hwa Nzambi? Ni mu buuna, tso muutu tondi uba mbaahi a tsi, nde aka muboho a Nzambi.

21 Me apa nde taangu mu usobo mbiili a nde, ka nde a hanyaha usambila banzambi bakima ve. 22 Ni mu buuna, me umbwaha nde ŋa yulu a taangi minyongi. Me umbwahila kaka mapasi ma manono huli bambaahi ba nde, ba bali mu usambila banzambi bakima na nde, tso bo a basobi mbiili a bo yimbi ve.