1 Nnya kasɔ nwu batii ba niadie ni di sɛlanle kamɛ baawa ni Yerusalem, mba di Babel ɔka Nebukadnesar lakpaa aasifiko ni sɛlanle kamɛ di Babel kasɔ (baapɛbaakple baasifi ni Yerusalem ku Yuda, otii biala lasifi okpoo nɔɔ omu, 2 manko mba mmle niapɛbaakple baawa nɛ, Serubabel, Yesua, Nehemia, Seraia, Reelaia, Mordekai, Bilsan, Mispar, Bigwai, Rehum ku Baana):

Israel batii basuɔtɔ lɛpɔ niale nle mmle nɛ:

36 Olebatatɛ niale:

40 Lewi Batii niale:

41 Sinu basantɛ:

42 Olekatakɔ n-yoko banyuntɛ:

43 Olekatakɔ nwu bakpɛmblatɛ:

55 Solomon bakpɛmblatɛ banantii:

59 Batii ba mmle niakye Tel-Mela, Tel-Harsa, Kerub, Adon ku Imer sekpoo nɛ, kafɔɔ batafuo otuo alɛ ayo lɛma kamɛ batii lakye Israel:

61 Ku mba niakye ni olebatatɛ kamɛ:

62 Batii ba mmle lawolaa ayooto lɛma di leyo lɛma akũ kamɛ, kafɔɔ batanya nya, nioso badiki ma di olebatatɛ sɛsaabla kamɛ, fɛ batii ba ninanklekle nii. 63 Abaa kanyayilatɛ latɔkɔ ma alɛ batanle alesaa ya nieklekle alenke ni kuninwii dialaase di obe wɔ baawɛ ni oletatɛ wɔ nin-yɛ ɔɔbla ni ɔkpɛ ku Urim ku Tumim*.

64 Dikudi nwu nimmuu lɛpɔ labla batii nkpe afosi-ana-nkpe-nnyɔ, alafa-atiɛ-afosi-akuɔ, 65 di bakpɛmblatɛ-suɔtɔ ku bakpɛmblatɛ-sanko lɛma nkpe nkuɛnsĩ, alafa-atiɛ-afosi-atiɛ-bakuɛnsĩ diesi ni kaamɛ nɛ; ni baawɛ sinu basantɛ basuɔtɔ ku basanko alafa-anyɔ kafɔɔ nɛ. 66 Baawɛ bapɔnkɔ alafa-akuɛnsĩ-afosi-atiɛ-bakuɔ, babɔkɛɛ ba nite ni fɛ bapɔnkɔ alafa-anyɔ-afosi-ana-banɔɔ, 67 kapubapɔnkɔ alafa-ana-afosi-atiɛ-banɔɔ ku bapɔnkɔ ba nintuka ni atoo nkpe-nkuɔ, alafa-akuɛnsĩ-afosi-anyɔ.

68 Di obe wɔ baalaabuo ni SAATE nwu leyo di Yerusalem yi, ayo nwu kamɛ banɔɔfo bawo lata asaaɔta ku otu-fãa diata ni Yaa leyo ose letofo di katofokɔ nini. 69 Baata koto katɛkɔ nwu koto sɛɛle bakilo alafa anɔɔ, koto fututu bakilo nkpe nnyɔ alafa-anɛ ku olebatatɛ akpeele kɔlafa diɛta ni ɔkpɛ nwu di mmle di ɔnyɛɛ lɛma late ni kanya.

70 Olebatatɛ, Lewi batii, sinu basantɛ, n-yoko banyuntɛ ku olekatakɔ bakpɛmblatɛ nwu lasiɛ di sekpoo lɛma simu kamɛ, ku batii bamba bawo, ni di Israel batii bule lasiɛ di sekpoo lɛma kamɛ nɛ.