Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Keti mushoshomue ha cuma cimo, vuno honi mu vioshe ha lilombelo, kaha mu malombelo eni lombeni vije munajena kaha tsantseleni kuli Njambi mu mitima yeni.
Njikatsantsela Njambi yange mu vintsimbu vioshe vije njikamivuluka.
Kaha vioshe mulinga, mu lizi cipue mu vilinga, vilingeni vioshe mu lizina lia Muene Yesu, nakuhana kutsantsela kuli Njambi Tate kuhitila muli ikeye.
Ntsimbu yoshe tukatsantsela kuli Njambi hali yeni voshe, kaha naua ntsimbu yoshe tukamilombelela. Tukavuluka ku mesho a Njambi yetu na Tatetu muje mumunahaka lutsilielo lueni mu vipangi, na muje cizango ceni cili nakumihundanganesa, na muje kutsiliela ceni mukukola ngoo muli Muene uetu Yesu Kilistu.
Ntsimbu yoshe njikahana citsantsela kuli Njambi, hali yeni muomu ya kavumbi ka Njambi kaje kavamihanene yeni muli Kilistu Yesu,
Vuno honi tutsantsela kuli Njambi uje akatuhana kuhiana kuhitila muli Muene uetu Yesu Kilistu.
Vuno honi njitsantsela kuli Njambi, muomu muli Kilistu ntsimbu yoshe ikeye natutuamenena ngue vinzinda vakuhiana muli Kilistu. Njambi akatupangesa mukulingisa Kilistu ashandoke ngue luengo luacili luakumuzivuka kuoshe kuoshe.
Kaha uje muka kuhana mbuto kuli ndimi na mbolo kupua cakulia, akamihana na kuvuezelela viuma vieni nakuvuezelela kuteja ca vusunga. Mukafuka mu vingila vioshe linga mukale na ngozi yakuhana cikuma vintsimbu vioshe, kaha kuhitila muli yetu ngozi yeni ikapua citsantsela kuli Njambi.
Handekeni kuli umo na nukuavo na mezi a miaso ya Visamo na miaso yakulela. Imbeni miaso na kushangazala Muene mu mitima yeni. Ntsimbu yoshe tsantseleni kuli Njambi Tatetu mu viuma vioshe mu lizina lia Muene Yesu Kilistu.
Lihaneni kuli umo na mukuavo muomu yakusingimika Kilistu.
Kaha Yesu uambatele vimbolo vitanu na vantsi vavali kaha uatalele muilu, nakuvikuisula, kaha uapazuile vije vimbolo, uahanene vandongisi vendi linga vahane vantu, kaha uavapangelele vaje vantsi vavali voshe. Voshe valile nakukuta. Vandongisi va Yesu vakunguluile vimbazuvuila via vimbolo na vantsi vije viasaleleho via kupua mitonga likumi na ivali.