Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Bita lɛsaa biala di ninwuna nsi ni atansa Saate nwu.
Bitansa Saate nwu.
Dikitɛ Yaa Nwu Katansa
Bitansa Saate nwu.
O ɔkla nii, tansa Saate nwu.
Kamatansa Saate nwu di nkpa nii mmuu kamɛ;
kamasa katansa sinu nta Yaa di obe wɔ lɛnya nsi ni nkpa.
Diekye afɔ niabla suoto nii kamɛ asaa;
afɔ nialoso mi faasiisa di yaami olofofɔtɔ kamɛ.
Kɔtansa fɔ diekye fɛɛbla mi di lɛyɛkɛ le niɛbla ni ɔkpɛ kamɛ;
sɛkpɛ lɛfɔ lɛbla ɔkpɛ,
n-ye nya amuu nwaa.
Akufi nii ditale fɔ lewofasaa
di obe wɔ baabla mi ni di kawofakɔ.
Obe wɔ baaloso mi baakyasa ni di kasɔ nwu kakyofokɔ,
anu lɛfɔ lanya suoto nii se manadibla nii.
Ayi amuu fɛɛtɛɛ nii
faakpana nya faakpee di kukũ lɛfɔ kamɛ
di obe wɔ di kuonwii lɛma ditawɛ nii.
Kamasa sinu nta Saate nwu di nkpa nii mmuu kamɛ;
kamasa katansa sinu nta Yaa nii di obe wɔ nsi ni nkpa.
Ta disi nii obu ditoobuo nwɔ anu,
fɛ mmle kɔnya ni suoto lɛyɔɔ di Saate nwu kamɛ.
Bitofo bilɛ Saate nwu ninle Yaa nɛ.
Nnwɔɔ ninle nnwɔ niabla wo nii, bale nwɔ kafɔɔ bule;
batii nɔɔ bule, bafoso di sɛfa nɔɔ kaweekɔ.
Bibuo di n-yoko nɔɔ ku sɛfa ɔpɛ
ku akpata nɔɔ ku katansa;
bipɛ nwɔ sɛfa, biɛtansa leyooto nɔɔ kafɔɔ.
Mmle di lɛbɔmbɔ lɛfɔ le ninaa ni kaloo lefũ ni kɔya!
Banɔɔfo ku bibisɔ
nwɛ katanikokɔ di afoko lɛfɔ oyududu.
Mankonko di leyo lɛfɔ alesaa lɛpɔ nwu suoto;
fanta ma ntu di suoto lɛyɔɔ okle lɛfɔ nwu kamɛ.
Diekye ɔkyɛ lɛfɔ di nkpa kataakɔ nkpe;
di lɛkpa lɛfɔ kamɛ buɔnya lɛkpa.
Sɛfa Ɔlaa Ɔpɛ
O Saate, matakatɛsa fɔ katoo,
diekye afɔ niadiki mi di dibiɔ kamɛ
ni fananta kafɔɔ suoto siyɔɔ balo nii di suoto nii nɛ.
O Saate, Yaa nii, lalɛɛ fɔ nlɛ kyakaakoe
ni faakya mi ofiɛ nɛ.
O Saate, faadiki mi faakyeko ɔkya kamɛ;
faafũ mi nkpa alɛ ntabuo di dibiɔ kamɛ.
Sɛfa Ɔpɛ Ɔta Yaa Di Lɛka Tinini Nɔɔ Suoto
O Saate, kamatansa fɔ, ku otu nii omuu;
kamabuɛ sɛkpɛ lɛfɔ se simuu niɛbla ni ɔkpɛ.
Kamanya suoto lɛyɔɔ mpɔ di kamɛ lɛfɔ;
O Afɔ wɔ Ninlenke ni; kamanya suoto lɛyɔɔ mpɔ di kamɛ lɛfɔ, kamasa sinu ntansa fɔ leyooto.
Nse fatoole feemiɛ yi, faatansa SAATE Yaa lɛfɔ ta kasɔ biene ka ɛɛta fɔ ni oso.