2 असां शुक्र केरते तैसेरे सामने एज्जम,

ते भजन ज़ोइतां तैसेरू जयजयकार केरम।

4 शुक्र केरते तैसेरे फाटकन मां दाखल भोथ,

ते तैसेरे अंगन्न मां तारीफ़ केरते दाखल भोथ,

तैसेरू शुक्र केरा, ते तैसेरे नंव्वे जो धन ज़ोथ!

1 यहोवारी तारीफ़ केरा, यहोवारी शुक्रगुज़ारी केरा, किजोकि तै भलोए;

ते तैसेरो प्यार हमेशारोए।

28 हे यहोवा, तू मेरो परमेशरस, अवं तेरू शुक्र केरेलो;

तू मेरो परमेशरस, अवं तेरी तारीफ़ केरेलो।

7 शुक्र केरते यहोवारू गीत ज़ोथ;

सैन्गी बज़ेइतां इश्शे परमेशरेरू भजन ज़ोथ।

30 अवं, परमेशरेरे नव्वेंरी तारीफ़ केरेलो, ते गीत ज़ोइतां तेरे नंव्वेरी बडीयाई केरेलो,

ते शुक्र केरतां तेरी तारीफ़ केरेलो।

7 यहोवा मेरी ताकत ते मेरी ढाले;

तैस पुड़ भरोसो रखने सेइं मेरे मने मद्दत मैलतीए;

एल्हेरेलेइ मेरो दिल खुशे;

ते अवं गीत ज़ोइतां तैसेरू शुक्र केरेलो।

13 एल्हेरेलेइ हुनी हे इश्शे परमेशर! अस तेरू शुक्र ते तेरे महान नंव्वेरी तारीफ़ केरतम।

6 कोन्ची भी गल्‍लरी फिक्र न केरा, पन हर एक्‍की गल्‍ली मां तुश्शी दरखुवास, प्राथना बिनती सेइं शुक्रे साथी परमेशरे कां हाज़र भोन।

3 अवं ज़ैखन-ज़ैखन तुसन याद केरताईं, तैखन-तैखन अपने परमेशरेरू शुक्र केरताईं।

17 ते वचन या कम ज़ैन किछ भी केरा सब प्रभु यीशुएरे नंव्वे सेइं, ते तैसेरे ज़िरिये बाजी परमेशरेरू शुक्र केरा।

2 अस अपने प्राथनान मां तुसन याद केरतम, ते सदा तुश्शे सेब्भी केरे लेई परमेशरेरू शुक्र केरतम। 3 ते अपने बाजी परमेशरेरे सामने तुश्शां कम्मां, ज़ैना तुस विश्वासेरे वजाई सेइं केरतथ, ते बड़ी मेहनतरां कम्मां ज़ैन सेइं पतो च़लते तुस होरन सेइं प्यार केरतथ, ते इश्शे प्रभु यीशु मसीहेरे वापस एजनेरे उमीदरे लेई मुसीबतन मां सबर केरतथ, अस लगातार याद केरतम।

4 अवं तुश्शे बारे मां अपने परमेशरेरू हर वक्त शुक्र केरताईं, एल्हेरेलेइ कि परमेशरेरो ई अनुग्रह तुसन पुड़ यीशु मसीह मां भोव।

57 पन परमेशरेरू शुक्र भोए, ज़ै इश्शे प्रभु यीशु मसीहेरे ज़िरिये पापे ते मौती पुड़ ज़ींत देते।

14 परमेशरेरू शुक्र भोए, ज़ै मसीह मां सदा असन ज़ीतरे जशने मां च़लाते, ते अपने ज्ञानेरी खुशबू इश्शे ज़िरिये हर ठैरी फैलाते।

10 आखरी, ज़ै बेनेबाले बीज़, ते खानेरे लेई रोट्टी देते, तै तुसन बीज़ देलो, ते तैस सेइं फलवन्त केरेलो, ते तुश्शे धार्मिकतारो फल बधालो। 11 तुसन हर गल्‍ली मां बरकत मैल्हेली ज़ैस सेइं तुस जादे दान देनेरे काबल बनेले, ते ज़ैखन अस तुश्शे हछ्छे दाने तैन कां नेमेले ज़ैन ज़रूरते त तैना लोक परमेशरेरू शुक्र केरेले।

19 ते एप्पू मांमेइं परमेशरेरां भजन ते स्तुति केरते ते आत्मिक गीत ज़ोथ, ते अपने-अपने मने मां प्रभुएरे लेई गीत ज़ोथ ते किरतन केरते राथ। 20 ते सदा सेब्भी गल्‍लां केरे लेई प्रभु यीशु मसीहेरे नंव्वे सेइं बाजी परमेशरेरू शुक्र केरते राथ। 21 ते मसीहेरे डरे सेइं एक्‍की होरेरे अधीन राथ।

41 तैखन यीशुए अपने हथ्थे मां पंच़ रोट्टी ते दूई मेछ़ली ट्लेइ, त अम्बरेरे पासे तेकतां शुक्र कियूं। तैल्‍ला पत्ती, यीशु तैना रोट्टी ट्लोड़तां चेलन कां देते जेव कि लोकन खाने जो देन। तेन्च़रां दूई मेछ़ली भी तैन सारे लोकन बेंटी दित्ती। 42 ते सारे मैन्हु खेइतां रेज़्ज़ी जे। 43 तैल्‍ला पत्ती, यीशुएरे चेलेईं बेच़ोरी रोट्टी त कने मेछ़ली केरे टुक्ड़न सेइं 12 टोकरी भेरि।